Matthew 18:1-5
Дээрниң Чагыргазында кым эң чугулал?
(Мк. 9:33-37, 42-48; Лк. 9:46-48; 17:1-2)
1Ол өйде Иисуска өөреникчилери чедип келгеш: «Дээрниң Чагыргазында кым эң чугулал?» – деп айтырыг салганнар. 2Иисус бир чаш уруг кый деп алгаш, ону оларның аразынга тургускаш, 3мынча дээн: «Силерге алыс шынны чугаалап тур мен: амгы байдалыңардан өскерли бербес болзуңарза база бичии уруглар дег апарбас болзуңарза a, Дээрниң Чагыргазынче кирбес силер b. 4Ынчангаш бодун томаарткаш, чаш уруг дег апарган кижи Дээрниң Чагыргазынга эң чугула кижи боор. 5Мындыг чаш уругну Мээң адымны бодааш, хүлээп ап турар кижи Мени база хүлээп ап турар c.
Copyright information for
TyvTUV