Luk 5:12-16 | TyvTUV | STEP | Бир-ле катап Иисус бир хоорайга турда, кежи аарыг кижи чедип келген . Ол Иисусту көрүп кааш, Ооң мурнунга доңгая кээп дүшкеш, мынча деп дилеп эгелээн: «Дээрги! Күзээр-ле болзуңарза , мени арыглап каап шыдаар силер».

‏ Luke 5:12-16

Кежи аарыг кижини экирткени

(Мф. 8:1-4; Мк. 1:40-45)

12 Бир-ле катап Иисус бир хоорайга турда, кежи аарыг кижи чедип келген ^a. Ол Иисусту көрүп кааш, Ооң мурнунга доңгая кээп дүшкеш, мынча деп дилеп эгелээн: «Дээрги! Күзээр-ле болзуңарза ^b, мени арыглап каап шыдаар силер».

13 Иисус холун сунгаш, аарыг кижиге дээскеш: «Күзеп тур мен, арыгланы бер!» – дээн. Ол дораан кеш аарыы ол кижиден сойлуп калган. 14 Иисус аңаа мындыг айтыышкын берген: «Бо дугайында кымга-даа чугаалава ^c, харын моон чоруткаш, Бурганның бараалгакчызынга көстүп каг, оон Моисейниң хоойлузунда айытканын ёзугаар, арыгланганың дээш Бурганга өргүлден кыл ^d. Сен ол өргүлүң-биле экирээниңни улуска херечилеп көргүскен боор сен».

15 Ынчалза-даа Иисустуң дугайында дамчыыр чугаа улам нептереп, Ону дыңнаар дээн база аарыг-аржыын экиртир дээн улус Олче мөөңү-биле чыглып кээп-ле турган. 16 А Иисус озалааш, ээн черлерже удаа-дараа чоруп, мөргүп ап турган ^e.