aМф. 3:12; Евр. 6:8
bИса. 47:14
cЫд. ыр. 83:12; Лк. 1:78
dХост. 20:3-17; Ы. х. к. 4:10
eМал. 3:1; Мф. 11:14; 17:10; Мк. 9:11; Ин. 1:21
fЛк. 1:17

‏ Malachi 4

1«Көрүңер, суугу ышкаш кызыдыр изидер үе кел чыдар-дыр. Бүгү бардам, бузуттуг улус кадып калган ыяш дег апаар, ол үеде оларны өрттедиптер a – деп, Аг-шериглиг Дээрги-Чаяакчы чугаалаан, – олардан будуктар-даа, дазыл-даа артпас b. 2Ынчалза-даа силерге – Мээң адымны ханы хүндүлээр улуска – чөптүг чорукту эккээр хүн үнүп кээр, ооң херелдери экиртир эмнээр c. Ынчан силер, челеден чежип салган бызаалар дег, дешкилеп ыңай болур силер, 3бузуттуг улусту таптаар силер. Мээң хөделип эгелээр үемде олар силерниң будуңар адаанга бок-доозун дег апаар». Аг-шериглиг Дээрги-Чаяакчының чугаалаан чүвези ол-дур.

Түңнел сөс

4«Мээң чалчам Моисейниң хоойлузун – Хорив дагга аңаа бүгү израиль чонга хамаарыштыр бергеним хоойлу-дүрүмнерни утпайн сактып чоруңар d. 5Дээрги-Чаяакчының өндүр улуг, коргунчуг шииткел хүнү чедип кээр бетинде, Мен силерже Илия медээчини чорудуптар мен e. 6Ол адаларның чүректерин ажы-төлүнче, а ажы-төлдүң чүректерин – адаларынче ээлдирер f. Оон башка Мен келгеш, чер-чуртту бүрүнү-биле узуткап каар мен».
Copyright information for TyvTUV