Job 23 | TyvTUV | STEP | Иов мынча деп харыылаан:

‏ Job 23

Иовтуң чугаазы: Бурганны тып ап шыдавазым ол-дур

1 Иов мынча деп харыылаан:

2 «Мээң хомудалдарым ам-даа ажыг хевээр-дир,
Бурганның холунуң ^{▼▼ Өске бурунгу сөзүглелде «Бодумнуң холумнуң» деп бижээн.} аарындан човууртап тур мен.
3 О, Ону кайыын тып аарын билир турган болзумза,
Ооң дүжүлгезиниң мурнунче чеде берген болзумза!
4 Мен Ооң мурнунга херээмни илередип,
хомудалдарымны бүрүнү-биле чугаалаар ийик мен ^b.
5 Ооң харыызын дыңнап аар,
Ооң чугаалаан чүвезин билип аар ийик мен.
6 Ол Бодунуң бүгү күчү-күжү-биле меңээ удур чаргылдажыр бе?
Чок! Ол мени дыңнаар ийик.
7 Ынчан актыг кижи Ооң-биле чаргылдажып шыдаар боор ийик,
Шииткекчимден кезээ шагда адырлып аар ийик мен.

8 Чөөн чүкче-даа чоруптарымга, Ол ында чок-тур,
барыын чүкче-даа баргаш, Ону тыппас-тыр мен.
9 соңгу чүкте бир үүле бүдүрүп турар бе – көрбес-тир мен,
мурнуу чүкче ээпкен бе – эскербес-тир мен.
10 А мээң оруум Аңаа билдингир ^c;
Ол мени шенеп эзилдирзин – алдын ышкаш арыг үнер мен ^d.
11 Ооң изин истеп чораан мен,
Ооң оруундан чайгылбайн, эдерип келген мен.
12 Ооң айтыышкыннарындан ойталаваан мен,
Ооң сөстерин хөрек-чүрээмде шыгжап чоруур мен ^{▼▼ Азы: «Ооң сөстерин бодумнуң дүрүмнеримден артык үнелеп чоруур мен».}.

13 Бурган шиитпирлеп каан-дыр – Ооң шиитпирин кым өскертирил?
Ол күзээн-не чүвезин кылып турар-дыр ^f.
14 Ол меңээ онааган шииткелин боттандырар,
ындыг чүүлдер Ооң угаан-сагыжында хөй.
15 Ынчангаш мен Оон коргар-дыр мен,
ол дугайында бодап келгеш-ле, сүрээдээр-дир мен.
16 Бурган сеткил-чүрээмни дидим эвес кылыпкан,
Күчүлүг Бурган мени коргуушкун-биле бүргепкен.
17 Караңгыга чиде бээрим кай,
дүмбей караңгы мээң караамны дуглап аары кай! ^{▼▼ Бо шүлүктүң утказы эки билдинмес. Болгу дег өске утказы мындыг: «Ол мени дүмбей караңгы-биле шып-даа турза, караңгы турза-даа, мен ыыт чок барбадым».}»