Jos 15 | TyvTUV | STEP | Төлге даштары октаарга, Иуданың аймаанга оларның төрел бөлүктер аайы-биле үлүү болур черлер мындыг болган: мурнуу чүкте Эдомнуң ужунда ээн кургаг Цин ховузу.

‏ Joshua 15

Иуданың девискээри

1 Төлге даштары октаарга, Иуданың аймаанга оларның төрел бөлүктер аайы-биле үлүү болур черлер мындыг болган: мурнуу чүкте Эдомнуң ужунда ээн кургаг Цин ховузу. 2 Ооң мурнуу кызыгаары Дус далайның мурнуу талазында мугулдурдан эгелээр. 3 Кызыгаары мурнуу чүкте Акравим артын эрткеш, Цинни таварааш, Кадес-Варниниң мурнуу талазынга четкен. Оон Хецрон таварып эрткеш, Аддарже үнгеш, Каркаже ээптер. 4 Оон ыңай Ацмонну таварааш, Египеттиң кызыгаарында хемни дургаар чоруткаш, далайга четкен. Ол болза мурнуу кызыгаар болур ^a. 5 Чөөн талакы кызыгаары – Дус далайдан Иордан хемниң аксынга чедир.

А соңгу кызыгаар – Дус далайның ол мугулдурундан эгелээш, 6 моон ыңай черлерниң кызыгаары Бет-Хогланы эрткеш, соңгу таладан Бет-Араваны таварааш, Боганның Хаязынга четкен (Боган дээрге Рувимниң үре-салгалы турган) ^b. 7 Оон ыңайлаарга, кызыгаар Ахор шынаазындан Давирге четкеш, соңгу талада шынааның мурнуу чүгүнде Адуммим бедигээжиниң дужунда чыдар Галгалче ээпкен. Моон эгелээш, кызыгаар Эн-Шемеш сугларның үнген бажындан Эн-Рогелге четкен. 8 Оон ыңай кызыгаар Иевустуң – Иерусалимниң мурнуу талазында Бен-Энном шынаазын таварып эрткеш, ол шынааның барыын талазында база Рефаим шынаазының соңгу талазында турар дагже үнген. 9 Ол дагның бажындан баткаш, кызыгаар Нефтоах сугларының үнген бажын таварып, Эфрон даанда хоорайларга четкеш, Ваал (азы Кириат-Иарим) деп хоорайже ээптер. 10 Кызыгаар Ваалдан барыын чүкче, Сеир дагларынче углааш, Иарим (азы Кесалон) дааның соңгу талазы-биле эртер, оон Бет-Шемешче баткаш, Тимна таварып чоруур. 11 Кызыгаар Экроннуң соңгу талазы-биле Шикаронче ээпкеш, Ваал даан эрткеш, Иавнеилге чедер, далай чанынга төнер. Барыын талакы кызыгаарны Улуг далай ээлеп чыдар. 12 Иуданың аймааның төрел бөлүктер аайы-биле ээлээн черлериниң кызыгаарлары бо-дур.

13 Иисус Дээрги-Чаяакчының чагыы-биле Иефоннийниң оглу Халевке ^c Иуданың аймааның черлериниң аразынга чер берген: Кириат-Арба (азы Хеврон) деп хоорай. Арба дээрге энак аймактың өгбези чүве-дир ^d. 14 Халев ол хоорайдан үш энак кижи: Шешай, Ахиман база Талмайны үндүр ойладыпкан чүве-дир ^e. 15 Кириат-Арбадан үнгеш, Халев Давирниң чурттакчыларынче дайын-чаалыг чорупкан. (Давирниң ооң мурнунда ады Кириат-Сефер турган) ^f. 16 Халев: «Кым Кириат-Сеферни чылча шапкаш, эжелеп аар болдур, аңаа бодумнуң уруум Ахсаны кадай кылдыр бээр мен» – деп аазаан ^g.

17 Ол хоорайны Халевтиң дуңмазы боор Кеназтың оглу Гофониил эжелеп алган. Ынчангаш Халев аңаа бодунуң уруу Ахсаны кадай кылдыр берген.

