Job 25
Вилдадтың чугаазы: кижи Бурганның мурнунга чөгенчиг
1Шуах чурттуг Вилдад a мынча деп харыылаан: 2«Эрге-чагырга биле коргуушкун оттурар күш – Бурганда;Ол Бодунуң бедик дээрлеринге амыр-тайбыңны доктаадып турар.
3Ооң аг-шерии эмге-тикчок!
Ооң чырыы кымның кырынга чырып үнмезил? b
4Ынчан кижи амытан канчап Бурганның мурнунга агартынарыл,
херээженден төрүттүнген кижи канчап арыг боорул? c
5Көр даан, Ооң мурнунга бо ай безин чырык деп санаттынмас-тыр,
сылдыстар база арыг эвес көстүр-дүр;
6а кижиде чүү боор d, ол курт-тур e,
кижи амытан – сирге-дир!»
Copyright information for
TyvTUV