Jonah 3
Ниневияның буруузун билингени
1Дээрги-Чаяакчы Ионага Бодунуң сөзүн база катап ажыдып: 2«Улуг хоорай Ниневияже дүрген чорупкаш, Мээң сеңээ дужааган чүвемни ында чурттаан улуска билиндир сургап каг» – деп чугаалаан a. 3Дээрги-Чаяакчының дужаалы-биле Иона Ниневияже чорупкан. А Ниневия дээрге дендии улуг хоорай турган болгаш, ону эргип кезииринге үш хүн негеттинер чүве-дир. 4Иона хоорайны чаңгыс хүн дургузунда эртиптер шаа-биле эргип: «Дөртен хонук арткан-дыр, оон Ниневия узуткаттырар!» – деп суртаалдап эгелээн. 5Ниневияның чурттакчылары Бурганга бүзүрей бергеннер: ынчангаш олар шээрлениишкинни чарлааш b, улуундан бичиизинге чедир качыгдалдың самдар хевин кедип алганнар. 6Ук медээ Ниневияның хаанынга чеде берген, ол бодунуң дүжүлгезинден тургаш, хаан хевин ужулгаш, качыгдал хевин кеткеш, хүл кырынга олуруп алган c. 7Ынчангаш хаанның болгаш ооң дээди ызыгууртаннарының өмүнээзинден бүгү Ниневияга дужааган:«Кижилер-даа, мал-маган-даа, бода-даа, шээр-даа мал чүнү-даа чивезин, одарже үнмезин, суг ишпезин, 8кижилер болгаш мал-маган качыгдал хеви-биле шыптынып алзын, кижи бүрүзү бодунуң бачыттыг оруундан чайлазын, күчүлелден адырылзын, Бургандан өршээлди кызып дилезин d. 9Канчап билир, Бурган бисти кээргеп, Бодунуң хайнып турар килеңин бистен чайладыптар чадавас, бис ынчан өлбейн баар бис e».10Ынчангаш олар бачыттыг оруктарындан ойталап турганнар. Бурган оларның кылып турар херектерин көргеш, оларга аазап турганы айыыл-халапты таварыштырарындан ойталаан f.
Copyright information for
TyvTUV