Mat 22:41-46 | TyvTUV | STEP | Ону долгандыр чыглып келген фарисейлерден Иисус айтырыг салган:

‏ Matthew 22:41-46

41 Ону долгандыр чыглып келген фарисейлерден Иисус айтырыг салган: 42 «Бурганның шилип алган Христозун чүү деп бодаар силер: Ол кымның Оглул?»

Олар Аңаа: «Давидтиң Оглу-дур» – деп харыылааннар ^a.

43 Иисус оларга мынча дээн: «Ынчаарга Давид Бурганның Сүлдезинге башкарткаш, чүге Ону Дээргим деп адааныл:

44 „Дээрги-Чаяакчы мээң Дээргимге мынча дээн:
‘Дайзыннарыңны буттарың адаанга эккеп салбаан шаамда,
Мээң оң таламга олур’“ ^b.

45 Бир-тээ Давид Ону Дээргим деп турар болганда, Христос канчап Давидтиң Оглу боорул?»

46 Кым-даа Аңаа удур чаңгыс сөс-даа эдип шыдаваан. Ол хүнден эгелээш, кым-даа Аңаа кандыг-бир айтырыг салып дидинмээн ^c.