Leviticus 19
Бодун ыдыктыы-биле алдынарының дүрүм-хоойлузу
1Дээрги-Чаяакчы Моисейге мынча деп чугаалаан: 2«Израиль чоннуң бүгү ниитилелинге мону дамчыдып чугаала. Ыдыктыы-биле чурттаңар, чүге дээрге Дээрги-Чаяакчы Бурганыңар болур Мен ыдыктыг-дыр мен a. 3Кижи бүрүзү бодунуң авазы биле ачазын хүндүлезин база Мээң доктаатканым амыр-дыш хүннерин сагызын b. Мен – Дээрги-Чаяакчы Бурганыңар-дыр мен. 4Хоозун дүрзү-бурганнарга мөгейбеңер база бодуңарга шуткаан бурганнар кылбаңар c. Мен – Дээрги-Чаяакчы Бурганыңар-дыр мен. 5Эп-найырал өргүлүнүң малын Дээрги-Чаяакчыга дөгерип тура, ол Аңаа таарымчалыг болур кылдыр дөгериңер d: 6өргүл кылган хүнүңерде азы дараазында хүнде ону чиир ужурлуг силер, а үшкү хүнде артып калган кезээн отка өрттедир херек. 7Өргүл малының үшкү хүнде арткан кезээн чиир болза, ол бужар чүүл болу бээр, ону чиири Бурганга таарымчалыг болбас. 8Ону үшкү хүнде чиир кижи бүрүзү буруузун боду чүктээр, чүге дээрге ол Дээрги-Чаяакчыга хамааржыр ыдык өргүлдү бужартадып турар-дыр, ындыг кижини чонунуң аразынга амылыг арттырбас. 9Бодуңарның чериңерге дүжүт ажаап тура, шөлүңерниң кыдыын чедир ажаавайн, арттырып калыңар база ажаап турар тарааңар черже кээп дүжер болза, чыгбаңар e. 10Виноград шөлүнде тараан виноградыңны бүрүнү-биле ажаава. Черже кээп дүшкен каттарны-даа чыгба: ядыыларга база өскээртен келген улуска арттырып каг f. Мен – Дээрги-Чаяакчы Бурганыңар-дыр мен. 11Оорланмаңар g, шын эвес чүүл чугаалаваңар база бот-боттарыңарны мегелевеңер h. 12Мегелеп Мээң адым-биле даңгыраглаваңар: Бурганыңарның адын баксыратпаңар i. Мен – Дээрги-Чаяакчы-дыр мен! 13Өске кижини кызып-кыйба, үптеп-тонава, хөлезилеттинген ажылчынга төлевир бээрин дүннү өттүр тудуп, эртенге чедир соңгаарлатпа j. 14Дүлей кижини бак сөглеве, согурнуң мурнунга тептиге бээр моондак салба. Бурганыңдан коргуп чор. Мен – Дээрги-Чаяакчы-дыр мен! 15Улусту чөптүг эвес шиитпе. Ядыы-ла кижи-дир дээш, аңаа чымчак болба, күш-шыдалдыг-ла кижи-дир дээш, ооң күзелин хандырарын бодава k. Өске кижини шынның туружундан шиидип чор. 16Улус аразынга хоп-меге дажыглава. Буруу чок кижини шаажылап кагзын дээш, шииткел үндүрер үеде меге херечилел кылба l. Мен – Дээрги-Чаяакчы-дыр мен! 17Чүрээңге ха-дуңмаңга көөр хөөн чок чорук шыгжава. Чоок кижиңни эдип-чазап сурга m, ынчан ол кижиниң хайы-биле бачыттыг болбас сен. 18Өжээн негеве n, чонуңнуң улузунга удур бак сагыш шыгжава, харын чаныңда кижиге бодуңга бодуң дег ынак бол o. Мен – Дээрги-Чаяакчы-дыр мен! 19Мээң дүрүмнеримни сагыңар. Малыңны өске ук-уксаалыг мал-биле эдериштирбе. Чаңгыс шөлге ийи янзы үрезин тарыва p. Янзы-бүрү пөстер холуштур даараан хеп кетпе. 20Эр кижи-биле дүгдеп каан кул херээжен-биле хойгажыр өске кижи турган дижик. Бир эвес ол кул херээженни демги кижи амдыгаа чедир садып албаан азы хоставаан болза, оларның иелдирзин кезедир ▼▼ Азы: «Ол херекти истеп-хынаар ужурлуг».
