Jonah 4
Медээчиниң килеңи база Бурганның өршээли
1Ол дээш Ионаның хөңнү карарып, аажок ажынып-хорадаан. 2Ынчангаш ол Дээрги-Чаяакчыга мөргүп, мону чугаалаан: «О, Дээрги-Чаяакчы! Бо дугайында мен чуртумга тургаш, чугаалавайн туржук мен бе? Мен Сени килеңнээчел эвес, кээргээчел, ээ көрнүүчел, өндүр улуг энерелдиг Бурган – кижилерге онааган кеземчезин өскертип шыдаар Бурган деп билгеш a, Фарсисче чорупкан турган мен. 3А ам, Дээрги-Чаяакчы, мээң амымны үзүп каавыт, чүге дээрге чурттаарындан өлүрү меңээ дээре-дир b». 4Дээрги-Чаяакчы: «Ол дээш хорадааның эки бе?» – деп айтырган. 5Иона хоорай даштынче үнгеш, ооң чөөн талазынга келген. Хоорай-биле чүү болу бээрин көөр дээш, девээ кылгаш, ооң хөлегезиниң адаанга олуруп алган. 6Шак ынчан Дээрги-Бурган-Чаяакчы бир үнүшке өзүп үнерин дужаапкан, ынчангаш ол үнүш Ионаның кырынга хөлеге туруп, аңаа таарымчалыг болзун дээш бедип үнүп келген; Иона ол үнүшке аажок өөрээн. 7Дараазында хүн даң хаяазы дээп кээри билек, Бурганның дужаалын ёзугаар демги үнүштү шыйлашкын үттептерге, ол кадып калган. 8Хүн үнүп келгенде, Бурган чөөн чүктен изиг хат эккелген, ынчан хүн Ионаның бажын өрттендир чий бээрге, ол харыксырап баксырааш, бодунга өлүм дилеп: «Чурттаарындан өлүрү меңээ дээре-дир» – деп чугаалаан. 9Бурган Ионадан: «Ол үнүш дээш хорадааның эки бе?» – деп айтырган. Иона: «Ийе! Аажок хомудадым, өлгүжемге чедир» – деп харыылаан. 10Ынчан Дээрги-Чаяакчы чугаалаан: «Сен бодуң өстүрбээниң, ол дээш күжүң үндүрбээниң, чаңгыс дүн дургузунда өзүп үнүп келгеш, дараазында дүн дургузунда кургап калган үнүш дээш хомудап турар-дыр сен. 11А Меңээ эки-бакты ылгап шыдавас 120 000 ажыг чурттакчылыг ▼▼ Азы: «Оң холун солагай холундан ылгап шыдавас 120 000 ажыг бичии уруглуг».
, хөй мал-маганныг улуг хоорай Ниневия харааданчыг эвес деп бодадың бе?»
Copyright information for
TyvTUV