Job 40
Бурганның ийиги чугаазы: өндүр улуг амытаннарның Дээргизи Мен-дир мен
1Дээрги-Чаяакчы Иовка шуурган иштинден мынча деп харыылаан a: 2«Ёзулуг эр дег, куржанып белеткенип ал;Мен айтырайн, а сен Меңээ харыыла b.
3Таанда-ла Мээң шиитпиримни буруу шавар сен бе,
бодуңну агартыр дээш, Мени буруудадыр сен бе? c
4Бурган ышкаш күчү-күштүг сен бе,
Ол ышкаш диңмиредир чугаалаар сен бе? d
5Ындыг болза, бодуңну өндүр-чаагай чырык-биле каастап ал,
чайынналчак мактал-хүндү кеткен хевиң дег болзун;
6бүгү турамык улусче көргеш, томаартывыт;
килеңнеп, хорадааныңны туттунма,
7бүгү улуургактарже көрүнгеш, сөгүртүвүт,
бузуттугларны турган черинге чылча базывыт!
8Оларның шуптузун чевегге хөөп каг,
алдыы оранга хоругдап каг.
9Мен ынчан сени мактаар мен:
тиилелгени сеңээ бодуң холуң шаңнаан-дыр e.
10Бехемотче ▼
▼ Сөс сүрүп очулдурарга, «аажок улуг мал» дээн. Бегемот бооп чадавас (орус дылда ол сөс бо сөзүглелден укталган).
көр даан:ону база, сени ышкаш, чаяап каан мен;
ол, шары ышкаш, оъттаар-дыр g.
11Ооң дөңмектериниң күчү-күштүүн,
иштиниң шыңганнарының кадыг-быжыын көр даан!
12Ооң кудуруу пөш ышкаш дыңзыг-дыр,
дөңмектериниң сиирлери дүргектели берген-дир.
13Буттары хүлер хоолайлар-ла,
сөөктери демирлер дег-дир.
14Ол – Бурганның чаяалгазының өндүр бедик эгези-дир!
Олче хылыжын чүгле ооң Чаяакчызы аннып болур.
15Тейлер аңаа аъш-чемни бээр,
ында бүгү черлик аң-мең ойнап-хөглеп турар.
16Ол шырыштарга дыштанып чыдар,
тулаада кулузун аразынга чаштына бээр;
17чокпак үнүштер ону хөлегези-биле шуглап аар,
дамырак суг эриинде талдар ону хүрээлеп аар.
18Дажыг суг хөме апса-даа, ол кортпас,
Иордан хем ооң аксынче куттулза-даа, ол тоовас.
19Ол көрүп турда, кым ону тудуп шыдаарыл?
Кым ооң думчуундан тыртпа-биле илип аарыл?
20А Левиафанны ▼
▼ Хананей мифологияда күчүтен суг амытаны (Иов 3:8 көр). Чамдык тайылбырлакчылар ону крокодил азы кит боор деп даап бодап турар.
сыырткыыш-биле тудуп аар сен бе?Ооң дылын хендир-биле кызып ап шыдаар сен бе?
21Ооң думчуун кулузун-биле өттүр идип,
чаагын тыртпа-биле үттеп шыдаар сен бе?
22Ол сенден катап-катап чаннып дилээр бе,
сээң-биле ээлдек чугаалажыр бе?
23Ол сээң-биле керээ чарар бе,
кезээ шагда сээң кулуң боор бе? i
24Сен ооң-биле, кушкаш-биле дег, ойнаар сен бе,
чалча кыстарыңга оюн-хөг кылдыр, ону баглап каар сен бе?
25Балыкчылар ол дээш садыглажыр бе,
садыгжылар ооң коң эъдин үлежир бе?
26Ооң кежин чыдалар-биле,
бажын – балык шанчар серээ-биле өттүр шанчар сен бе?
27Холуңну аңаа дегзип көр –
катаптавайн баар сен: тулчуушкун уттундурбас!
Copyright information for
TyvTUV