John 16
Истеп-сүрүүшкүннер дугайында сагындырыг
1«Мен ол бүгүнү силерниң бүзүрелиңер чайгыла бербезин дээш чугааладым. 2Силерни синагогалардан үндүр сывыртаптар a. Силерни өлүрген улус ооң-биле Бурганга бараан болуп турарывыс ол деп бодай бээр ындыг безин үе чедип кээр b. 3Олар силерни ынчалдыр аажылай бээр, чүге дээрге Адамны-даа, Мени-даа билбес-тирлер c. 4Ындыг үе чедип кээрге, Мээң силерге ол дугайында чугаалап турганымны сагынзыннар дээш, ол бүгүнү Мен силерге чугааладым d».Ыдыктыг Сүлдениң ажыл-херээ
«Силерге ол бүгүнү эң эгезинде чугаалаваан мен, чүге дээрге силер-биле кады турган мен. 5А ам Мени айбылап чоруткан Адамче чоруурум ол-дур e. Ынчалза-даа силерниң кайыңар-даа Менден: „Кайнаар баарыңар ол?“– деп айтырбас-тыр. 6Мээң сөстеримни дыңнааныңар соонда, чүректериңерни муңгарал дола берген-дир. 7Ынчалза-даа Мен силерге алыс шынны чугаалап тур мен: Мен чоруй барзымза, силерге ачы-дузалыг болур. Чүге дээрге Мен чорбазымза, Болчукчу силерге келбес, а чорупсумза, Ону силерже ыдыптар мен f. 8Оон Ол чедип келгеш, бачыт, чөптүг-шынныг чорук база Бурганның шииткели деп чүл ол дээрзин бо делегейниң улузунга көргүзүп, оларны сойгалаар. 9Бачытты бо делегейниң улузу шын билбес-тир – олар Меңээ бүзүревес болгай g. 10Чөптүг-шынныг чорукту олар шын билбес-тир – Мен ам Адамче чоруй баар болгай мен, силер ам Мени көрбес силер. 11Шииткелди база олар шын билбес-тир – бо делегейниң чагырыкчызы шииттирип алган болгай h. 12Оон-даа хөй чүвени силерге чугаалаар дээн мен, ынчалза-даа ам ону угаап шыдаар хире эвес-тир силер. 13Алыс шынның Сүлдези чедип келгеш i, силерни алыс шынче баар орук-биле эдерти бээр j. Ол Бодунуң өмүнээзинден чугаалавас, а чүгле дыңнаан чүвезин силерге дамчыдар болгаш чүү болурун чугаалап бээр. 14Ол Мени алдаржыдар, чүге дээрге чугаалаар бүгү чүвезин Менден алгаш, силерге дамчыдып бээр-дир. 15Адамда бар бүгү чүве Мээңии-дир k. Ынчангаш Сүлдениң Менден алгаш, силерге дамчыдып бээрин чугааладым. 16Удатпайн, силер Мени көрбейн баар силер l, оон көңгүс үр болбайн, катап көре бээр силер» ▼▼ Өске бурунгу сөзүглелдерде бо сөстерге «Чүге дээрге Мен Адамче чоруптарым ол-дур» деп сөстерни немээн.
. Өөреникчилерниң ажыг-шүжүү өөрүшкүже шилчий бээр
17Иисустуң өөреникчилериниң чамдыызы ынчан аразында: «„Удатпайн, силер Мени көрбейн баар силер, оон көңгүс үр болбайн, катап көре бээр силер“база „Мен Адамче чоруурум бо-дур“– дээш, биске Ооң чүнү элдээртип турары ол? 18А: „Удатпайн“– деп, ол чүү дээри ол? Бис Ооң чүнү чугаалаанын билбес-тир бис» – деп чугаалажып турганнар. 19Оларның чүнү айтырар деп бодаанын Иисус билир турган. Ынчангаш оларга мынча дээн: «Мээң: „Удатпайн, силер Мени көрбейн баар силер, оон көңгүс үр болбайн, катап көре бээр силер“– дээш, чүнү элдээрткеним ол боор деп, бот-боттарыңардан айтыржып тур силер бе? 20Алыс шынны силерге чугаалап тур мен: силер ыглап-сыктап база кажыыдай бээр силер, а бо делегейниң улузу ол өйде өөрүп-хөглей бээр. Силер муңгараар силер n, ынчалза-даа силерниң муңгаралыңар өөрүшкүже шилчий бээр. 21Херээжен кижи божуур деп баргаш, муңгарай бээр, чүге дээрге ооң хилинчек көөр үези келген-дир o. Ынчалза-даа чаш төлүн божуп алганда, өртемчейге кижиниң төрүттүнгени дээш өөрээнинден, хилинчээн уттуптар. 22Силер ам шак-ла ындыг муңгаралга алыскан-дыр силер, ынчалза-даа Мен силерни база катап көрүп каарымга, силерниң чүрээңер өөрүй бээр p, а ол өөрүшкүңерни кым-даа силерден хунаап ап шыдавас. 23Ол хүн кээрге, Менден чүнүң-даа дугайында айтырбас силер. Алыс шынны силерге чугаалап тур мен: Мээң адым адап, Адамдан чүнү-даа дилээр болзуңарза, Ол силерге дөгерезин бээр q. 24Мынчага дээр силер Мээң адым адап, чүнү-даа дилевээн силер. Дилеңер, оон алыр силер, силерниң өөрүшкүңер эгээртинмес долу болур» r.Мен бо делегейни тиилээн мен
25«Амдыгаа дээр Мен силерге элдээртиглиг чугаалар дузазы-биле чугаалап келдим. Ынчалза-даа силерге Адамның дугайында, элдээртиглиг чугаалар чокка, ажыы-биле чугаалай бээрим үе-шаг кел чор s. 26Ол хүн кээрге, Мээң адым адап, Оон дилеңер. А Мен силер дээш Адамдан ээрежип дилээримни чугаалавайн тур мен, 27Адам Боду-ла силерге ынак. Силер Меңээ ынак апаргаш, Мээң Бургандан келгенимге бүзүрээн бооруңарга, Ол силерге ынак t. 28Мен Адамдан чоруткаш, бо делегейге чедип келдим, а ам бо делегейни каапкаш, база катап Адамче чоруурум бо-дур» u. 29Ооң өөреникчилери Аңаа мынча дээн: «Силер ам кандыг-даа элдээртиглиг чугаа чокка, ажыы-биле чугаалап тур силер. 30Силерниң хамык чүвени билириңерни база Силерден кымның-даа айтырыг салырын хереглевезиңерни ам билип тур бис v. Ынчангаш Бургандан келгениңерге бүзүрей бердивис». 31Иисус оларга мынча дээн: «Ам-на бүзүредиңер бе?! 32Силер шуптуңар Мени чааскаандырзымны каапкаш w, чүк санай тарай маңнажы бээриңер үе мыя бо келди, харын мырыңай дүжүп келди. Ынчалза-даа Мен херек кырында чааскаан эвес мен, чүге дээрге Адам Мээң-биле кады болгай x. 33Мээң-биле харылзааңар силерге амыр-тайбыңны берзин дээш y, Мен силерге бо бүгүнү чугааладым. Силерни бо делегейде качыгдал манап турар, ынчалза-даа туттунуңар: Мен бо делегейни тиилээн мен!» z
Copyright information for
TyvTUV