Job 35 | TyvTUV | STEP | Элиуй чугаазын уламчылаан:

‏ Job 35

Иов Бургандан шынныг эвес

1 Элиуй чугаазын уламчылаан:

2 «„Мен Бургандан шынныг мен“– деп чугаалаары
чөптүг чорук деп бодап тур сен бе?
3 „Бачыт үүлгетпезимзе, меңээ ажыктыг бе,
кандыг ажык-дузалыгыл?“– дээр-дир сен ^a.
4 Мен сеңээ база сээң эш-өөрүңге харыылап көрейн:
5 дээрже көр даан,
булуттарже топтап көр даан – олар сенден бедик-тир! ^b
6 Бачыт үүлгеткен болзуңза, Бурганны канчанган деп сен?
Кемниг херээң көвүдезе, Аңаа чүнү таварыштырар деп сен?
7 Чөптүг-шынныг болганың-биле Аңаа чүнү бээр сен ^c,
сээң холуң Аңаа чүнү хайырлап шыдаарыл?
8 Сээң бузуттуг-багың чүгле кижилерге хора чедирер,
а чөптүг чорууң кижи амытанга дузалаар.

9 Улус кызагдакчыларга базындыргаш, човууртап,
күштүглерниң холунуң адаандан алгырып турар ^d.
10 Оларның кайызы-даа: „Мээң Чаяакчым Бурган кайыл,
дүне биске ырлар хайырлап ^{▼▼ Азы: «Бисти күш киирип».} турар ^f,
11 бисти черниң аң-меңинден угаан-биле,
дээрниң куштарындан – сарыыл-биле
ылгай көрген демги Бурган кайыл?“– дивес-тир.
12 Базындырган улус алгыржыр-даа болза,
бузуттугларның улуургаа дээш, Ол харыы бербес ^g.
13 Бурган хоозун чугаа дыңнавас,
Күчүлүг Бурган ону эскербес.
14 Сен канчап черле: „Ону көрбейн тур мен ^h,
мээң херээм Ооң мурнунда,
шииткелди манап тур мен – дээр сен? –
15 Ооң килеңи ам-даа кыптыкпаан,
кем-бурууже Ол кичээнгей салбайн тур“ ^{▼▼ Бо домактың утказы эки билдинмес. Болгу дег өске утказы мындыг: «Бурганның килеңи Иовту таварбаан болгаш, ол ооң кайы хире кадыын билип албаан-дыр».} – дээр сен?
16 Чок, Иов хоозун чүве чулчуруп,
билиг чок сөстерин көвүдедип-ле турар-дыр ^j».