Job 5 | TyvTUV | STEP | «Кый деп көр, кым сеңээ харыылаар-дыр? Дээрниң ыдыктыг төлээлериниң кайызын дуза дилеп кыйгырар сен?

lЫд. ыр. 93:12; У. ч. 3:11

m Ы. х. к. 32:39; Иса. 30:26; Ос. 6:1

n Ыд. ыр. 33:20; У. ч. 6:16; 30:18

o 3 Хаан. 17:6; Ыд. ыр. 32:19; 36:19

pЫд. ыр. 30:21

r Ыд. ыр. 71:16

s Э. д. 15:15; 25:8

‏ Job 5

Бурганның чемелеп турар кижизи амыр-чыргалдыг

1 «Кый деп көр, кым сеңээ харыылаар-дыр? Дээрниң ыдыктыг төлээлериниң кайызын дуза дилеп кыйгырар сен? ^a
2 Мелегей кижини килеңнээчели өлүмге чедирер ^b,
а кенен кижини изиглээшкини узуткап каар.
3 Көрген мен: мелегей кижи турумчуп чурттай берген болур,
ынчалза-даа ооң бажыңын хенертен каргыш таварыыр ^{▼▼ Өске бурунгу сөзүглелде «Ооң бажыңынга хенертен каргыш салган мен» деп бижээн.}.
4 Ооң ажы-төлүнге болчур кижи чок,
оларны хоорайның төп шөлүнге дарлап-бастыр,
а камгалаптар кым-даа чок болур.
5 Оларның дүжүдүн өске – аштаан кижи сыырыптар,
тенниг хараган аразында үнгенин безин арттырбас,
а суксаан кижи оларның эт-хөреңгизин ажырыптар.
6 Хай-халап черден үнүп келбес,
човалаң хөрзүнден өзүп келбес-ле болгай;
7 а кижи, чаштанчының өрү ужары дег,
човалаңны боду төрүүр ^{▼▼ Бо домактың утказы эки билдинмес. Болгу дег өске утказы мындыг: «Човалаң көөр дээш төрүттүнер».}.

8 А мен бодум Бургандан дуза дилеп кыйгырар мен,
ажыл-херээмни Аңаа бүзүреп дагзыр мен.
9 Ооң ажыл-херээ өндүр улуг, билип аары болдунмас,
Ооң кайгамчык чүүлдери эмге-тикчок ^e.
10 Бурган черже чаъс чагдырып,
шөлдерни суггарып турар ^f;
11 базындырганнарны бедикче үндүрүп,
ыглап-сыктааннарны камгалалче өрү көдүрүп турар ^g;
12 кажарларның бодалдарын үрей шаап,
оларның холунче чедимче кирбес кылып турар;
13 мерген угаанныг дирткеннерни оларның-на кажары-биле тудуп,
оптугларның сүмелерин будулдуруп турар ^h:
14 чырык хүндүс-ле оларны караңгы бүргей аптар,
дал дүъште, дүне дег, суйбанып чоруурлар ⁱ.
15 Бурган ядыы күжүрнү хылыштан,
дайзыннарының аксындан, күштүглерниң холундан камгалаар ^j.
16 Ынчаарга түреңги кижиде идегел бар,
а бузут-бак аксын хаап аар ^k.

17 Бурганның чемелеп турар кижизи амыр-чыргалдыг!
Күчүлүг Бурганның эдип-чазаар сургаалын хүлээвейн барба ^l:
18 Ол сени балыглаза-даа, балыыңны Боду шарып бээр,
Ол сопса-даа, Ооң-на холдары экиртип каар ^m.
19 Алды айыыл-халаптан Ол сени камгалаар,
чедиги-даа айыыл сеңээ дегбес ⁿ;
20 аш-чут үезинде сени өлүмден ^o,
дайын үезинде – хылыштан адырып каар;
21 нүгүлдүң кымчызындан чайлай бээр сен ^p,
хоозурал кээринден кортпас сен.
22 Хоозурал биле аш-чутту кочулаар сен,
черлик аң-араатандан кортпас сен;
23 шөлде даштар-биле тайбың керээзи чарар сен,
черлик аң-мең сээң-биле эп-найырал тудар.
24 Сээң аалыңга чаагай чорук келгенин билип аар сен,
хой кажаазынче көөрүңге, четпес чүүл чок боор ^{▼▼ Азы: «Аал-ораныңга келгеш, бачыт кылбас сен».};
25 хөй санныг үре-салгалдыыңны көрүп каар сен,
салгакчыларың чер кырында оът-сиген дег боор ^r.
26 Четчип бышкан назыныңда чевегже кире бээр сен ^s,
үезинде ажааган тараа бажы дег боор сен.
27 Илередип билип алган чүүлүвүс ол-дур – ылап-ла ындыг!
Дыңнап алгаш, бодуң шиңгээдип ал».