‏ Lamentations 2

Ийиги ыы-сыы

א

(алеф)

1Аа халак! Дээрги-Чаяакчы Сион-кысты килеңиниң булуду-биле бүргей каапты!
Израильдиң өндүр каазын дээрден черже дүжүр октап a,
килеңиниң хүнү кээрге, дүжүлгезинден дүжүп кээп турган черин тоовайн,
хая көрдү
«Дүжүлгезинден дүжүп кээп турган чери» – израиль чер, Бурганның өргээзи азы ыдыктыг аптара (1 Чыл. 28:2 көр).
.

ב

(бет)
2Израильдиң хоорай-суур, турлагларын Дээрги-Чаяакчы кээргел чокка сыырыпты;
Иудея шивээлерин килеңнээштиң, узуткады c;
күрүнени болгаш нояннарны ойтур октап, бужартатты.

ג

(гимел)
3Килеңнээш, Ол Израильдиң мыйыстарын
«Мыйыстар» – күчү-күштүң оюскан символ-демдээ.
кезип каапты,
дайзын кээрге, Израильди камгалавайн, оң холун чайладыпты e,
бүгүдени хуюктап чиир чалбыыш-отту Израильге Ол кыпсывытты f.

ד

(далет)
4Дайзын-даа дег, кадыг чазын холу-биле хере тыртты g.
Карак өөрткен бүгү чүүлдү, өжээтен дег, узуткады.
Чалбыышталган килеңин Ол Сион-кыс өргээзинче чажа каапты.

ה

(хе)
5Дээрги-Чаяакчы дайзын дег болу бергеш, Израильди сыырыпты,
ооң хамык шивээлерин ажырыптып, ордуларын хоозуратты.
Иудея черинге Ол ыы-сыыны, хомудалды нептеретти.

ו

(вав)
6Садта үнген ыяш кескен кижи-даа дег,
чыыш черин – өргээзин Ол узуткады.
Сионга Ол байырлалдар, амыр-дыштың хүннерин-даа
уттур кылдыр албадады;
килеңнээштиң, хаанны-даа, Бурганның бараалгакчызын-даа
тоовайн барды.

ז

(зайин)
7Дээрги-Чаяакчы өргүл салыр черин тоовайн, ыдыктыг өргээзин хүлээведи.
Ооң быжыг ханаларын дайзынның холдарынга киирип берди.
Байырлалдың чыыжында дег, Дээргиниң өргээзинде алгы-кышкы
дыңналып тур.

ח

(хет)
8Сионнуң ханазын бузар деп, Дээрги-Чаяакчы бодап алган.
Хананы Ооң холу хемчээп, үрегделден ойталаарын сагынмайн тур.
Камгалал чалдары-даа, ханалар-даа буступ дүшкен, качыгдап тур.

ט

(тет)
9Хаалгалар-даа кээп дүшкен, дээктерни Ол үреп-талаан h.
Хоорай хааны, нояннар-даа өске чоннар холунче кирген,
ыдыктыг хоойлу база чок-тур!
Медээчилеринге-даа Дээрги-Чаяакчыдан кээр ажыдыышкын үстүп-читкен i.

י

(йод)
10Баштарынче доозун-довурак чажып j, качыгдал хевин кеткен
Сионнуң баштыңнары ыыттаар сөс чок, черде орлар k.
Иерусалим кыстары-даа качыгдалдан бажын черже халайтылар.

כ

(каф)
11Карактарым чажы соглуп, согурардым, ийлей бердим.
Кара баарым ажып, аараан. Мээң күжүр чонум буурап калган.
Хоорайның шөлдеринде эмер чаштар, уруг-дарыг аштап өлүп чыдарын көр:

ל

(ламед)
12найысылал шөлдеринде балыг-бышкын улус дег, моорап турлар.
Хөөкүйлер авазындан айтырып тур: «Аъш-чем биле суксун кайыл?» l
Иезиниң хойнунга-ла амы-тыны үстүп турлар.

מ

(мем)
13Иерусалим-кыс, сени кымга дөмейлээйн, сеңээ чүнү чугаалаайн?
Күжүр Сион-кыс, аргалаар дээш, сени кымга деңней көрейн?
Балыың ханы – далай ышкаш – сени кым-на экиртирил?!

נ

(нун)
14Медээчилериң сеңээ хей-ле меге, хоозун чүүлдер оштаан m,
салым-чолуң өскертир дээш, кем-бурууң ажытпааннар,
меге-биле дуурайлап, сени будап каапканнар!

ס

(самех)
15Чорумалдар дора көрүп, адыш часкап,
Иерусалим-кысты шоодуп, бажын чайып, сыгырдылар n:
«Бүгү черниң таалалы, дээди каас дээр хоорай бо бе? o»

פ

(пе)
16Сенче хамык дайзыннарың өгү-дылын караңнатты p.
Азыг-дижин кыжырадып, сыгырдылар: «Ам-на ону сыырыптывыс! q
Күзеп-манаан хүнүвүске чедир чурттап, көрүп тур бис! r»

ע

(айин)
17Дээрги-Чаяакчы бодалдарын боттандырып, эткен сөзүн ээледи.
Үе-дүпте аазаан сөзүн күүсетти s:
хайыра чок сени базып, өжээтенге шоот кылып,
дайзыннарың мыйыстарын
«Мыйыстар» – күчү-күштүң оюскан символ-демдээ.
сүүрертипти.

צ

(цаде)
18Дээргиге чүрек-хөңнүң ханызындан тейле-ле, о Сион-кыс!
Дүн-хүн дивейн, дамырак дег, карааң чажы агып батсын u,
ботка дышты черле бербе, карактарың дыштандырба!

ק

(коф)
19Дүннү өттүр, өйлеп-өйлеп, алгыр-кышкыр!
Дээрги-Чаяакчы мурнун орта, суг-даа ышкаш, хөңнүң төп бер v,
кудумчулар белдиринде аштап өлүр чеде берген чаштарыңның амызы дээш,
Аңаа тейлеп, холдарың сун!

ר

(реш)
20«Дээрги-Чаяакчы, топтап көр даан,
өске кымны шак-ла мынчаар хинчектээн сен –
эмзирип өстүрген уруг-дарыының эъдин ие чиптер кылдыр? w
Дээргиниң өргээзинге медээчизи-даа, бараалгакчызы-даа өлүр кылдыр?

ש

(шин)
21Кудумчулар довураанда уруг-дарыг, кырганнар-даа чыткылаар-дыр;
чалыы кыстар, оолдарымның тынын хылыш үзүп каан-дыр;
оларны Сен килеңнээштиң, кээргел чокка узуткадың.

ת

(тав)
22Коргуп чоруур дайзыннарымны, найырже дег, Дээрги-Чаяакчы чыып тур.
Ооң килең хүнү чедип кээрге, камгалал ап, дириг үнер кижи чок-тур!
Эмзирип өстүрген, азырап каан улузумну дайзыным кээп, узуткады».
Copyright information for TyvTUV