Lam 4 | TyvTUV | STEP | א (алеф) Аа халак! Алдын өңү чайнавастаан, тулган алдын хугбайзырап, өскерилген! Кудумчу санай, белдир санай ыдык даштар төктү берген. ב (бет)

‏ Lamentations 4

Дөрткү ыы-сыы

(алеф)

1 Аа халак! Алдын өңү чайнавастаан, тулган алдын хугбайзырап, өскерилген! Кудумчу санай, белдир санай ^a ыдык даштар ^{▼▼ Бо сөстерниң болгу дег өске уткалары мындыг: «Ыдыктыг черниң эртине даштары» азы «Бурганның өргээзин тудуп тургускан даштар».} төктү берген.

(бет) 2 Сионнуң чок дээн, алдын караан чая базар оолдарын
кижи кылган, дойдан туткан савалар дег ^c үнелеп тур.

(гимел) 3 Бөрзектерин чемгерер дээш, шөө-бөрү-даа эмиин дөгээр,
а мээң чонум хайыра чогу – ээн ховуда страус куш-ла ^{▼▼ «Страус» – страус кушту бодунуң чуургаларын элезинге каапкаш баар, хайыра чок, доң баарлыг куш деп санап турган (Иов 39:13-16 көр).}.

(далет) 4 Хензиг чаштың өгү, дылы кагып-суксааш, чыпшынышкан.
Аъш-чем дилээн уругларга кым-даа, чүү-даа бербейн тур! ^e

(хе) 5 Пөктүр дойлап чораан улус кудумчулар кыдыын дургаар кырлып чыдар.
Каас хеп кедип өскен улус даштын бокта чимзенип тур.

(вав) 6 Содомнуң-даа кеземчезин ^f мээң чонум кеземчези ажып турар:
шак ол хоорай, кижи холу көңгүс дегбейн,
карак чивеш дээр аразында буступ дүшкен.

(зайин) 7 Чонум баштаан нояннар-даа хардан арыг, сүттен аккыр,
мага-боду кораллдан каас, шырайы-даа сапфир ышкаш чордулар чоп.

(хет) 8 А ам олар – арны-бажы хөө-кара ^g, кудумчуга таныттынмас,
мөчү-сөөкте херген кежи ыяш ышкаш кургап калган.

(тет) 9 Хову-шөлдер куруглаарга, тыны үстүп, диригге-ле кадып калган,
аштап өлген кижилерден хылыш-биле шаштырганнар кежиктиг-дир ^h.

(йод) 10 Чонум ынчаар кырлып турда, буян-чолдуг иелер-даа
ажы-төлүн пашка дүлүп, боттарынга аъш-чем кылып турганнар ийик ⁱ.

(каф) 11 Дээрги-Чаяакчының килең-кылыы дендеп барды, килеңин Ол чажа каапты ^j:
Сионга Ол одун кыпсып, хоорайны өзээнге киир өрттедипти ^k.

(ламед) 12 Иерусалим хаалгазындан өштүг дайзын кирип кээр деп,
черде хааннар, делегейде чурттаан улус бодап безин чорааннар бе?!

(мем) 13 А ол бүгүнүң дөзү кайдал? Хоорайга актыг улус ханын төккен
бараалгакчылар бузудунда, медээчилер бачыдында ^l.

(нун) 14 Олар даштын, согурлар дег, тояап чорлар,
ханга былчап, бужартадып алган боорга,
хептеринге дээп болбас апарган-дыр ^m.

(самех) 15 «Орук чайлаңар, бужартааннар! Биске дегбейн, чоруңар!» –
деп, оларже улус алгырып тур.
«Тояап чоруур хейлерни! – деп, өске чоннар улузу сөглеп тур. –
Моон соңгаар аравыска олар турбас».

(пе) 16 Дээрги-Чаяакчы Боду-ла оларны тарай сывырыпкан,
моон соңгаар оларже Ол ээ көрбес.
Ынчангаш Ооң бараалгакчыларын-даа хүндүткээр,
баштыңнарны-даа өршээр улус ам чок ⁿ.

(айин) 17 Дуза манаан караавыс-даа имистелип өштү ^o.
Камгалаар дээш, келбээн чонче ^{▼▼ «Келбээн чон» – Египет дугайында чугаалаан бооп чадавас (Иер. 37:7 көр).} доскуул кылыр суургалардан харап көрүп,
шаанга киир манадывыс.

(цаде) 18 Кудумчуже үнмезин дээш, дайзыннар каяа-даа бол бисти кедээн.
Төнчүвүс ам чоокшулаан ^q, назынывыс кызырылган,
өлүр хүн-даа чедип келген.

(коф) 19 Бисти кызап, сүрген улус дээрде ушкан эзирлерден дүрген болган ^r.
Олар бисти дагларга-даа чыпшыр чедип,
ээн ховаа кедег кылып, дозуп турган.

(реш) 20 «Хаанывыска карактадып, өске чоннар аразынга чурттаар бис» –
деп идегеп чораанывыс амывыстың тыныжы –
Дээрги-Чаяакчының шилээн хааны какпага кирип, туттурган-дыр ^s.

(шин) 21 Уц дээр черде ^t чурттай берген Эдом-кыс, амдыызында өөрүп-хөгле.
Килең долган үлүг-дашка сеңээ чедер –
шалдаңналдыр ужур ижип, эзириир сен ^u.

(тав) 22 Сион-кыс, кеземчеңниң төнчүзү кээр ^v –
сени Ол ам удавайн хостап салыр!
А сени, Эдом-кыс, кем-бурууң дээш кезеткештиң, бачыттарың ажыдыптар ^w.