Luke 17:26-30
26Нойнуң үезинде ынчаар болуп турганы дег a, Кижи амытан Оглунуң чедип кээр хүннеринде база-ла ындыг болур. 27Бажың-хемезинче b Нойнуң кире бергени хүнге чедир улус-чон ижип-чип, кадай ап база ашакка барып келген болгай. Оон суг халавы хөме алгаш, оларның шуптузун чок кылып каан ийик чоп c. 28Лоттуң үезинде база-ла шак ындыг болган. Кижилер ижип-чип, садыглап-даа, боттары-даа садыг кылып, тарып-олуртуп база тудуг кылып турганнар. 29Ынчалза-даа Лоттуң Содом хоорайны каггаш үнүпкен хүнүнде дээрден оттуг күгүрден бүткен чаъс чаггаш, оларның шуптузун чок кылып каан ийик чоп d. 30Кижи амытан Оглу чедип кээрге, база шак ындыг болур.
Copyright information for
TyvTUV