Joe 3 | TyvTUV | STEP | «Ол хүннерде, ол үеде, кажан Мен Иудеяга база Иерусалимге эки чолду эгидипкенимде ,

‏ Joel 3

Иудеяның дайзыны чоннарны Бурганның шиидери

1 «Ол хүннерде, ол үеде, кажан Мен Иудеяга база Иерусалимге эки чолду ^a эгидипкенимде ^{▼▼ Азы: «Иудеяның база Иерусалимниң чонун туттуруушкундан эгидипкенимде».},
2 Мен бүгү чоннарны чыггаш ^c, Иосафат шынаазынга ^{▼▼ Иосафат шынаазы – «Дээрги-Чаяакчының шииткелиниң шынаазы» дээн ат.} эккелгеш,
оларны аңаа Мээң чонум дээш, Мээң өнчүм болур Израиль дээш шиидер мен ^e.
Чүге дээрге олар Мээң чонумну өске чоннар аразынга тарадып каапкан-дыр,
Мээң черимни үлежип алган-дыр.
3 Олар Мээң чонумну үлежип, төлге даштары октаан;
самыын-садар херээженнерге төлевир бээри-биле база арагалаары-биле
чонумнуң бичии оолдар, кыстарын кул кылдыр садып турган ^f.

4 Тир, Сидон хоорайларның база бүгү филистим девискээрлерниң чурттакчылары ^g,
силер Меңээ чүү апарган силер? ^{▼▼ Азы: «Силер Меңээ удур чүү сагыштыг силер?»}
Менден өжээн негээр деп тур силер бе?
Ынчаар-даа болзуңарза, Мен силерниң өжээн негээшкиниңерни
удавас боттарыңарның бажыңарже амыр-белен халдадыр мен.
5 Силер Мээң алдын-мөңгүнүмнү ап алган,
улуг үнелиг эртинелеримни боттарыңарның бурганнарыңарның өргээлеринче
ап алган-дыр силер ⁱ.
6 Иудея биле Иерусалимниң улузун оларның төрээн чуртундан ырадыры-биле
гректерге садып турдуңар.
7 Көрүңер, Мен иудейлерни силерниң садып чорудупкан черлериңерден
көдүрүп эккээр мен, үүлгедииңерни боттарыңарның бажыңарже халдадыр мен.
8 Силерниң оглу-кызыңарны Иудеяның чонунга садыптар мен,
а иудейлер оларны ыракта Шеваның чурттакчыларынга ^j садыптар».

9 Ол чоннар аразынга мону чарлап чугаалаңар:
дайынга белеткениңер!
Эрес-дидим дайынчыларны көдүрүңер!
Бүгү шериглер чоокшулап келзин, халдап кирзин.
10 Андазыннарыңарны хылыштарже,
хол кадыырларыңарны чыдаларже эде соп кылып алыңар ^k.
Кошкак кижи безин: «Күш-шыдалдыг мен!» – дизин.
11 Бүгү чоннар, чер болгандан далаш-биле келиңер,
Шииткел шынаазынга чыглыңар.
О, Дээрги-Чаяакчы, дайынчыларыңны ынаар эдертип аппар!

12 «Бүгү чоннар оттуп келзин, Иосафат шынаазынче чедип келзин,
чүге дээрге Мен аңаа долгандыр турар чоннарны шиидери-биле саадап олурар мен ^l.
13 Оларны, бышкан тараа дег, дүжүт ажаар херекселдер-биле кезип эгелеңер ^m.
Барып, оларны виноград дег сы базыңар, арага доскаарларның эриин ажып турзун ⁿ –
ол чоннарның бузут-багы кончуг улуг-дур.

14 Шииткел шынаазында эңдерик хөй чон мөөңнежип тур,
чүге дээрге Дээрги-Чаяакчының хөделип үнер хүнү
Шииткел шынаазынче чоокшулап келген-дир! ^o
15 Хүн биле ай өжүп, сылдыстар чырытпастап турар-дыр ^p.
16 Дээрги-Чаяакчы Сиондан диңмирээр, Иерусалимден дыңзыдыр алгырар ^q,
чер биле дээр сириңейни бээр.
Ынчалза-даа Дээрги-Чаяакчы Бодунуң чонунга хоргадаар чер болур ^r,
израиль чонга – шивээ болур.
17 Ынчан Мени силерниң Бурганыңар Дээрги-Чаяакчы деп,
Бодумнуң ыдыктыг даам Сионда чурттап турарымны билип аар силер.
Иерусалим ыдыктыг хоорай болур,
хары улус оон ыңай кажан-даа олче халдап келбес апаар ^s.

18 Ол хүн виноград чулуу даглардан сыстып үнер,
тейлерден сүт агып бадар ^t, Иудеяның бүгү хем уннары долу суглуг апаар ^u.
Дээрги-Чаяакчының өргээзинден суг бажы аттыгып үнгеш ^v,
Ситтим шынааны суггарар ^w.
19 Египет ээнзиреп каар ^x. Эдом ээн кургаг хову апаар ^y.
Иудеяның чонун каржы-дошкуну-биле аажылап,
ол черге буруу чок хан төп турганы дээш, ындыг болур.
20 Иудея мөңге чурттаар, Иерусалим салгалдан салгал дамчып амыдыраар ^z.
21 Мен оларның ам-даа чуп бербээним ханын чуп кааптар мен ^aa.
Дээрги-Чаяакчы Сионга чурттаар!»