vЫд. ыр. 108:15
Lamentations 1
Бирги ыы-сыы
א (алеф) 1Аа халак! Аажок хөлдүг хоорай-даа ▼▼ «Хоорай» – Иерусалим. Иерусалимниң овур-хевири-биле дайзыннарның холунда барган, дора көрдүрген, ат-алдары баксыраан херээжен кижини көргүзүп турар.
ээнзирээн-дир. Көвей чоннар агайы ам дулгуяк дег.Чурттарның кадыны ам албадаткаш, ажыл кылыр үүлелиг!
ב (бет) 2Дүнелерде ыглап орар – чаактары көк суг болган b.
Ынак чораан улустан ам аргалаптар кижи чок-тур c.
Өөрү шупту саттыныпкаш, өжээтеннер апарган-дыр d.
ג (гимел) 3Албадаткан аар ажыл, айыыл-халап соон дарый
Иудея дайзынның холундува кире берди,
өске чоннар аразынга хоргадал-дыш тыппастады,
истеп-сүрген улус ону кызап келгеш, тудуп алды e.
ד (далет) 4Байырлап кээр улус читкен,
Сионче баар оруктар ам муңгаргай-дыр,
эжик-хаалга ээнзирээн.
Бурганның бараалгакчылары човууртап тур,
ыраажы кыстар шупту муңгак, хоорайның үүлези ажыг-берге!
ה (хе) 5Иерусалим дайзыннары тергиидеп тур, өштүглери өөрүп тур.
Эңдерик хөй бачыды дээш f, Дээрги-Чаяакчы ону качыгдатты.
Дайзыннар ооң ажы-төлүн хары черже сүрүп бар чор g.
ו (вав) 6Сион-кыс, өндүр каазың оңуп каап-тыр.
Нояннарың одар тыппаан ивилерге дөмей-дирлер,
сүргеннерниң мурнунда-ла шаа төнген илгип чорлар.
ז (зайин) 7Иерусалим түреп-човаан, улчуп-тояан хүннеринде;
дайзынга чон алзыпканда; өмек болур кижи чокта,
эрте шагдан эдилеп чораан эртине-байлаан сактып туру.
Олче кайгаан дайзыннар, кошкаан көргеш, шоодуп турлар h.
ח (хет) 8Медээжок аар бачыды дээш, Иерусалим бужартады.
Шалдаң-дыр деп көрүп каапкаш i, алдаржыдып чорааннар ам куду көрдү.
А ол боду хая көрнүп, ыы-сыылыг човууртап тур.
ט (тет) 9Ооң хеви хирлиг турган – келир өйде чүү боорун бодаваан-дыр.
Кончуу сүргей буступ дүштү – аргалаптар кижи ам чок j.
«Дээрги-Чаяакчы, хинчээмни көр – дайзыным дендеп барды!»
י (йод) 10Ооң бүгү эртине-байлаан дайзынның холу хунаан.
Ыдык өргээ саза баскан өске чоннар улузун ол көрүп турар k.
«Ниитилелиңерге олар каттышпазын!» – деп хорудуң чоп l, Дээрги-Чаяакчы!
כ (каф) 11Өскелерден аъш-чем дилеп m, хоорай чону човууртап тур.
Деңгел кирер чемге орнап, эртинезин бээрлер-дир.
«Дээрги-Чаяакчы, менче көрем, базындырып турарымны!
ל (ламед) 12Эрткен-дүшкен чорумал чон, дилеп тур мен,
эргилип кээп, көрүңер даан:
өндүр килең хүнүнде Дээргимден кээр кеземчем дег,
шак ол кончуг човалаң дег човалаң-даа турар деп бе?!
מ (мем) 13Ол сөөктеримче сиңниктир отту дээрден бадырды n;
буттарымга четки салгаш o, дезе бээрин албадапты;
күжүр мени аймааратты – хүнден хүнче күжүм калды.
נ (нун) 14Дээргиниң холу эптээн дарлал-дөңгү p – бачыттарым –
мойнум кызып, күчү-күжүм суларатты.
Ооң мени хүлээткени холдар быжыг – ушта чүткүп шыдавас мен!
ס (самех) 15Улуг-шыырак эрлерни Ол менден үндүр сывырыпты;
чалыы экерлерим узуткаар дээш, меңээ удур чыыш кылды:
арыг кызы – Иудеяны арбайлаштыр соктап каапты.
ע (айин) 16Үргүлчү ыглаар ужурум ол; ийи караам суун иштим q.
Сорук-күжүм омакшыдар аргалакчы ырай берди.
Дайзыннарның күжү дендеп, ажы-төлүм качыгдады».
פ (пе) 17Сион-кыс хей-ле холун сунган r – аргалакчы тывылбады.
Бүзээлээн бүгү дайзыннарга Израильди Дээрги-Чаяакчы тудуп беривитти.
Иерусалимни олар үглеп келгеш, бужар херээженни дег аажылааннар.
צ (цаде) 18«Дээргиниң чөптүүн аарай! s Ооң сөзүнге удурланып канчаарым ол!
Бүгү чоннар, дыңнаңарам, хилинчээмни көрүңерем:
хып дээн чалыы оглу-кызым дайзынга туттурдулар.
ק (коф) 19Таныштарым t кыйгырган мен, олар мени мегелеп каан.
Бурганның бараалгакчылары-даа, ак салдыг кырганнар-даа
амыдыраар, шыдал кирер аъш-чем дилээш, хоорайга кырылдылар.
ר (реш) 20Ырмазыраан менче көрем, Дээрги-Чаяакчы: ийлей бердим.
Чүлдү-чүрээм чарлыр четти – Сеңээ аажок удурланып турган-дыр мен.
Даштын хылыш ажы-төлдү кыргып-хыдаан, бажыңда – база-ла өлүм u.
ש (шин) 21Дайзыннар-ла човуурумну дыңнап турар – аргалаптар кижи чок-тур.
Айыыл-халап, аар-бергем Сенден дээрзин олар дыңнааш, өөрүп турлар.
Ынчалза-даа айытканың хүннү „Кел!“де – ынчан олар мен дег апаар!
ת (тав) 22Бачыттарым шуптузу дээш, кеземчең Меңээ онаарың дег,
дайзыннарымны ынчаар кезет – хай-бачыды Сеңээ бүрүн көстү берзин! v
Чүге дээрге човуурум-даа үзүлбес-тир, чүрээм күжүр качыгдап тур!»
Copyright information for
TyvTUV