Luke 5:27-32
Иисустуң Матфей Левийни кый дээни
(Мф. 9:9-17; Мк. 2:13-22)
27Ооң соонда Иисус дашкаар үнүп келген. Ол үндүрүг хавырар черинге бодунуң ажылын кылып олурган Левий дээр кижини көрүп кааш, аңаа: «Мени эдерип чорувут» – дээн. 28Левий туруп келгеш, хамык чүвезин каапкаш, Иисусту эдерип чорупкан. 29Оон Левий бодунуң бажыңынга Иисусту хүндүлеп, улуг дой кылган a. Дойга дыка хөй үндүрүг хавырыкчылары база өске-даа улус чыглып кээп, олар-биле кады чемненгеннер. 30Ном-хоойлу тайылбырлакчылары болгаш фарисейлер Иисустуң өөреникчилеринге мынча деп хыйланып турганнар: «Силер чүге үндүрүг хавырыкчылары болгаш бачыттыг кижилер-биле кады ижип-чип турарыңар ол?» b 31Иисус ону дыңнааш, мындыг харыы берген: «Эмчи кадык эвес, а аарыг улуска херек болгай. 32Мен „Актыг, бачыт чок бис“дээр улусту эвес c, а бачыттыг улусту бачыттарын миннип, Бурганче эглиринче кыйгырар дээш келген мен! d»
Copyright information for
TyvTUV