lЫд. ыр. 101:28
Job 36
Бурган улусту кеземче дамчыштыр өөредип турар
1Элиуй уламчылаан: 2«Бичии шыдажып мана – мен сеңээБурган дугайында өске чүүлдү ажыдар мен.
3Чаяакчының чөптүг-шынныын көргүзер дээш,
бодалдарымны ырактан шууштуруп эгелээр мен.
4Мээң сөстеримде меге ылап-ла чок,
билии четче-долу a кижи сээң мурнуңда тур.
5Бурган күчү-күштүг.
Сүлде-сүзүү быжыг кижиден Ол ойталавас.
6Бузуттугларны Ол дириг арттырбас,
дарлаттырганнарга эрге-шөлээни хайырлаар b;
7чөптүг-шынныг улустан Ол көрүжүн чайлатпас c,
оларны хааннар саадаар дүжүлгеге олуртуп каар,
кезээ мөңгеде өрү көдүрер d.
8А бир эвес олар бектеттирип,
айыыл-халаптың кинчизинге туттуруп алган болза e,
9Бурган оларның ажыл-херектеринче,
бузут-багынче, улуургаанче айтып турар-дыр;
10оларның кулаан чемелээшкинни угаап билир кылдыр ажыдып f,
бачыттан адырлыр кылдыр дужаап турар-дыр.
11Бир эвес тооп дыңнап, Аңаа бараан болур болза,
оларның чуртталгазының төнчүзү менди-чаагай болур,
чурттап артар чылдары өөрүнчүг болур;
12а бир эвес тооп дыңнавас болза,
хылыштан кырлып каарлар g,
угаан кирбээн хевээр өлүп каарлар h.
13Бургандан ойталаан улустуң чүрээн килең долган,
оларны Ол кинчилеп-бектээрге, чалынмастар;
14аныяанда-ла өлүп каарлар,
самыын-садар бужар кижилер дег, амызы үстүрлер.
15А түреңги кижини Ол түрегделин дамчыштыр адырар,
ооң кулаан дарлал дамчыштыр ажыдып бээр.
16Бурган сени база кызаа черден үндүрүп,
моондак чок хостуг черже аппаар ийик i;
сээң столуңга чаагай аъш-чемни долдур салыр ийик.
17А сен ам бузуттугларга айыткан шииткелди долузу-биле алыр сен,
шүүгү биле шииткел сенче чоокшулаан-дыр.
18Бурганның килеңи сени кезедип согарындан ▼
▼ Бо домактың утказы эки билдинмес. Болгу дег өске утказы мындыг: «Элбекшил сени дуурайлап кааптарындан».
,элбек хээли оруктан өскээр аппаарындан кичээн.
19Бурган сээң бай-байлааңга кандыг-бир өртек-үне бээр бе? k
Чок – алдынга-даа, эртине-байлактың кандыызынга-даа.
20Чоннарны узуткап чок кылыр
шииткел дүнүн хей-ле күзээр-дир сен.
21Бузуттуң аайынче киреринден кичээн,
сени бо айыыл-халап-биле шенеп турар-дыр.
22Бурганның күчү-күжү кайы хире өндүр бедик-тир!
Ол ышкаш Башкы бар бе?
23Кым Аңаа орук айтып бээрил,
кым Аңаа: „Сен багай үүлгедиг кылдың“– дээрил?
24Ооң ажыл-херектерин алгап-йөрээрин утпа –
улус ол ажыл-херектерни алгап ырлап,
25көрүп, ырактан кайгап магадап турар болгай.
26Бурганның өндүр улуу биске долузу-биле билдинмес,
Ооң назы-харын билип ап шыдавас сен l.
27Бурган сугнуң дамдыларын чыыптарга,
олар чаъс-чаашкын бооп куттулар m,
28булуттардан төктүп бадар,
кижилерни чайыктар-биле өттүрер.
29Кым булуттарның көжүп турарын,
Ооң чурттап турары дээрниң диңмирээрин билип ап шыдаарыл?
30Бо-дур, Ол кудайны кызаңнааш-биле чырыдып,
далайның дүвүн дүмбей-биле дуглап тур.
31Ынчалдыр Ол бүгү чоннарны чагырып турар,
оларга аъш-чемни элбээ-биле хайырлап турар.
32Ооң холундан чаңнык үнер n –
Ол кайнаар дужаай-дыр, ынаар соптар;
33Ооң келгенин диңмирээшкин чарлаар,
мал-маган безин Ооң келгенин билип каар».
Copyright information for
TyvTUV