Judges 18
Данчыларның Лаисче көшкени
1Ол үеде Израильге хаан чок турган a. Ол хүннерде Данның аймаа чурттап туруп аар чер-девискээр дилеп чораан, чүге дээрге өске израиль аймактар чер-девискээрлиг бооп турда, Данның аймаа ол үеге чедир чер чок турган чүве-дир b. 2Данның үре-салгалы боттарының бүгү төрел бөлүктеринден беш кижини – Цора болгаш Эштаол чурттуг c беш күштүг-шыырак дайынчыны шилээш: «Чер-чуртту кезип шинчилеп көрүп эккелиңер» – дээш, чорудупкан чүве-дир. Хайгыылчылар Эфрем дагларында Миханың бажыңынга келгеш, аңаа хонуп алган. 3Олар Миханың бажыңынга тургаш, аныяк левиттиң үнүн дыңнааш, ону танып кааннар, ынчангаш оон: «Кым сени бээр эккелди, чүге мында сен, мында чүнү канчап турарың ол?» – деп айтырганнар. 4Левит оларга: «Миха меңээ мындыг, мындыг чүве кылды – ол мени хөлезилеп алды, ынчангаш мен ам ооң Бурганга бараалгакчызы бооп тур мен» – дээн. 5Олар левитке: «Бистиң бо бар чыдар чорук-херээвис чедиишкинниг болур бе дээрзин Бургандан айтырып көрем» – дээннер d. 6Бурганның бараалгакчызы оларга: «Амыр-тайбың чоруптуңар, силерниң орууңарны Дээрги-Чаяакчы карактап турар» – дээн. 7Ол беш хайгыылчы улаштыр чорааш, Лаис хоорайга чеде берген e. Олар аңаа хоорайның чурттакчылары сидончуларның чаңчылы-биле амыр-шөлээн, бичии-даа сезик чок чурттап турарын көрген. Лаисчилерге күш дөгеп, черинден сывыртап, дарлап турар улус-даа чок болган. Олар Сидон хоорайдан ыракта боорда, кым-биле-даа эвилелдешпес улус болган. 8Ол беш хайгыылчы Цора биле Эштаолче чанып кээрге, оларның аймак чону: «Чүнү билип эккелдиңер?» – деп айтырган. 9Олар мынча деп харыылаан: «Ам шимчеп үнгеш, ол хоорайже халдаалыңар! Оларның черин бис кончуг эки деп көрдүвүс. Чоп хөй боданып, шүшпеңнеп турар силер. Барып ол черни эжелеп аалыңар. 10Ол черниң чону амыр-шөлээн улус-тур, а чери дыка делгем. Бурган ол черни силерге берип турар-дыр, а ол кедергей бай-байлак чер-дир!» 11Данның аймаандан 600 дайынчы чепсегленгеш, Цора болгаш Эштаолдан үнүпкен. 12Олар орук ара Иудеяның Кириат-Иарим чоогунга f, барыын талазынга турлагланып турган. (Ынчангаш ол черни амдыгаа чедир Махане-Дан ▼▼ «Данның турлаа» дээн уткалыг.
деп адаар). 13Олар оон үнгеш, Эфрем дагларынче углааш, Миханың аалынга келген. 14Ооң мурнунда Лаисче чер көрүп ап чораан беш хайгыылчы ха-дуңмазынга: «Бо аалда эфод, дүрзү-бурганнар болгаш шуткаан дүрзү барын билир силер бе? Ону канчаарын боданыңар че!» – дээннер. 15Оон олар Миханың аалында аныяк левиттиң бажыңынче киргеш, ооң-биле мендилешкен. 16А 600 чепсегленген данчы хаалга чанынга турган. 17Демги-ле беш кижи бажыңче киргеш, шуткаан дүрзүнү, эфодту болгаш дүрзү-бурганнарны ап алган, а Бурганның бараалгакчызы ол үеде хаалга чанынга 600 чепсегленген дайынчы-биле кады турган. 18Демги улус Миханың аалынче киргеш, ол бүгү чүүлдерни ап аарга, Бурганның бараалгакчызы: «Ол канчап турарыңар ол?» – дээн. 19Олар аңаа: «Ыыттава, артык сөс этпейн көр. Ооң орнунга бис-биле кады чорувут, бистиң ачавыс ышкаш ачавыс болгаш Бурганга бараалгакчывыс боор сен. Чаңгыс кижиниң бажыңынга бе азы бир бүдүн израиль аймакка бе, ол ийиниң кайызынга Бурганның бараалгакчызы болуру дээре-дир?» – дээннер. 20Бурганның бараалгакчызы амырап-өөрээш, эфод, дүрзү-бурганнарны болгаш шуткаан дүрзүнү ап алгаш, данчылар-биле кады чорупкан. 21Олар оон чорааш, өг-бүлелерин, мал-маганы, эт-хөреңгизи-биле катай боттарын мурнадыр чорудупкан. 22Олар Миханың аалындан ырай бергенде, Миханың кожалары чыглып алгаш, данчыларны сүрүп чеде берген. 23Олар данчыларже кыйгы салырга, дайынчылар хая көрнүп келгеш, Михага: «Сеңээ чүү херегил, чүге улузуң чыып алдың?» – дээннер. 24Миха оларга: «Силер мээң кылып алган бурганнарымны алгаш бардыңар h, мээң Бурганга бараалгакчымны база алгаш бардыңар, оон артык чүве кайдал? Ол хиреңерде: „Сеңээ чүү херегил?“деп канчап ынча дээр силер?!» – дээн. 25Данчылар аңаа: «Ыыттава сен, сээң үнүң биске шуут дыңналбазын, оон башка бистиң аравыста чамдык улус хорадааш, силерже халдап болур. Ынчан бодуңну-даа, өг-бүлеңни-даа өлүртүп аар сен» – дээннер. 26Олар оруун уламчылап чоруй барган, а Миха оларның күжү хөй-дүр деп көргеш, дедир чана берген. 27А данчылар Миханың кылганы дүрзүнү болгаш Бурганга бараалгакчызын алгаш, Лаиске чеде бергеш, ооң амыр-шөлээн болгаш сезик чок чонун хылыш-биле кыра шапкаш, хоорайны өрттедипкен i. 28Лаисчилерни камгалаптар улус тывылбаан, чүге дээрге олар Сидондан ырак боорда, кым-биле-даа эвилелдешпейн чораан. Ол хоорай Бет-Рехов j чанында шынаага турган. Данчылар хоорайны катап туткаш, аңаа чурттай берген. 29Олар чаа хоорайын боттарының өгбезиниң, Израильдиң оглу Данның ады-биле «Дан» деп адап алган. А биеэги ады Лаис чүве-дир. 30Данчылар аңаа ол дүрзү-бурганны тургузуп алган, а Моисейниң оглу ▼▼ Өске бурунгу сөзүглелде «Манассияның оглу» деп бижээн.
боор Гирсамның l үре-салгалы Ионафан боду болгаш ооң оолдары Данның аймааның Бурганга бараалгакчылары бооп келген. Оларның туттуруушкунга кирер үезинге чедир ынчаар турган m. 31Бурганның өргээзи Силомга турар бүгү үеде n Миханың кылганы дүрзү-бурган оларның хоорайынга турган.
Copyright information for
TyvTUV