Job 32
Элиуйнуң чугаазы: Иовтуң эштери аңаа төлептиг харыы бербеди
1Үш эжишки Иов-биле маргыжарын соксаткан, чүге дээрге ол бодунуң шынныынга бүзүрээр болган. 2Ынчан Бузтуң үре-салгалы a, Рам төрел бөлүкке хамааржыр Варахиилдиң оглу Элиуй килеңней берген. Ооң килеңи Иовче – ол Бурганны эвес, а бодун шынныг деп санап турганы дээш – хайныккан. 3Элиуй Иовтуң үш эжинче база – олар эжинге таптыг харыылап шыдавайн, Бурганны буруулуг кылдыр көргүзүп турганы дээш ▼▼ Өске бурунгу сөзүглелде «Иовту буруулуг кылып шыдавааны дээш» деп бижээн.
– хорадай берген. 4Ынчалза-даа Элиуй Иов-биле дораан чугаалажып эгелевээн, чүге дээрге демги үш эжишки оон улуг назылыг турган c. 5А оларда удур харыылаптар чүве чогун көргеш, ооң килеңи хайныга берген. 6Ынчан Бузтуң үре-салгалы, Варахиилдиң оглу Элиуй мынча деп харыылаан:«Мен аныяк мен, а силер – улуг назылыг силер;ынчангаш коргуксап,
билир чүүлүм чугаалаарындан тырттылып турдум.
7Мен „Кыраан назын чугаалазын,
чөнээн назын мерген угаанга өөретсин“деп бодадым d.
8Ындыг-даа болза, кижиде бар сүлде –
Күчүлүг Бурганның тыныжы кижиге угаанны берип турар e.
9Мерген угаан албан-на кыраан назын-биле кады келбес,
алыс шынны аныяанда-даа билип ап болур.
10Ынчангаш ам мен чугаалаайн, а силер дыңнаңар,
билир чүвемни мен база силерге ажыдайн.
11Мен силерни шыдамык дыңнап келдим,
сөстериңерни топтап бодап ап туруңарда,
бодалдарыңарже кичээнгей салып,
12силерже топтап көрүп турдум.
Ынчалза-даа кайыңар-даа Иовтуң сөстерин буруу шаппады,
ооң сөстеринге төлептиг харыы бербеди.
13Ынчангаш: „Мерген угаан тып алдывыс –
кижи эвес, а Бурган ооң буруузун илеретсин“– дивеңер.
14Ол меңээ чугаалаваан-дыр,
мен болза аңаа силер ышкаш харыылавас ийик мен.
15Бо улус аңгадай берди, харыылаптар чүвези чок-тур –
сөстери артпаан-дыр.
16Ам чүнү манаар мен – олар ыытташпас,
чүнү-даа чугаалавас ышкажыл?
17Мен база бодумнуң ээлчээмде чугаалаайн,
мен база билир чүвемни ажыдайн.
18Сөстер мени чык дола берген,
ишти-хөңнүмде сагыжым мени амыратпайн тур.
19Сеткил-чүрээм ажып-хөөреп турар арага дег,
чарлыр четкен чаа көгээржик дег.
20Чугаалапкаш, сагыжым оожургаар;
аксым ажыдып, харыылаптайн! f
21Мээң мурнумда кым-даа турза, тоовас мен,
кымга-даа чашпаалавас мен.
22Чашпаалап билбезим-не шын,
оон башка Чаяакчым мени дораан узуткап каар ийик!»
Copyright information for
TyvTUV