Leviticus 15
Эр улуска хамааржыр дүрүм-хоойлу
1Дээрги-Чаяакчы Моисей биле Ааронга мынча деп чугаалаан: 2«Израиль чонга мону чугаалаңар. Кандыг-бир эр кижиниң мага-бодундан ▼▼ Мага-бот – бо сөс кижиниң алдыкы органнарын ойзу адап турар хире.
сыстып турар суук чүүлдер бар болза, оозу дээш, ол арыг эвес болу бээр. 3Ол кижиниң мага-бодундан сыстып турар чүүл сыстып үнүп-даа турар азы мага-бодунга боглуп артып-даа каар болза, дөмей-ле ооң арыг эвезин көргүзер. 4Ындыг арыг эвес кижиниң чыткан дөжээ база олуруп турган кандыг-даа эди арыг эвес болур. 5А ооң дөжээнге дегген өске кижи хевин чуп алыр, а боду сугга чунуп алыр ужурлуг; ол кижи кежээге чедир арыг эвес болур b. 6Арыг эвес кижиниң олурган черинге олурупкан өске кижи хевин чуп алыр база сугга чунуп алыр ужурлуг; ол кижи кежээге чедир арыг эвес болур. 7Арыг эвес кижиниң мага-бодунга дегген өске кижи хевин чуп алыр база сугга чунуп алыр ужурлуг; ол кижи кежээге чедир арыг эвес болур. 8Сыстып турар суук чүүлдүг кижи арыг кижиже дүкпүрүптер болза, арыг кижи хевин чуп алыр база сугга чунуп алыр ужурлуг; ол кижи кежээге чедир арыг эвес болур. 9Арыг эвес кижиниң олурган олут бүрүзү база арыг эвес болур. 10Шак ындыг кижиниң адаанга салып турган кандыг-бир чүүлге дегген кижи бүрүзү кежээге чедир арыг эвес болур. А ол чүүлдү көдүрүп аппаар кижи хевин чуп алыр база сугга чунуп алыр ужурлуг; ол кижи кежээге чедир арыг эвес болур. 11Сыстып турар суук чүүлдүг кижи холун чуп албайн, өске-бир кижиге дегген болза, өске кижи бүрүзү хевин чуп алыр база сугга чунуп алыр ужурлуг; ол кижи кежээге чедир арыг эвес болур. 12Арыг эвес кижи дой савага дегген болза, ол саваны буза шаап каар херек. А бир эвес ыяш савага дегген болза, ону сугга чуур херек c. 13Сыстып турар суук чүүлдүг кижи оозундан адырлып-арыгланып алыр болза, арыгланганындан бээр чеди хүн эрткенин манааш, хевин чуп алыр база мага-бодун агым сугга чуп алыр ужурлуг; ол ынчан арыг болу бээр. 14Ол кижи сески хүнде ийи көге-буганы азы ийи көгээзинни ап алгаш d, Дээрги-Чаяакчының мурнунга, Ужуражылга майгынынче кирер черге чедип келзин база куштарны Бурганның бараалгакчызынга эккеп берзин. 15Бурганның бараалгакчызы куштарның бирээзин бачыт дээш өргүл кылдыр, а өскезин бүрүн өрттедир өргүл кылдыр салгаш, ол кижини сыстып турар суук чүүлүнден Дээрги-Чаяакчының мурнунга ынчалдыр арыглап каар. 16Бир-ле эр кижиниң үрези төгүлген болза, ол бүгү бодун сугга чуп каапсын; ол кижи кежээге чедир арыг эвес болур e. 17Үре төктү берген хеп болгаш алгы-хөм бүрүзүн сугга чуп кааптар херек; ол чүүлдер кежээге чедир арыг эвес болур». Херээжен улуска хамааржыр дүрүм-хоойлу
18«Эр кижи херээжен кижи-биле холбажырга, үрези төктү берген болза, иелээ сугга чунуп каапсыннар; олар кежээге чедир арыг эвес болурлар. 19Бир эвес херээжен кижи ай демдээ көрген үезинде мага-бодундан ханы төктүп турар болза, чеди хүн дургузунда арыг эвес болур f. Аңаа дегген кижи бүрүзү кежээге чедир арыг эвес болур. 20Ай демдээ көрген үезинде ханы төктүп турар херээжен кижиниң чыдып азы олуруп турганы бүгү чүүл арыг эвес болур. 21Демги херээженниң орун-дөжээнге дегген кижи бүрүзү хевин чуп алыр база сугга чунуп алыр ужурлуг; ол кижи кежээге чедир арыг эвес болур. 22Демги херээженниң олурган чүүлүнге дегген кижи бүрүзү хевин чуп алыр база сугга чунуп алыр ужурлуг; ол кижи кежээге чедир арыг эвес болур. 23Демги херээженниң дөжээнге азы олурган черинге чыткан бир-ле чүүлге дегген кижи кежээге чедир арыг эвес болур. 24А бир эвес эр кижи ай демдээ көрген херээжен-биле холбашкаш g, ооң ханынга боражып алыр болза, ол эр кижи чеди хүн дургузунда арыг эвес болур, а ооң чыдып аары орун-дөжек бүрүзү база арыг эвес болур. 25Херээжен кижиниң ханы ай демдээ көрген үезинден аңгы үеде хөй хүннер дургузунда азы ай демдээ көрген үезинден ажыр төктүп туруп бээр болза, ол херээжен, ай демдээ көрген үезинде дег, арыг эвес болур h. 26Ол херээженниң ханы төктүп турар үезинде чыдары кандыг-даа орун-дөжек, ооң ай демдээ көрген үезинде чыткан орун-дөжээ дег, арыг эвес деп санаттырар. База ооң олуруп аары кандыг-даа эт, ай демдээ көрген үезинде дег, арыг эвес болур. 27Ол орун-дөжекке дегген кижи бүрүзү арыг эвес болур болгаш хевин чуп алыр база сугга чунуп алыр ужурлуг; ол кижи кежээге чедир арыг эвес болур. 28А ол херээжен хан төктүүшкүнүнден адырлып-арыгланып алгаш, чеди хүн эртерин манап алыр ужурлуг, ооң соонда ол арыг болу бээр. 29Сески хүнде ол херээжен ийи көге-буганы азы ийи көгээзинни ап алгаш i, Ужуражылга майгынынче кирер черге, Бурганның бараалгакчызынга эккеп берзин. 30Бурганның бараалгакчызы куштарның бирээзин бачыт дээш өргүл кылдыр, а өскезин бүрүн өрттедир өргүл кылдыр салгаш, ол херээженни ооң арыг эвес хан төктүүшкүнүнден Дээрги-Чаяакчының мурнунга арыглап каар. 31Израиль чон ооң аразында турар Мээң ыдыктыг өргээмни бужартадып j, бодунуң арыг эвезинден өлү бербес кылдыр, „Арыг эвес болбаңар!“деп сагындырып көрүңер!» 32– 33Сыстып турар суук чүүлдүг кижи дугайында; үрези төгүлгеш, арыг эвес болу берген кижи дугайында; ай демдээ көрүп турар херээжен кижи дугайында; сыстып турар суук чүүлдүг эр, херээжен улус дугайында база арыг эвес херээжен-биле холбажыр эр кижи дугайында дүрүм-хоойлу шак ындыг боор-дур.
Copyright information for
TyvTUV