Luke 23:44-49
Иисустуң өлүмү
(Мф. 27:45-56; Мк. 15:33-41; Ин. 19:28-30)
44Хүн үнгенден бээр алдыгы шактан тоску шакка чедир чер кырын дүмбей караңгы шыва апкан a. 45Хүн караа көзүлбестей берген, Бурганның өргээзиниң иштинде аскан көжеге b ийи чара орлуп калган. 46Иисус: «Ачай! Амы-тынымны Сээң холуңга хүлээдип тур мен» c – дыңзыг үн-биле алгырыпкан. Ону чугаалааш, амы-тыны үстү берген. 47Чүс шериг баштыңчызы бүгү болган чүүлдү көргеш, Бурганны алдаржыткаш: «Бо кижи ылап-ла актыг, чөптүг-шынныг турган-дыр!» – дээн. 48Аңаа чыглып келген бүгү улус база болган чүүлдү көргеш, качыгдал илередип хөректерин шанчып d, тарап чанып эгелээн. 49А Иисусту билир чораан шупту улус база Галилеядан бээр Ону эдерип келген херээженнер ырадыр туруп алгаш e, ол бүгүнү хайгаарап турганнар.
Copyright information for
TyvTUV