cЫд. ыр. 87:9
Job 30
Иовтуң түңнел чугаазы: ооң амгы хилинчээ
1«А ам менден аныяк улус мени шоодуп каттыржып тур a, оларның адаларын кодан малдарым чанында ыттарже безинчоокшулатпайн турган болгай мен.
2Оларның күчү-күжү кошкаан болганда,
холдарының күш-шыдалының меңээ херээ чүл?
3Түрегдел болгаш аштан чилчии үзүлгеш,
олар хоозураан ээн кургаг ховуда, дүмбей черде
кадып калган малгаш хемирип турарлар;
4шырыштардан ажыг оът-сиген чулуп чиирлер,
хараган дазылдары – оларның аъш-чеми;
5улус аразындан үндүр сывыртадып алганнар,
оларның соонче улус оорларже дег алгыржып турар.
6Олар кадып калган хем уннарынга,
черде үңгүрлерге, чарыктарга чурттаар ужурлуг;
7шырыштар аразында мөөредир алгыржып,
тенниг чадаң ыяштарда бөлдүнчүп турарлар –
8чуртундан үндүр сывырткан,
ады чок шаарланчак бөлүк!
9Ындыглар ам мени кыжырып ырлажып,
кочу-шоот кылып алган b.
10Менден ческинип, дескелеп c,
мени көрүп кааш-ла, дүкпүртүнеринден ыятпастар.
11Бурган мээң кирижимни кошкадып,
мени чөгенчиг кылып каан болганда,
олар калчаарап-ла тур.
12Саваажоктар оң таламдан халдап,
мени ужур идип,
меңээ удур өлүмнүг бүзээлел кылып тур d.
13Мээң хамык оруктарымны муңгаштап алдылар,
меңээ узуткаашкынны белеткеп турлар –
кымның-даа дузазы чокка ону кылып турлар.
14Алгыг дежиктиг хана дамчыштыр халдаан дег,
дааш-шимээн-биле чүткүп кирип турлар.
15Коргуушкун менче хөме халдаан e,
алдар-хүндүмнү хат-биле тарадыр шаапкан дег,
камгалалым булут ышкаш чиде берген.
16Хөрээмде тыныжым үстүр деп барган,
качыгдал хүннери мени сегирип алган;
17дүне када сөөктерим саргып аарыыр-дыр,
аарышкы мени удутпайн хемдиир-дир.
18Бурган мээң хевимни күш-биле ушта силгиир-дир,
хөйлеңимниң моюндуруундан сегирип аар-дыр ▼
▼ Өске бурунгу сөзүглелде «Хевимни уштуру амыр эвес-тир, хөйлеңимниң моюндуруу аажок кызар-дыр» деп бижээн.
,19Ол мени малгашче октапкан,
доозун-довурак дег, хүл дег апардым.
20Сени кый деп тур мен, а Сен харыы бербес-тир сен,
Сээң мурнуңда тур мен – а Сен менче кичээнгей салбас-тыр сен;
21Сен меңээ кадыг-дошкун апардың,
Сээң күчүлүг холуң меңээ өжээргеп тур;
22мени хаттарга бериптиң,
казыргыга бөөлдеттирип тур сен g.
23Билир мен: Сен мени өлүмче,
бүгү амытаннарга белеткеп каан бажыңче аппар чыдар сен.
24Буураан күжүр дуза дилеп, айыыл-халапка алзып турда,
кым олче холун көдүрерил?
25Мен бергедеп турар кижини кээргевээн мен бе,
ядыылар дээш сеткилим муңгараваан бе?
26Буян кордап чордум, бузут чедип келди,
чырык манап чордум, дүмбей караңгы дүжүп келди h.
27Ишти-хөңнүм хинчектенип, дыш көрбестеди,
качыгдал хүннери меңээ уткуй келди.
28Карара берген чоруп тур мен – хүн херелинден эвес ▼
▼ Азы: «Хүн чырыы чок караңгы черде тояап чор мен».
,чыылган улус мурнунда дуза дилеп тур мен;
29мен ам шөө-бөрүлер дуңмазы мен,
страус куштар өңнүү мен ▼
▼ Шөө-бөрүлер биле страустар ээн черлерге чурттап турган. Олар кээргенчиг үн-биле улуур база эдер турган (Мих. 1:8 көр).
.30Кежим карарып k, картталып тур,
изиг-халыын сөөктеримни өрттедип тур l;
31мээң чадаганымны ыы-сыы-биле хөөннеп каан,
лимбим муңгаргай аялгалыг ойнап тур».
Copyright information for
TyvTUV