Leviticus 22
Бурганга салган өргүлдерниң ыдыктыы
1Дээрги-Чаяакчы Моисейге мынча деп чугаалаан: 2«Ааронга болгаш ооң оолдарынга мону чугаала. Мээң ыдыктыг адымны бужартатпас дээш, олар израиль чоннуң Меңээ бараалгадып салган ыдыктыг өргүлдери-биле оваарымчалыг бооп көрзүннер. Мен – Дээрги-Чаяакчы-дыр мен! 3Оларга мынчаар чугаала. Силерниң бүгү үре-салгалыңардан арыг эвес тургаш, израиль чоннуң Меңээ бараалгадып салган ыдыктыг өргүлдеринге дегген кижини Бодумнуң мурнумга амылыг арттырбас мен a. Мен – Дээрги-Чаяакчы-дыр мен! 4Аароннуң ук-ызыгуурундан үнген кеш аарыглыг азы мага-бодундан сыстып үнүп турар суук чүүлдүг кижи бар болза b, арыгланып албаан шаанда, ыдыктыг өргүлдерни чивес ужурлуг. Азы арыг эвес секке дегген c, азы үрези төгүлген, 5азы кандыг-бир арыг эвес үүрмек дириг амытанга дегген, азы өске кижиниң кандыг-даа хевирлиг арыг эвес чүүлдеринге дегген бараалгакчы бар дижик. 6Шак ындыг арыг эвес чүүлдерге дегген кижи кежээге чедир арыг эвес болур. Ол кижи мага-бодун сугга чуп албаан шаанда, ыдыктыг өргүлдерни чип болбас ужурлуг. 7А хүн ашкан соонда, ол кижи арыгланып каапкаш, ыдыктыг өргүлдерни чип болур, чүге дээрге ооң чиир ужурлуг аъш-чеми ол-дур. 8Бурганның бараалгакчызы арыг эвес апарбас дээш, бодунуң өлүмү-биле өлген азы араатан аңга өлүрткен дириг амытанны чивес ужурлуг d. Мен – Дээрги-Чаяакчы-дыр мен! 9Бачыттарын боттары чүктевес дээш база айтыышкынымны үрээниниң ужун өлүп калбас дизе, бараалгакчылар Мээң айтыышкыннарымны сагып чорзун. Мен дээрге оларны ыдыктап турар Дээрги-Чаяакчы-дыр мен! 10Бурганның бараалгакчызының өг-бүлезиниң кежигүнү эвес өске кым-даа: ооң аалчызы кижи база хөлезилеттинген ажылчын ыдыктыг өргүлдерни чивес ужурлуг e. 11Бир эвес Бурганның бараалгакчызы хууда акша-мөңгүнү-биле кул кижи садып алыр болза, ол кул кижи ыдыктыг өргүлдерни чип болур. Бурганның бараалгакчызының аал-оранынга төрүттүнген кулдар база ооң аъш-чемин чип болур f. 12Бурганның бараалгакчызының уруу бараалгакчы эвес кижиге өгленип алыр болза, ыдыктыг өргүлдү чивес ужурлуг. 13Ынчалза-даа ооң уруу дулгуяк апаргаш азы ашаандан чарлы бергеш, уруг-дарыг чогундан, чалыы үезинде дег, ачазының бажыңынче чанып келген болза, ачазының аъш-чемин чип болур. А өске кым-даа ону чип болбас. 14Бир эвес частырыг болуп, ыдыктыг өргүлдү чиптер кижи турар болза, ыдыктыг өргүлге ооң бештиң бир кезээн немээш, Бурганның бараалгакчызынга бээр ужурлуг g. 15Бурганның бараалгакчылары израиль чоннуң Дээрги-Чаяакчыга эккеп салып турары ыдыктыг өргүлдерин бужартатпазын. 16Бурганның бараалгакчылары эвес израильчилер ыдыктыг өргүлдерни чиир болза, олар бачыды дээш буруулуг болурлар ▼▼ Азы: «Оон башка Бурганның бараалгакчылары ыдыктыг өргүлдерни чигеш, бачыды дээш буруулуг болурлар».
