pЫд. ыр. 23:10
qЫд. ыр. 46:2-3; 75:12
Malachi 1
1Өттүр билген медеглел. Дээрги-Чаяакчының израиль чонга Малахияны дамчыштыр ажыткан сөзү.Бурганның Израильге онза ынаа
2Дээрги-Чаяакчы: «Мен силерге ынак мен» – деп чугаалады a. А силер: «Сээң биске ынакшылың чүден көстүп турарыл?» – дээр-дир силер. «Иаков биле Исав ийистер эвес чүве бе? – деп, Дээрги-Чаяакчы харыылады. – Ындыг-даа болза, Иаковка ынак мен, 3а Исавка хөңнүм чок b. Мен Исавтың даглыг чуртун ▼▼ Исавтың даглыг чурту – Эдом.
хоозурадып кагдым, ооң ээлээн черин ээн кургаг хову кылдыр хуулдуруп, шөө-бөрүлерге бериптим d». 4Эдом чурттуглар: «Бис чылча шаптыртывыс, ынчалза-даа хоозураан чуртувусту катап тургузуп аар бис» – деп тургай аан. А Аг-шериглиг Дээрги-Чаяакчы: «Олар катап тудуп аар-даа болза, Мен үрегдеп каар мен e. Оларның чуртун бузуттуг чер деп адаар, а боттарын Дээрги-Чаяакчының кезээ шагда килеңнээни чон деп адаар. 5Силер боттарыңар ону көрүп кааш: „Дээрги-Чаяакчы Израильдиң кызыгаарларындан дашкаар-даа өндүр бедик!“ ▼▼ Азы: «Израиль черниң кырында турар Дээрги-Чаяакчы өндүр бедик!»
– деп чугаалаар силер» – диди. Бурганга төлеп чок өргүлдер
6«Оглу адазын, а чалча кижи – дээргизин хүндүлээр. Бир эвес Мен Адаңар болзумза g, Меңээ хүндүткелиңер кайыл? Бир эвес Мен Дээргиңер болзумза, чүге Мени хүндүлевес силер?» Бурганның адын баксырадып чоруур бараалгакчылар h, Аг-шериглиг Дээрги-Чаяакчының силерге чугаалаан чүвези ол-дур. А силер: «Сээң адыңны канчаар баксыраттывыс?» – деп тур силер. 7«Силер Мээң өргүл салыр бедигээжимче бужартадып каан аъш-чем i эккеп салыр-дыр силер». А силер: «Бис Сени чүнүң-биле бужартадып кагдывыс?» – деп тур силер. «Дээрги-Чаяакчыга өргүл салыр бедигээшти херекке албайн барып болур деп санаар-дыр силер. 8Өргүл кылыры-биле согур малдар эккээр-дир силер, ол кем-буруу эвес бе?! Аскак-бүскек, аарыг мал эккээр-дир силер, ол кем-буруу эвес бе?! j Ындыг малды чагырыкчыга аппарып бээрин шенеп көр даан! Ол таарзынар деп бе, сенче ээ көрнүр деп бе?» Аг-шериглиг Дээрги-Чаяакчының чугаалаан чүвези ол-дур. 9«„Бурган чонувусту өршээр кылдыр, Аңаа чаннып, мөргүңер че“– деп турар-дыр силер. Ынчалза-даа силерниң холуңардан ындыг өргүлдер кээп турда, Ол силерже ээ көрнүр деп бе?» Аг-шериглиг Дээрги-Чаяакчының чугаалаан чүвези ол-дур. 10«Силерниң кайы-бирээңер Бурганның өргээзиниң хаалгазын хаап каан болза эки боор. Ынчан Меңээ өргүл салыр бедигээшке хей черге от кывыскан херээ чок боор ийик. Силер Мээң сеткилимге кирбес-тир силер – деп, Аг-шериглиг Дээрги-Чаяакчы чугаалаан. – Мен силерниң холуңар салган өргүлге таарзынмас мен k. 11Мээң адым хүн үнер чүктен хүн ажар чүкке чедир өске чоннар аразынга өндүр бедик l. Каяа-даа Мээң адымга тураскааткан чаагай чыттыг чүүлдер кыпсыр, арыг өргүлдер кылыр, чүге дээрге Мээң адым ол чоннар аразынга өндүр бедик m». Аг-шериглиг Дээрги-Чаяакчының чугаалаан чүвези ол-дур. 12«А силер Мээң адымны баксырадып: „Дээргиге өргүл салыр бедигээш чаржынчыг-дыр“– деп турар-дыр силер, аңаа салган аъш-чемни херекке албайн барып болур деп санаар-дыр силер. 13Силер: „Кандыг кончуг берге үүле боор!“– дээш, Мени херекке албас-тыр силер – деп, Аг-шериглиг Дээрги-Чаяакчы чугаалаан. – Оорлап алган ▼▼ Азы: «Чазарлаттырган».
, аскак азы аарыг малды өргүл кылдыр эккеп салырыңарга, ындыг өргүлдү Мен силерниң холуңардан хүлээп аар мен бе? – деп, Дээрги-Чаяакчы чугаалаан. – 14Коданында эки эр малдыг, оозун Дээргиге өргүүр бооп даңгыраглапкан, а оон өргүл кылдыр четпес-дудуу мал эккеп салган кара сагыштыг кижи каргаттырар! o Мен – өндүр улуг Хаан болгай мен p, бүгү чоннар аразында Мээң адым ханы хүндүткелдиг q». Аг-шериглиг Дээрги-Чаяакчының чугаалаан чүвези ол-дур.
Copyright information for
TyvTUV