kЫд. ыр. 3:9
Jonah 2
Медээчиниң мөргүлү
1Дээрги-Чаяакчы улуг далай амытанынга Ионаны сыырыптарын дужааган. Иона ол далай амытанының хырнынга үш дүн-хүннү эрттирген a. 2Иона далай амытанының иштинден Бурганы Дээрги-Чаяакчыга мынча деп мөргүп чыткан: 3«Берге байдалче кирген болгаш,Дээрги-Чаяакчыдан дуза дилеп кыйгырдым,
Ол мени дыңнап кагды b.
Алдыы орандан Сени кыйгырдым,
Сен мээң үнүмнү дыңнап кагдың.
4Мени эң-не ханы далайның дүвүнче
киир октаптың c, агымнар мени бүргеп,
Сээң сугларың, Сээң чалгыгларың
мээң кырым-биле эртип турдулар d.
5Ынчан мынча деп бодадым:
Бодуңнуң мурнуңдан мени ыраткан сен,
Сээң ыдыктыг өргээңче база катап кире бээр мен бе? ▼
▼ Азы: «Сээң ыдыктыг өргээңче база катап берзимзе!»
6Аксы-думчуумну суг долуп, тыныжым бачыдаан f,
дүп чок далай мени бектеп алган;
далай үнүштери бажымны ораап алган.
7Дагларның дөзүнге чедир баттым,
чер бодунуң моондактары-биле
мени кезээ мөңгеде муңгаштап алган.
Ынчалза-даа Сен, Мээң Бурганым, Дээрги-Чаяакчы,
амы-тынымны бо тамыдан камгалап үндүрер сен.
8Сагыш-сеткилим харыксырай бээрге,
Дээрги-Чаяакчыны сактып келдим,
мээң мөргүлүм Сеңээ,
Сээң ыдыктыг өргээңге чеде берген-дир g.
9Хоозун дүрзү-бурганнарга чүдүүр кижилер h
Сеңээ шынчы эвес апарганнар ▼
▼ Азы: «Энерел көргүскен Сени каапканнар».
,10а мен Сеңээ өргүл салып –
алгап-мактап чедип кээр мен.
Чүнү аазаан мен – күүседир мен j.
Камгалал чүгле Дээрги-Чаяакчыда! k»
11Ынчан Дээрги-Чаяакчы далай амытанынга чугаалаарга, ол Ионаны кургаг черже үндүр бүлгүрүпкен.
Copyright information for
TyvTUV