Leviticus 24
Алдын колду болгаш ыдыктаан хлебтер
1Дээрги-Чаяакчы Моисейге мынча деп чугаалаан: 2«Ыдыктыг черде турар чырыткы a үргүлчү кыпсын дээш, чырыдарда ажыглаар, оливадан сы бастырган, эң арыг үстү сеңээ эккээрин израиль чонга дужаа b. 3Аарон чырыткыны Ужуражылга майгынында ыдыктыг аптараның мурнунда турар көжегениң даштынга, Дээрги-Чаяакчының мурнунга кежээден эртенге чедир үргүлчү тургузар ужурлуг: силерниң салгалдарыңарга кезээ мөңгеде доктаадып каан дүрүм ол-дур. 4Аарон чырыткыларны Дээрги-Чаяакчының мурнунга арыг алдындан кылган колдуга ▼▼ Азы: «Арыг колду», «арыг ширээ».
үргүлчү кыпсыр ужурлуг. 5Эң шынарлыг далганны алгаш, он ийи хлебтен быжырып ал: хлеб бүрүзүн быжырарынга бир эфаның оннуң ийи кезээ далган үнер ужурлуг. 6Оларны Дээрги-Чаяакчының мурнунда арыг алдындан кылган ширээге*, бир одуругга алды хлеб чыдар кылдыр, ийи одуруглай салып каг d. 7Одуруг бүрүзүнге кончуг эки ладанны салып каг. Ол ладанны хлебтер орнунга, өргүлдүң сагындырыг болур кезээ дег кылдыр өрттетсин. 8Ээлчеглиг амыр-дыш хүнү кээрге-ле, ол хлебтерни Дээрги-Чаяакчының мурнунга үргүлчү салып турар херек: израиль чоннуң мөңге хүлээлгези ол-дур. 9Шак ол хлеб Ааронга болгаш ооң оолдарынга хамааржыр, олар ону ыдыктыг черге чиир ужурлуг e, чүге дээрге Дээрги-Чаяакчыга салган өргүлдерден оларга аажок ыдыктыг өргүл ол-дур: оларның үргүлчү алыр үлүү ол-дур». Бурганны болгаш өске улусту хүндүлээри
10Бир израиль херээженниң египет ачалыг оглу турган. Ол кижи израиль чоннуң аразынга тургаш, чоннуң турлаанга израиль кижи-биле алгыш-кырыш үндүрген. 11Израиль херээженниң оглу Дээрги-Чаяакчының адын бак сөглеп, каргаптарга, ону Моисейге эккелген. (Ооң авазы Данның төрел бөлүүнден үнген Даври дээр кижиниң уруу Саломит чүве-дир.) 12Ол оолду Дээрги-Чаяакчының күзел-соруу улуска ажыттынгыжеге чедир хоругдап кааннар f. 13Дээрги-Чаяакчы Моисейге мынча деп чугаалаан: 14«Мени бак сөглеп, каргап турган кижини чоннуң турлааның даштынче үндүре бер, ооң каргыжын дыңнап турган хамык улус холдарын ооң бажынче салзын база чыглып келген бүгү улус ону даштар-биле соп каапсын g. 15Израиль чонга мону чугаала. Бодунуң Бурганын бак сөглеп, каргаар кижи бүрүзү бачыдын боду чүктээр h. 16Дээрги-Чаяакчының адын бак сөглеп, каргаар кижини өлүрүп каар херек, бүгү чон ону даштар-биле соп каапсын: Израильдиң үндезин чурттакчызы-даа кижини, өскээртен келген-даа кижини, Дээрги-Чаяакчының адын бак сөглеп, каргаар-ла болза, өлүрүп каар херек i. 17Бир кижи өске кижини өлүрер болза, ооң бодун өлүрүп каар херек j. 18А өске кижиниң малын өлүрген кижи ол малдың орнун дириг мал-биле тургузуп, төлээр ужурлуг k. 19Өске кижиге кемдээшкин чедирер кижи турар болза, ооң кылганы дег чүвени аңаа база кылзын l. 20Сыйык сөөк дээш – сыйык сөөк, карак дээш – карак, диш дээш – диш: ооң өске кижиге чедиргени дег кемдээшкинни аңаа база чедирер ужурлуг. 21Мал өлүрген кижи ооң орнун тургузуп, төлээр ужурлуг, а кижи өлүрген кижини өлүрүп каар херек. 22Силерге чаңгыс дүрүм-хоойлу турзун: ол үндезин чурттакчы-даа кижиге, өскээртен келген-даа кижиге дөмей болзун m. Мен – Дээрги-Чаяакчы Бурганыңар-дыр мен!» 23Моисей ол бүгүнү израиль чонга дамчыдып чугаалаарга, олар Дээрги-Чаяакчыны каргап турган кижини чоннуң турлааның даштынче үндүре бергеш, даштар-биле соп каапканнар. Олар Дээрги-Чаяакчының Моисейге берген айтыышкынын ынчалдыр күүсеткеннер.
Copyright information for
TyvTUV