aЫ. х. к. 12:10
bХост. 14:14
cИис. 13:1-7
dСан. 33:53
eЫ. х. к. 5:32; 28:14
fХост. 23:13
gЫ. х. к. 10:10
hИис. 10:8; 21:44
iЛев. 26:8; Ы. х. к. 32:30; Башт. 15:15
jХост. 14:14
lХост. 34:15-16; Ы. х. к. 7:3
mБашт. 2:21
nХост. 23:33
oЫ. х. к. 7:4
p3 Хаан. 2:2
qИис. 21:45; 3 Хаан. 8:56
rЛев. 26:14-39; Ы. х. к. 28:15-68

‏ Joshua 23

Иисустуң чонну хей-аът кииргени

1Дээрги-Чаяакчы израиль чонну бүгү-ле дайзыннардан камгалап, тайбың чуртталганы магадылап келгенинден бээр хөй үе эрткен a. Назылап кырып калган Иисус 2бүгү израильчилерни – баштыңнарны, удуртукчуларны, шииткекчилерни, даргаларны кыйгырып алгаш, оларга мынча дээн: «Мен-даа назылап кырый бердим. 3Дээрги-Чаяакчы Бурганыңар силер дээш бо шупту чоннарга чүнү кылганын бодуңар көрдүңер. Силерниң талаңарга Ол Боду дайылдажып турган болгай! b 4Көрүңер даан, мен силерге Иордан хемден барыын чүкте Улуг далайга чедир чылча шапканым бүгү чоннарның база ам-даа ында артып калган чоннарның черлерин аймак аайы-биле үлеп бердим c. 5Дээрги-Чаяакчы Бурганыңар Боду оларны силерниң мурнуңардан үндүр ойладыпкаш, оларның черлерин силерге ээлеп чурттаар кылдыр эккеп бээр. Дээрги-Чаяакчы Бурганыңар ынча деп аазаан болгай d.

6Силер Моисейниң хоойлу номунда бижип каан дүрүмнерни, бичии-даа хажытпайн, шыңгыы сагып, оң-даа, солагай-даа талаже чайгылбайн, бүрүн күүседир ужурлуг силер e. 7Бо чуртта артып калган чоннар-биле каттышпаңар. Оларның бурганнарының адын адап кыйгырбаңар, ол бурганнарның ады-биле даңгырак бербеңер f. Ол бурганнарга мөгейип, бараан болбаңар. 8Бо хүннерге чедир Дээрги-Чаяакчы Бурганыңар-биле коштунчуп келгениңер дег, Аңаа моон-даа соңгаар шынчы болуңар g.

9Дээрги-Чаяакчы улуг болгаш күштүг чоннарны силерниң мурнуңардан ойладыпкан болгай. Амга чедир силерге удур кым-даа туржуп шыдавады h. 10Силерниң кижи бүрүзү муң кижини ойладып турар i, чүге дээрге Дээрги-Чаяакчы Бурганыңар аазаанын ёзугаар Боду силерниң талаңарда дайылдажып турар-дыр j. 11Ынчангаш Дээрги-Чаяакчы Бурганыңарга ынак болуңар – амы-тынныг артар силер ▼
▼ Азы: «Ынчангаш Дээрги-Чаяакчы Бурганыңарга сеткилиңер ханызындан ынак боорун кызыңар».
.

12– 13Мону билип алыңар: бир эвес силер Бургандан ойталап, араңарда артып калган өске чоннар-биле холбажып, төрел харылзаалар тудар болзуңарза l, ынчан Дээрги-Чаяакчы Бурганыңар ол чоннарны силерниң мурнуңардан үндүр ойлатпас апаар m. Ол чоннар силерге дузак, четки, силерни согар кымчы база карааңарже кадалыр тен болу бээр n. Сөөлүнде барып Дээрги-Чаяакчының силерге бергени чаагай черден бодуңар чиде бээр силер o.

14Ам мен кижи бүрүзүнүң баар сөөлгү оруунче чоруптар мен p. Дээрги-Чаяакчы Бурганыңарның аазаан эки чүүлдеринден күүсеттинмейн барган чүве чок дээрзин чүрээңерниң, сеткил-сагыжыңарның ханызындан шуптуңар эки билир силер. Олар шупту бүткен, чаңгызы-даа күүсеттинмейн барбаан болгай q. 15Дээрги-Чаяакчы Бурганыңар ол эки аазаашкыннарын канчаар күүсеткенил, шак ынчалдыр Бодунуң чугаалаан кыжаныышкыннарын база күүседип r, Бодунуң силерге берген бо чаагай черинге силерни узуткап шыдаар. 16Бир эвес Дээрги-Чаяакчы Бурганыңарның силер-биле чарганы чагыг-керээни үреп, өске бурганнарга мөгейип, бараан болуп эгелээр болзуңарза, ынчан Дээрги-Чаяакчының килеңи силерге дүжер – силер үр-даа болбайн, Ооң силерге берген чаагай черинден чиде бээр силер».
Copyright information for TyvTUV