Leviticus 6:8-13
Бүрүн өрттедир өргүл дугайында тодаргайлаан дүрүм-хоойлу
8Дээрги-Чаяакчы Моисейге мынча деп чугаалаан: 9«Ааронга болгаш ооң оолдарынга айтыышкынымны дамчыт: бүрүн өрттедир өргүл кылырының дүрүм-хоойлузу мындыг дээрзин чугаала a. Бүрүн өрттедир өргүл ону өрттеткен бедигээшке дүннү өттүр, эртенге чедир чытсын база өргүл бедигээжиниң оду өшпейн кыпсын. 10Бурганның бараалгакчызы бодунуң иштики чүвүрлерин болгаш даштыкы хевин кедип алзын b база бедигээште салгаш, кывыскан бүрүн өрттедир өргүлдүң хүлүн узуп, дүжүргеш, өргүл бедигээжиниң чанынга салып кагзын. 11Оон кеткен хевин ужулгаш, өске хепти кеткеш, хүлдү чоннуң турлааның даштында арыг черже үндүргеш, төпсүн c. 12Өргүл салыр бедигээште от черле өшпейн, үзүктел чок кыпсын, а Бурганның бараалгакчызы эртенниң-не бедигээште отка ыяштар салып, кывыссын d база бүрүн өрттедир өргүлдү аңаа чада салзын, оон эп-найырал өргүлүнүң чаан өрттетсин. 13Өргүл салыр бедигээште от черле өшпейн, үргүлчү кыпсын».
Copyright information for
TyvTUV