‏ Joshua 12

Моисейниң тиилээни хааннар

1 Иордан хемниң чөөн талазында израильчилер Арнон хемден Эрмон даанга чедир бүгү Иордан шынаазының черлерин эжелеп алгаш, оларның хааннарын кыргып-хыдып каапкан. Ол хааннарның даңзызы бо-дур:

2Эсевонга чурттап турган амор хаан Сигон. Ол хаан Арнон хемниң кыдыында Ароерни, Арнон шынаазын, Галаадтың чартыын база аммон чоннуң чуртунуң кызыгаары Иавок хемге чедир девискээрни чагырып турган ^a. 3Оон аңгыда Иордан шынаазы – Киннерет хөлдүң чөөн талакы эриктеринден мурнуу чүкте Арава далайының (азы Дус далайның) чөөн талакы эриинде Бет-Иешимотка чедир, Фасги сынның эдээнге чедир девискээрни чагырып турган.

4Дараазында Васанның хааны Огтуң девискээри турган. Ол – рефа уктуг сөөлгү артканнарның бирээзи чүве-дир ^b. Ог Астаротка база Эдреяга чуртун чагырып турган ^c. 5Аңаа Эрмон даг, салха чер, гессур база мааха чоннар-биле кызыгаарга чедир Васанның бүгү девискээри, Галаадтың чартыы, Эсевоннуң хааны Сигоннуң кызыгаарынга чедир черлер хамааржыр.

6Дээрги-Чаяакчының чалчазы Моисей база израильчилер ол хааннарны чылча шаап каан; Моисей оларның черлерин Рувимниң, Гадтың аймактарынга база Манассияның аймааның чартыынга ээлээр кылдыр бергилепкен ^d.

Иисустуң тиилээни хааннар

7– 8Иордан хемниң барыын талазында Иисус биле израильчилер Ливан шынаазында турар Ваал-Гадтан Эдомнуң чоогунда турар Халлак даанга чедир чурттап чораан хааннарын чылча шаап каан. Хет, амор, хананей, ферез, хиввей база иевус чоннарның бүгү черлерин – дагларны, шатты, Иордан шынаазын, даглар эдектерин, ээн кургаг ховуну база Негевти – Иисус Израильдиң аймактарынга ээлээри-биле үлеп берипкен. Ол чоннарның хааннары:

9Иерихоннуң хааны,
Вефил чоогунда Гайның хааны,
10Иерусалимниң хааны,
Хевроннуң хааны,
11Иармуттуң хааны,
Лахистиң хааны,
12Эглоннуң хааны,
Гезерниң хааны,
13Давирниң хааны,
Гадерниң хааны,
14Хорманың хааны,
Арадтың хааны,
15Ливнаның хааны,
Одолламның хааны,
16Македаның хааны,
Вефилдиң хааны,
17Таппуахтың хааны,
Хеферниң хааны,
18Афектиң хааны,
Шароннуң хааны,
19Мадоннуң хааны,
Асорнуң хааны,
20Шимрон-Мероннуң хааны,
Ахсафтың хааны,
21Таанахтың хааны,
Мегиддоннуң хааны,
22Кедестиң хааны,
Кармил даанда Иокнеамның хааны,
23Нафот-Дорда Дорнуң хааны,
Галгалда Гоимниң хааны,
24Тирцаның хааны – шупту үжен бир хаан.