Lev 6:14-18 | TyvTUV | STEP | «Далган-тараа өргүлүнүң дугайында дүрүм-хоойлу бо-дур . Аароннуң оолдары ону Дээрги-Чаяакчыга өргүл салыр бедигээштиң баарынга эккеп салыр ужурлуг.

‏ Leviticus 6:14-18

Далган-тараа өргүлүнүң дугайында тодаргайлаан дүрүм-хоойлу

14 «Далган-тараа өргүлүнүң дугайында дүрүм-хоойлу бо-дур ^a. Аароннуң оолдары ону Дээрги-Чаяакчыга өргүл салыр бедигээштиң баарынга эккеп салыр ужурлуг. 15 Бурганның бараалгакчызы далган-тараа өргүлүнден олива үзү холаан далганны болгаш өргүлде бар бүгү-ле ладанны адыжын долдур ап алгаш, өргүлдүң сагындырыг болур шак бо кезээн Дээрги-Чаяакчыга таарымчалыг чаагай чыт кылдыр өргүл бедигээжинге өрттетсин. 16 Далган-тараа өргүлүнүң арткан кезээн Аарон болгаш ооң оолдары чизин; ону ажыткы-биле хөөтпейн быжыргаш, ыдыктыг черге, Ужуражылга майгынының хериминиң иштинге чиир ужурлуг. 17 Далган-тараа өргүлүн ажыткы-биле хөөтпейн быжырар херек ^b; Мээң оларга отка өрттедир өргүлдерден аңгылап берген кезээм ол-дур. Бачыт дээш өргүл азы кем-буруу дээш өргүл ышкаш, аажок ыдыктыг өргүл ол-дур. 18 Аароннуң салгалында эр хиндиктиг кижи бүрүзү ону чип болур. Дээрги-Чаяакчыга салган отка өрттедир өргүлдерден ону силерниң бүгү салгалдарыңарга үргүлчү алыр үлүүңер кылдыр доктаадып каан. Аңаа дегген шупту улус ^c ыдыктыг болу бээр ^{▼▼ Азы: «Чүгле ыдыктыг болу берген улус аңаа дээп болур».}».