Job 26 | TyvTUV | STEP | Иов мынча деп харыылаан:

‏ Job 26

Иовтуң чугаазы: Бурганның күчү-күжү кайгамчык

1 Иов мынча деп харыылаан:

2 «Күш чок кижиге сен канчаар дузаладың?
Шыдал чок холду быжыгладың бе?
3 Мерген угаан чок кижиге кандыг сүме каттың,
ажыктыг чүүлдү долузу-биле илереттиң бе?
4 Кым сени ындыг чугааларга өөредип кагды? ^{▼▼ Азы: «Сен кымга бо сөстерни чугааладың?»}
Кандыг күш сени дамчыштыр чугаалап тур?

5 Өлүг сүнезиннер Ооң мурнунда сириңейнип тур,
алдыы оранның суглары, ында чурттааннар сирилеп тур ^{▼▼ Чамдык шинчээчилерниң бодалы-биле ол шүлүктер Иовтуң эвес, а ооң бир эжиниң чугаазы бооп турар.}.
6 Өлүглер ораны Бурганның мурнунга ажык-көскү,
тамыны Ооң караандан шыптар чүү-даа чок ^c.
7 Ол соңгу чүктүң дээрин делгем хос кырынга чадып каан ^d,
черни куруг хоска азып каан;
8 сугну Бодунуң булуттарынга чыып аарга ^e,
олар ооң аарындан орулбас;
9 Ол Бодунуң дүжүлгезин ^{▼▼ Азы: «Чедишкен айның арнын».} дуглап,
Бодунуң булуду-биле бүргей аптар;
10 дески далай кырынга кызыгаар шыйып ^g,
чырык биле дүмбейни аңгылап турар.
11 Дээрниң баганалары сирилеп,
Ооң чемелээн үнүнден аймап турар ^h.
12 Бурган Бодунуң күчү-күжү-биле далайны томаартып,
Рахавты ^{▼▼ Рахав – хананей мифологияда сугнуң күчүтен моозу.} Бодунуң угаан-бодалы-биле чыттыр шаапкан ^j.
13 Ооң тыныжының эзининден дээр аязы бээр,
Ооң холу дыйлаңнаан чыланны өттүр шанчыптар ^k.

14 Ол бүгү Ооң ажыл-херээниң чүгле кезик-чамдыызы-дыр;
Ооң дугайында чүгле чаржынчыг сымыраныг дыңнаан бис.
А Ооң диңмирээн күчү-күжүн кым билип шыдаарыл?»