, ынчалза-даа өлүмге онааштырбас ужурлуг, чүге дээрге ол херээжен хостуг эвес турган-дыр. 21Ол эр кижи кем-буруузу дээш өргүл кылдыр Ужуражылга майгынынче кирер черге Дээрги-Чаяакчыга кошкарны эккеп салзын. 22Бурганның бараалгакчызы кошкарны Дээрги-Чаяакчының мурнунга кем-буруу дээш өргүл кылдыр салгаш, бачыт үүлгеткен ол кижини арыглап каар. Ынчан демги кижи үүлгеткен бачыды дээш өршээл алыр. 23Келир үеде ээлээр чуртуңарже кире бергеш, кандыг-бир кат-чимистиг ыяш тарып кагзыңарза, ооң чимистерин чиири хоруглуг деп санаңар: оларны үш чыл дургузунда чивес ужурлуг. 24А дөрткү чылда ол ыяштың хамык чимистери Дээрги-Чаяакчыны алгап-мактаарынга херек ыдыктыг өргүл болур. 25Бешки чылда ооң хамык чимистерин чип болур силер база ооң силерге бээр чимистери өзүп-көвүдээр. Мен – Дээрги-Чаяакчы Бурганыңар-дыр мен! 26Ханныг эът чивеңер r; канчаар-даа болза илби кылып, төлгелевеңер s. 27Бажыңарның кыдыын долгандыр дөңгүретпеңер база салыңарның кыдыгларын таартпаңар t. 28Өлген улус дээш кажыыдап, мага-бодуңарны чара кеспеңер u база шыйбактаваңар, эът-кежиңерге кадап будаан бижимелдер кылбаңар ▼▼ Үстүнде айыткан ёзулалдар ол үениң дүрзү-бурганнарга чүдүүр улузунуң шажынчы ёзулалдары бооп чадавас (3 Хаан. 18:28; Иер. 16:6; 41:5 көр).
. Мен – Дээрги-Чаяакчы-дыр мен! 29Бодуңнуң урууңну самыын-садарынче албадава w, оон башка чурттуң чону самыыралга алзып алыр база чуртту бузут бүргей аптар. 30Мээң доктаатканым амыр-дыш хүннерин сагыңар x база Мээң ыдыктыг черимни хүндүлеңер. Мен – Дээрги-Чаяакчы-дыр мен! 31Өлүг улустуң сүнезиннерин кый дээр-даа, караң көрнүр-даа улуска барбаңар, арга-сүме айтырбаңар y. Бодуңарны олардан бужартаарынга чедирбеңер. Мен – Дээрги-Чаяакчы Бурганыңар-дыр мен! 32Буурул баштыг кижиниң мурнунга туруп кел, улуг назылыг улусту хүндүле z. Бурганыңдан коргуп чор. Мен – Дээрги-Чаяакчы-дыр мен! 33Силерниң чериңерге чурттай берген даштыкы кижини кызып-кыйба aa. 34Араңарда чурттай берген өскээртен келген кижи силерге үндезин чурттакчы ышкаш болзун: аңаа бодуңга дег ынак бол, чүге дээрге силер база египет черге өскээртен келген улус бооп чораан болгай силер ab. Мен – Дээрги-Чаяакчы Бурганыңар-дыр мен! 35Шииткел үндүрүп турда-даа, хемчээп болгаш деңзилеп тура-даа, шын эвес кылбаңар. 36Силерниң деңзилээр деңзиңер, килдериңер, төктүүчел база суук чүүлдер хемчээр саваларыңар шын хемчээр болзун ac. Мен дээрге силерни египет черден үндүре берген Дээрги-Чаяакчы Бурганыңар-дыр мен. 37Мээң бүгү дүрүмнерим болгаш хоойлуларымны сагыңар база күүседиңер. Мен – Дээрги-Чаяакчы-дыр мен!»
Copyright information for
TyvTUV