Job 4 | TyvTUV | STEP | Теман чурттуг Элифаз мынча деп харыылаан:

gЫд. ыр. 118:120

k Иов 9:2; 25:4; Ыд. ыр. 142:2; Эккл. 7:20

‏ Job 4

Элифазтың чугаазы: бачыт чок кижи турбас

1 Теман чурттуг Элифаз мынча деп харыылаан:

2 «Чугаа-сөзүм сеңээ анчыг бооп чадавас,
ындыг-даа болза, ыыттавайн баар арга бар бе?!
3 Сен бодуң хөй улусту билиндир сургап,
суларап калган холдарны күш киирип турдуң ^a.
4 Илдигип кээп дүшкен улусту сээң сөстериң көдүрүп турду,
тептиккен улусту быжыглап турдуң.
5 А ам айыыл-халап сени таварыырга, харыксырап калдың,
ол сеңээ дээптерге, сагыш-сеткилиң дүвүреди.
6 Бургандан коргуушкун сеңээ чөленгиишти,
а оруктарың кем-буруу чогу ^b – идегелди берип турар эвес бе?

7 Сактып кел: буруу чок кижи өлүр ийик бе,
чөптүглер узуткаткан бе? ^c
8 Мен көөрүмге, хай-бачыт аңдарып,
човалаң тарып турар улус оозун ажаап аар-дыр ^d.
9 Олар Бурганның тыныжындан өлүп каар-дыр,
Ооң килеңиниң эзининден чиде бээр-дир ^e.
10 Арзылаңнар алгызы, ырланган үнү дыңналып турза-даа,
оларның дижин тура тыртып кааптар;
11 араатан аң олча тыппаанындан өлүп каар,
арзылаңчыгаштар тарай маңнажы бээр.

12 Чажыт сөс меңээ билдингир апарды,
мээң кулаам сымыранган сөс дыңнап кагды:
13 дүвүренчиг дүнеки көстүүшкүннер аразында,
улус улуг уйгузунче дүлүнген үеде ^f,
14 коргуушкун болгаш сирилээшкин мени хөме ап,
сөөктерим сириңейни берди ^g.
15 Бир сүлде мурнум-биле эрте берди ^{▼▼ Азы: «Хат-салгын мээң арнымче эзиннеп эгелээн».},
бажым дүгү дораан адыя берди.
16 Ол кээп туруп алды, а кым боор деп танывадым –
чүгле тода эвес хевир-дүрзү мурнумда турду.
Ыржым өттүр бир-ле үн дыңнап кагдым ⁱ:
17 „Кижи амытан Бургандан шынныг ^{▼▼ Азы: «Бурганның мурнунга чөптүг-шынныг».} боор бе,
Чаяакчызындан арыг боор бе? ^k
18 Бурган Бодунуң чалчаларынга безин бүзүревес-тир,
Бодунуң төлээлериниң безин четпестерин көрүп каар-дыр ^l.
19 А дойдан туткан, довурак-доозунда турар бажыңнарда чурттаан ^{▼▼ Бажың, оран-сава – мында кижиниң мага-бодунуң дугайында чугаалап турар чадавас (Э. д. 2:7; Иов 10:9 көр).},
үзүт-ховаган ышкаш чылча базып каап болур
кижилер дугайында чугаалаан-даа ажыы бар бе?
20 Олар эртен бар, а кежээ чок апаар –
шуут чиде бээри эскертинмес.
21 Оларның оран-савазын быжыглаан багларны үзе тыртып каапкан.
Улус мерген угаан чедип албайн өлүп каар ⁿ“».