Job 19 | TyvTUV | STEP | Иов мынча деп харыылаан:

a Иов 24:12; Авв. 1:2

b Иов 3:23; Ыы. 3:9

cЫд. ыр. 88:40

d Иов 13:24; 33:10

e Иов 10:17

f Иов 30:12; Ыы. 3:5

g Ыд. ыр. 30:12; 37:11; 68:9; 87:9

o У. ч. 23:11; Иса. 43:14

qЫд. ыр. 16:15; 1 Ин. 3:2

s Эккл. 12:14

‏ Job 19

Иовтуң чугаазы: Камгалакчым меңээ болчуп кээр

1 Иов мынча деп харыылаан:

2 «Мени кайы хире үр хилинчектээр силер,
сөстериңер-биле човалаңга таварыштырар силер?
3 Он катап мээң сеткилимни хомудаттыңар,
мени кызагдаарындан ыятпас-тыр силер.
4 Бир эвес ылап-ла бачыт кылган болзумза,
бачыдым мээң-биле артып каар ийик.
5 Бир эвес ылап-ла мээң мурнумга өрү көрдүнүп,
адым баксырааны дээш мени чемелеп турар болзуңарза,
6 билип алыңар: мени Бурган бак аажылаан-дыр,
Ооң четкизи мени ораап алган-дыр.

7 „Ат кылып турлар!“деп алгырарымга, харыы чок-тур.
дуза дилеп кыйгырарымга, шынныг шииткел чок-тур ^a.
8 Бурган мээң оруумну боогдап алган – эрттинмес-тир ^b,
кокпаларымны дүмбей-биле шып каан.
9 Алдар-хүндүнү менден дүжүр тырткаш,
бажымдан одагамны ушта соп алган ^c.
10 Чер болгандан мени соп тур – өлдүм-не!
Идегелимни, ыяш ышкаш, тура тыртып каапкан.
11 Ооң килеңи менче кыптыккан,
Ол мени дайзыны кылдыр санап алган ^d.
12 Ооң шериглери чыглып алган ^e, менче халдап кел чыдар,
менче орук изеп, мээң аалымны бүзээлеп турар ^f.
13 Ха-дуңмамны Ол менден ырадып каапкан,
таныш-көрүштерим мени өскелээр апарган ^g;
14 чоок кижилерим мени каапкаш барган,
өөрлерим уттупкан.
15 Бажыңымда шаандагы аалчыларым,
кыс хөделдерим мени өске кижи деп санап,
хары кижиже дег көрүп тур.
16 Чалчамны кый дээримге, харыылавас-тыр,
аңаа чанныр ужурга таваржыр-дыр мен.
17 Мээң тыныжым кадайымның хөңнүнге дээпкен ^h,
кады төрээннерим ^{▼▼ Азы: «Бодумнуң ажы-төлүм».} менден чүдексинер-дир;
18 бичии уруг-дарыг безин мени тоовас-тыр,
көстүп кээрим билек, дорамчылап кочулаар-дыр ^j.
19 Чоок эштерим менден ческинер-дир,
ынак чораан улузум меңээ удур апарды.
20 Дөрт сөөк апардым,
мээң амы-тыным үстүр четти ^{▼▼ Бо домактың утказы эки билдинмес. Болгу дег өске утказы мындыг: «Мага-бодумну дижим-биле ызырып тур мен».}.

21 Кээргеңер! Мени кээргеп көрүңер, эш-өөрүм.
Бурганның холу меңээ удур-дур ^l:
22 чүге мени, Бурган ышкаш, истеп-сүрүп тур силер,
мага-бодумну хемдээш, тотпайн тур силер?

23 О, мээң сөстеримни бижип каан болза,
оларны дүрүг-номга шыйып кагза ^m;
24 демир кески-биле коргулчунга оя кезип,
дашка мөңгези-биле оюп кагза! ⁿ

25 А мен билир мен – Камгалакчым дириг ^o,
адак сөөлүнде Ол чер кырынга меңээ болчуп чедип кээр! ^{▼▼ Азы: «Чевээм кырынга туруп аар».}
Кежим сойлу бээрге безин,
26 мага-бодумдан чарлып тура,
Бурганны көрүп каар мен ^q.
27 Мен Ону бодум көрүп каар мен, өске кым-даа эвес ^{▼▼ Азы: «Хары кижи деп санавайн».},
бодумнуң караам-биле көрүп каар мен.
Хөрээмде чүрээм туруптарының кырында келди!

28 А силер мени истеп-сүрүксеп,
айыыл-халавым дээш бодумну-ла буруудадып тур силер –
29 ындыг болганда, хылыштан коргуңар,
килеңни хылыш-биле кезедир болгай;
силерни шиидип каар деп билип алыңар ^s».