18 Ахсаның чоруур өйү чедип кээрге: «Ачамдан өнчү кылдыр шөл дилеп аар болза эки» – деп Гофониилди сургап каан. Ахса ачазынга келгеш, элчигенинден дүжүп кээрге, Халев оон: «Чүнү хереглеп чор сен?» – деп айтырган.

19 «Меңээ ачы-буяндан хайырлап көрүңерем. Силер меңээ ээн кургаг Негевте черни бердиңер, ам меңээ суглардан база бериңерем» – деп, Ахса ачазындан дилээн. Ынчангаш Халев уруунга Үстүкү болгаш Адаккы суг баштарын берген ^h.

20 Иуданың аймааның төрел бөлүктер аайы-биле алган черлери бо-дур:

21 Эдом-биле мурнуу талазында кызыгаарлажып турар хоорайлары – Кавцеил, Эдер, Иагур, 22 Кина, Димона, Адада, 23 Кедес, Асор, Ифнан, 24 Зиф, Телем, Валот, 25 Гацор-Хадафа, Кириат-Хецрон (азы Асор), 26 Амам, Шема, Молада, 27 Хацар-Гадда, Хешмон, Бет-Палет, 28 Хацар-Шуал, Беэр-Шева, Визиофея, 29 Ваала, Ийим, Эцем, 30 Элтолад, Кесил, Хорма, 31 Циклаг, Мадмана, Сансана, 32 Леваот, Шелихим, Аин, Риммон – суурлары-биле кады чээрби тос ^{▼▼ Бо даңзыда чээрби тостан-даа хөй хоорайларның ады кирип турар. Мында Симеоннуң аймаанга хамааржыр хоорайлар база кирген бооп чадавас (19:1-9 көр).} хоорай.

33 Шефела деп шат черде – Эштаол, Цора, Ашна, 34 Заноах, Эн-Ганним, Таппуах, Гаенам, 35 Иармут, Одоллам, Сохо, Азека, 36 Шаараим, Адифаим, Гедера (азы Гедерофаим) – суурлары-биле кады он дөрт хоорай;

37 Ценан, Хадаша, Мигдал-Гад, 38 Дилеан, Мицфе, Иокфеил, 39 Лахис, Боцкат, Эглон, 40 Хаббон, Лахмас, Хифлис, 41 Гедерот, Бет-Дагон, Наама, Македа – суурлары-биле кады он алды хоорай;

42 Ливна, Этер, Ашан, 43 Иффах, Ашна, Нецив, 44 Кеила, Ахзив, Мареша – суурлары-биле кады тос хоорай;

45 Экрон болгаш аңаа хамааржыр хоорай, суурлар;

46 Экрондан далайга чедир Азоттуң чоогунда хоорай, суурлар;

47 Азот болгаш аңаа хамааржыр хоорай, суурлар;

Газа болгаш Египетти кызыгаарлап турар хемге база Улуг далайга чедир Газага хамааржыр шупту хоорай, суурлар.

48 Даглыг черде – Шамир, Иаттир, Сохо, 49 Данна, Кириат-Санна (азы Давир), 50 Анав, Эштемоа, Аним, 51 Гошен, Холон, Гило – суурлары-биле кады он бир хоорай;

52 Арав, Дума, Эшан, 53 Ианум, Бет-Таппуах, Афека, 54 Хумта, Кириат-Арба (азы Хеврон), Цигор – суурлары-биле кады тос хоорай;

55 Маон, Кармил, Зиф, Юта, 56 Изреел, Иокдам, Заноах, 57 Каин, Гива, Тимна – суурлары-биле кады он хоорай;

58 Халхул, Бет-Цур, Гедор, 59 Маарат, Бет-Анот, Элтекон – суурлары-биле кады алды хоорай;

60 Кириат-Ваал (азы Кириат-Иарим) база Аравва – суурлары-биле кады ийи хоорай.

61 Ээн кургаг ховуда – Бет-Арава, Миддин, Секаха, 62 Нившан, Ир-Мелах, Эн-Геди – суурлары-биле кады алды хоорай.

63 А Иерусалимге чурттап чораан иевус чонну чуртундан Иуданың аймаа үндүр сывырып шыдаваан ^j. Амгы үеде-даа иевустар Иуданың үре-салгалы-биле кады Иерусалимде чурттап чоруурлар.