aИез. 20:7-8; 23:8
bЫ. х. к. 4:1; 32:47; Неем. 9:29; У. ч. 4:4; Иез. 18:9; 20:11; Рим. 8:13; 10:5; Гал. 3:12
cЫ. х. к. 22:30
dЫ. х. к. 27:22; 2 Хаан. 13:12
eЭ. д. 38:26
fМф. 14:4; Мк. 6:18
gЫ. х. к. 27:23
hЭ. д. 29:30; 30:15
iЛев. 15:24
jХост. 20:14
lЭ. д. 19:5; Башт. 19:22; Рим. 1:27
mХост. 22:19
nСан. 35:34; Иер. 2:7; Иез. 36:17

‏ Leviticus 18

Эр-херээжен харылзааларны чурумчудар дүрүм-хоойлу

(Лев. 20:11-22)

1Дээрги-Чаяакчы Моисейге мынча деп чугаалаан: 2«Израиль чонга мону чугаала. Мен дээрге Дээрги-Чаяакчы Бурганыңар-дыр мен. 3Мооң мурнунда чурттап турганыңар Египеттиң чонунуң чаңчылдарын ёзугаар чурттаваңар a база силерни эдертип аппар чыдарым Ханаанның чоннарының чаңчылдарын ёзугаар чурттаваңар, оларның доктааткан дүрүмнериниң аайы-биле барбаңар. 4Мээң хоойлуларымны күүседиңер база Мээң дүрүмнеримни сагыңар, оларны чандыр баспайн эдериңер. Мен дээрге Дээрги-Чаяакчы Бурганыңар-дыр мен. 5Мээң дүрүмнерим болгаш хоойлуларымны сагыңар. Оларны сагыыр кижи оларның ачызында амылыг артар b. Мен – Дээрги-Чаяакчы-дыр мен.

6Кым-даа бодунуң чоок төрели-биле холбажырын бодап, олче чоокшулавас ужурлуг. Мен – Дээрги-Чаяакчы-дыр мен.

7Ачаңның мага-бодунуң тудуш кезээ болур аваң-биле холбашпа. Ол херээжен – сээң аваң-дыр, ооң-биле холбашпа.

8Ачаңның өске кадайы – соңгу иең-биле холбашпа: ооң шалдаңы дээрге ачаңның база шалдаңы болгай c.

9Ачаңның азы аваңның уруу болур угбаң азы дуңмаң-биле – ол аалыңарга-даа азы аалыңардан дашкаар-даа төрүттүнген болза – холбашпа d.

10Оглу-кызыңның уруу-биле холбашпа. Ооң шалдаңы дээрге бодуңнуң база шалдаңың болгай.

11Ачаңның кадайының уруу-биле холбашпа. Ол дээрге чаңгыс ададан төрүттүнген кыс дуңмаң-дыр, ооң-биле холбашпа.

12Ачаңның угба-дуңмазы-биле холбашпа. Ол дээрге ачаңның кады төрээни-дир.

13Аваңның угба-дуңмазы-биле холбашпа. Ол дээрге аваңның кады төрээни-дир.

14Ачаңның акы-дуңмазының кадайы-биле холбашпа. Ол дээрге сээң чааваң-дыр.

15Кенниң-биле холбашпа. Ол дээрге оглуңнуң кадайы-дыр, ооң-биле холбашпа e.

16Акыңның азы дуңмаңның кадайы-биле холбашпа f. Ооң шалдаңы дээрге акыңның азы дуңмаңның база шалдаңы болгай.

17Херээжен кижи-биле чоок харылзаалыг чурттап турган болзуңза, ооң уруу-биле азы ооң оглу-кызының уруу-биле холбашпа g. Олар дээрге ооң төрээн уруглары-дыр, ынчаар кылыры – самыыраашкын-дыр.

18Кадайың дириг чорда, ооң кады төрээнин кадай кылдыр ап, холбашпа; угбашкыларны адааннаштырба h.

19Кадайың ай демдээ көрүп турар өйде, холбажыр бодап, олче чоокшулава i.

20Өске кижиниң кадайы-биле хойгашпа, ол чорук сени арыг эвес кылып каар j.

21Ажы-төлүңнүң кайы-бирээзин Молох бурганга өргүве ▼
▼ Азы: «Молох бурганга бараалгадыры-биле бербе» (Лев. 20:2 көр).
, Бурганыңның адын бужартатпа. Мен – Дээрги-Чаяакчы-дыр мен!

22Херээжен кижи-биле дег, эр кижи-биле холбашпа. Ол дээрге бужар чүүл-дүр l.

23Кандыг-даа мал-биле холбашпа, ол чорук сени арыг эвес кылып каар. Херээжен кижи база, мал-биле холбажыр дээш, ооң чанынга барбас ужурлуг. Ол дээрге орта эвес бужар чүүл-дүр m.

24Бо чүүлдерниң кайызы-биле-даа бодуңарны арыг эвес кылбаңар, чүге дээрге силерниң чурттаар чериңерден үндүр сывырып турарым чоннар ол бүгү чүүлдерден бужартаан болгай. 25Чер база арыг эвес апарган n. Мен ону ооң чурттакчыларының кем-буруузу дээш кезеткен мен: чер ында чурттаан чоннарны боду-ла үндүр кызыпкан. 26Мээң дүрүмнерим болгаш хоойлуларымны сагыңар, үндезин чурттакчы-даа, араңарда чурттап турар даштыкы кижи-даа ол бужар чүүлдерниң кайызын-даа кылбазын. 27Бүгү-ле ол бужар чүүлдерни бо черге кээр мурнуңарда аңаа чурттап турган улус үүлгедип турган, ынчангаш чер арыг эвес апарган болгай. 28Силер черни бужартадып эгелээр болзуңарза, демги чоннарны үндүр кызыпканы дег, чер силерни база үндүр кызыптар. 29Бир эвес кандыг-бир улус бо бүгү бужар чүүлдерни үүлгедир болза, оларны чонунуң аразынга амылыг арттырбас. 30Бо черге силерниң мурнуңарда турган чоннар орта эвес бужар чаңчылдар эдерип турганнар. Олар дег кылбас дээш база ындыг херектер ужун арыг эвес апарбас дээш, Мээң хоойлуларымны сагыңар. Мен – Дээрги-Чаяакчы Бурганыңар-дыр мен!»
Copyright information for TyvTUV