, чүге дээрге ол өргүлдерни Дээрги-Чаяакчы болур Мен ыдыктап турар болгай мен». 17Дээрги-Чаяакчы Моисейге мынча деп чугаалаан: 18«Ааронга болгаш ооң оолдарынга база бүгү израиль чонга мону чугаала. Үндезин израиль кижи азы израиль чоннуң аразынга чурттай берген даштыкы кижи кандыг-бир даңгыраан күүсеткеш азы эки туразы-биле өргүл салгаш, оозун Дээрги-Чаяакчыга бүрүн өрттедир өргүл кылдыр эккеп салып турар дижик. 19Дээрги-Чаяакчыга таарымчалыг болзун дээш, ол өргүлүңер четпес-дудуу эвес, эр хиндиктиг бода мал азы хой-өшкү болзун. 20Четпес-дудуулуг кандыг-даа малды эккеп өргүвеңер, чүге дээрге ооңарны Дээрги-Чаяакчы хүлээп албас i. 21Бир эвес бир-ле кижи онза даңгыраан күүседип азы эки туразы-биле өргүл салып, Дээрги-Чаяакчыга эп-найырал өргүлүн эккеп салып турар болза, ол өргүл четпес-дудуу эвес бода азы шээр мал болур ужурлуг: ынчан ону Дээрги-Чаяакчы хүлээп алыр; ол малга кандыг-даа четпес-дудуу чүве турбас ужурлуг. 22Согур азы аскак-дүскек; кезип каан черлиг азы берттинген; кодурлуг, оюлганныг азы божаалыг малды Дээрги-Чаяакчыга эккеп салбаңар, Дээрги-Чаяакчының өргүл бедигээжинге өргүл кылдыр салбаңар. 23Хөлүн эрттир узун азы чолдак хол-буттуг бода азы шээр малды эки тураның өргүлү кылдыр салып болур, а даңгырак күүседип, өргүлге салыр болза, таарымчалыг эвес болур. 24Чуургаларын бырыштыр азы чуура базып, үзе тыртып азы кезип каан малды Дээрги-Чаяакчыга эккеп салбаңар, бодуңарның чер-чуртуңарга ынчаар кылбаңар ▼▼ Бо домактың болгу дег өске утказы мындыг: «Бодуңарның чер-чуртуңарга малыңарны чазаваңар».
. 25Өске чер чурттуг улустуң холундан шак ындыг малды Бурганыңарга өргүл кылдыр эккеп салбаңар: олар кемдээшкинниг-дир, четпес-дудуу-дур, ынчангаш Дээрги-Чаяакчыга таарымчалыг болбас-тыр». 26Дээрги-Чаяакчы Моисейге мынча деп чугаалаан: 27«Бызаа, хураган азы анай төрүттүнер болза, чаш дириг амытан чеди хүн дургузунда иези-биле кады турзун, а сески хүнден ыңай Дээрги-Чаяакчыга өргүл кылдыр салырынга таарымчалыг болу бээр k. 28Ынчалза-даа инек болгаш шээр малдың төлүн төрээн иези-биле кады чаңгыс хүнде дөгербеңер l. 29Дээрги-Чаяакчыга салыр өөрүп четтириишкин өргүлүн дөгерип турар болзуңарза m, Дээрги-Чаяакчы ону силерден хүлээп алыр кылдыр өргүңер: 30өргүл малын даартагы хүнге чедир арттырбайн, ол-ла хүнде чиир херек n. Мен – Дээрги-Чаяакчы-дыр мен! 31Мээң айтыышкыннарымны сагыңар база күүседиңер. Мен – Дээрги-Чаяакчы-дыр мен! 32Израиль чоннуң аразынга Мени ыдыктай көрзүн дээш, Мээң ыдыктыг адымны бужартатпаңар. Мен – силерни ыдыктап турар Дээрги-Чаяакчы-дыр мен! 33Мен силерни египет черден Бурганыңар болур дээш үндүрүп эккелдим. Мен – Дээрги-Чаяакчы-дыр мен! o»
Copyright information for
TyvTUV