Judges 5
Девораның ырызы
1Ол хүн Девора Авиноамның оглу Варак-биле кады мынчаар ырлаан: 2«Израиль чон дайынга белеткенгеш ▼▼ Бо сөстерниң утказы эки билдинмес. Болгу дег өске утказы мындыг: «Баштыңнар ылап-ла баштап эгелээн».
, бодунуң чүткүлүн көргүстү,ол дээш Дээрги-Чаяакчыны алдаржыдыңар!
3Хааннар, дыңнаңар, чагырыкчылар, кулааңар ээктириңер:
мен Дээрги-Чаяакчыга, Израильдиң Бурганынга ырлап тур мен,
Дээрги-Чаяакчыга хөгжүмнү ойнап тур мен.
4Кажан Сен, Дээрги-Чаяакчы, Сеирден үнгеш,
Эдом ховуларындан чоруп оруңда b,
чер сириңейнип, дээрден дамдылап,
булуттар суун төп турду c.
5Дээрги-Чаяакчының мурнунга даглар
сирлеңейнип эстип турду,
Синай даг безин Израильдиң Бурганының мурнунга
сириңейнип эрип турду d.
6Анаттың оглу Самегарның үезинде e, Иаилдиң хүннеринде f
чорук кылган улус долганыр оруктар-биле чоруп турган.
7Ынчан Израильге күштүг улус ▼
▼ Бо сөстерниң утказы эки билдинмес. Болгу дег өске утказы мындыг: «Суурларның чурттакчылары».
артпаан,мен, Девора – Израильдиң иези,
көстүп келгижемге чедир ындыг турган.
8Чон чаа бурганнарны шилип алган турган h,
ынчангаш эжик-хаалга чанынга дайын бооп турган.
Израильдиң 40 000 кижизиниң чыдазы болгаш дозуг-камгалалдары
көстүр турган бе? i
9Израильдиң шериг баштыңнары болгаш чон аразында эки турачылар,
мээң чүрээм силерже кыйгы салып тур;
Дээрги-Чаяакчыны алдаржыдыңар!
10Ак элчигеннер мунуп алган чоруурлар,
хевистер кырында саадап олурарлар
база оруктарда кылаштап чоруурлар,
ырлаңар-ла!
11Ыраажылар ▼
▼ Бо сөстүң утказы эки билдинмес. Болгу дег өске утказы мындыг: «Адыгжылар».
кудук, суглуг черлер аразынгаДээрги-Чаяакчыны Ооң тиилелгези дээш алдаржыдып ырлазыннар!
Израильдиң күштүглерин* тиилелгези дээш мактап ырлазын!
Ынчан Дээрги-Чаяакчының чону хоорай хаалгазының чанынга чедип келгеш:
12„Оттуп кел, Девора, оттуп кел! k
Оттуп келгеш, ырла-ла!
Дүрген че, Варак!
Туттурган дайзыннарны бээр эккел, Авиноамның оглу!“– дээн.
13Ынчан ызыгууртаннарның артканнары меңээ чедип келген,
Дээрги-Чаяакчының чону күштүглери-биле чедип келген.
14Амалик черде турумчуй берген эфрем аймактыг улус чедип келген,
оларның соонда Вениаминниң улузу өске төрел аймактары-биле кады
база махир төрел бөлүктүң баштыңнары l
база Завулоннуң дүжүметтери кээп турду.
15Иссахарның беглери база Девора-биле кады турду,
Иссахарның аймаа Варакты эдерип, шынааже халдап батты.
А Рувимниң аймаанда боттарының аразында
улуг чөрүлдээ турду.
16Чүге хой кажааларының аразында
кодан хойнуң алгызын дыңнап олур силер?
Рувимниң аймаанда боттарының аразында чөрүлдээ улуг.
17Галаадчылар Иордан ындынга ол-ла хевээр артып калган m,
ол ышкаш Дан база бодунуң корабльдары-биле ол-ла хевээр артып калган.
Асир база далай эриинде корабльдар доктаап турар черлериниң чанынга
ол-ла хевээр артып калган.
18А Завулон – бодунуң амы-тынын-на камнап орбаан чон-дур n,
ол ышкаш даг шынаалары чурттуг Неффалим база.
19Хааннар келгеш, тулуштулар,
хананей хааннар Мегиддоннуң хемнериниң чанында Таанахка тулуштулар o,
ынчалза-даа бичии-даа мөңгүн албайн бардылар.
20Дээрде сылдыстар безин боттарының дээрде оруктарындан
Сисарага удур тулуштулар.
21Киссон хем оларны ол-ла дораан чууй шаап бадырып турду,
бурун шагдан аккан Киссон хем p.
Күчү-күштүг бурунгаарлап, чүткү-ле, сеткилим!
22Ынчан аъттарның дуюглары кулак уюк дагжап турган,
ооң чүгүрүктериниң күштүг маңындан.
23„Мероз хоорайны каргаңар! – деп,
Дээрги-Чаяакчының төлээзи чугаалаан. –
Дээрги-Чаяакчыга дуза кадып келбээни дээш,
ооң чурттакчыларын каргаңар,
Дээрги-Чаяакчыга болгаш чоннуң күштүглеринге
дузалашпааны дээш, каргаңар“.
24А кен Хеверниң кадайы Иаил q херээженнер аразынга йөрээттирер болзун,
майгыннарда чурттап чоруур херээженнер аразынга йөрээттирер болзун!
25Сисара суг дилээрге, ол аңаа сүт кудуп берген,
ызыгууртан аяанга сүттүң үстүн кудуп берген r.
26Оон ол солагай холун өргенче сунгаш,
оң холун ажылчыннарның масказынче сунгаш,
Сисараның бажын чара шаапкан,
чулчургайын өттүр кадааш, чуура шаапкан s.
27Сисара ооң буттарынга чедир доңгайып кээп дүшкеш, аңаа чыткан,
каяа доңгая дүжүп чытканыл, ол-ла черинге чыда өлүп калган.
28А Сисараның иези соңгадан бакылап, көзенек өттүр:
„Оглумнуң аъттыг шерии чүге дүрген келбейн турар чүвел,
ооң дайынчы тергелери чүге дагжавайн турар чүвел?“–
деп кускуннап турган.
29Ооң угаанныг агайлары болгаш ол боду база бодунуң сөстеринге:
30„Билдингир-ле, олар тыпкан олчазын
дайынчы бүрүзүнге бир-бир азы ийи-ийи кыс кылдыр үлежип турлар боор;
а олчалап алганы чүзүн-баазын өңнүг хеп-сын Сисараныы болур,
угулзалап даараан хеп-сын, олча-тывыш кылдыр уштуп алганы хеп-сын
Сисараның эгиннеринде болур“– деп харыылап турган.
31Шак ынчалдыр Сээң дайзыннарың дөгерези
кырлып турзун, Дээрги-Чаяакчы!
А Сеңээ ынак улус бүгү-ле күчү-күжү-биле үнүп кел чыдар хүн дег болзуннар! t»
Израиль чер ооң соонда дөртен чыл иштинде тайбыңчаан.
Copyright information for
TyvTUV