Job 3
Иовтуң бодунуң төрүттүнген хүнүн каргааны
1Ооң соонда Иов чугааланып эгелээш, бодунуң төрүттүнген хүнүн каргап каапкан. 2Ол мынча дээн: 3«Мээң төрүттүнген хүнүм чиде берзин,„Оол ботталды!“дээн дүн база читсин a.
4Ол хүн дүмбей караңгы бооп хуулзун,
дээрде Бурган ону сагынмазын,
чырык ол хүн чырытпазын!
5Ол хүн дүмбейге алзып алзын,
ону коргунчуг караңгы бүргей апсын,
булут шыва апсын, хүн туттуруушкуну коргудупсун!
6Ботталганым дүннү дүмбей хөме апсын,
чылдың бир хүнү кылдыр ол санаттынмазын,
айлар санаашкынынче ол кирбезин!
7Ол дүне үре-төл ботталбас болзун,
өөрүшкүнүң ыыткыр алгызы аңаа дыңналбазын!
8Левиафанны ▼
▼ Левиафан – хананей мифологияда сугнуң күчүтен моозу (Иов 40:20; 41:1; Ыд. ыр. 73:14; 103:26; Иса. 27:1 көр). Ол моос хүн туттуруушкунун болдуруптар күштүг деп санадып турган.
оттуруп шыдаарилби-шидичилер, хүннерге каргыш салыр кижилер
ол дүннү база каргап каапсын!
9Ол дүннүң эртенги сылдыстары өжүп калзын,
даң адарын ол хей-ле маназын,
эртенги хаяаның чырыш дээрин көрбезин!
10Чүге дээрге ол үе төрүттүнеримни болдурбайн барбаан-дыр,
човалаңны менден чажырып кааппаан-дыр.
11Чүге-ле мен төрүттүнеримде өлү бербээним ол,
иемниң иштинге-ле өлүп калбааным ол? c
12Чүге мени хойнунга олуртуп,
эмиг сүдү-биле эмзирип турганыл?
13Ынчан бүрлүп калган болзумза,
ам амыр-дыштыг чыдар ийик мен,
чыргал көрүп, удуур ийик мен;
14чер-делегейниң хааннары, ызыгууртаннары-биле –
ам буступ калган тудуглар кылып каан чагырыкчылар-биле кады;
15бажыңнарын мөңгүн-биле долдуруп,
алдын чыып турган нояннар-биле кады удуур ийик мен.
16Дүжүрген уругну дег,
чырык көрбээн чаш төлдү дег
мени ажаап каары кай! d
17Өлүглер оранынга бузуттугларның чедирген дүвүрели оожургаар,
могап-шылааннар дыжын көөр.
18Хоругдаттырганнар аңаа кады оожургап,
дарлакчының үнүн дыңнавастар.
19Аңаа чөгенчиг-даа, өндүр улуг-даа кижи дең болур,
кул кижи дээргизинден хостуг болур.
20Чүге-ле човалаң көрген кижиге чырыкты бергенил e,
сеткили хинчектенген кижиге чуртталганы бергенил?
21Ындыглар өлүмнү четтикпейн манаарга-даа, келбес,
ону үнелиг шыгжагдан кызып дилээрге-даа, тывылбас f.
22Чевегни тып алгаш, ол хөөкүй хөглеп,
өөрүп-байырлап шаг боор g.
23Ындыг хөөкүйнүң оруу муңгаш,
Бурган аңаа бүгү таладан шаптараазын тургузуп каан h.
24Ам мээң човуурум аъш-чемимни солуду,
караам чажы суг дег агып тур.
25Коргуп турган чүвем меңээ таварышты,
сүртеп турган чүвем мени хөме апты i.
26Меңээ оожургал-даа, амыр-дыш-даа,
тайбың-даа чок – чүгле дүвүрээзин!»
Copyright information for
TyvTUV