Matthew 8
Кежи аарыг кижини экирткени
(Мк. 1:40-45; Лк. 5:12-16)
1Иисус дагдан бадып кээрге, эңдерик хөй чон Ону эдерип чорупкан. 2Аңаа кежи аарыг кижи чедип келгеш a, Ооң мурнунга дис кырынга олура дүшкеш: «Дээрги! Күзээр-ле болзуңарза b, мени арыглап каап шыдаар силер» – дээн. 3Иисус холун сунуп, ол кижиге дээскеш, мынча дээн: «Күзеп тур мен, арыгланы бер!» Кеш аарыы дораан-на ол кижиден сойлу берген. 4Иисус ынчан аңаа мынча дээн: «Дыңна, бо дугайында кымга-даа чугаалава c. Бурганның бараалгакчызынга барып көстүп каг. Ооң соонда Моисейниң хоойлузунда айытканын ёзугаар Бурганга өргүлден кыл d. Сен ол өргүлүң-биле экирээниңни улуска херечилеп көргүскен боор сен».Рим чүс шериг баштыңының чалчазын экирткени
(Лк. 7:1-10)
5Иисус Капернаумга чедип кээрге, чүс шериг баштыңы Аңаа чоокшулап келгеш, дуза дилээн. 6Ол мынча дээн: «Дээрги, мээң бир чалчам бажыңымда чартыктааш, аажок хинчектенип чыдыр». 7Иисус аңаа: «Мен ам баргаш, ону экиртип каар мен» – деп харыылаан. 8Чүс шериг баштыңы мынча дээн: «Дээрги, бажыңымның эргинин Силерге артадырынга төлеп чок кижи-дир мен. Чүгле дужаап көрүңер: мээң чалчам ынчан экирий бээр e. 9Мен бодум чагырга адаанда кижи-дир мен, бодумнуң чагырган шериглерим база бар. Оларның бирээзинге „Бар“дээримге, бар чыдар; өскезинге „Бээр кел“дээримге, чедип кээр; чалчамга „Мону кыл“дээримге, кылып каар болгай». 10Иисус ындыг чугаа дыңнааш, кайгай берип, Ону эдерип чораан улуска мынча дээн: «Израиль чондан кымда-даа мындыг улуг бүзүрел барын көрбээнимни чугаалавас аргам чок-тур! f 11Алыс шынны силерге чугаалап тур мен: чөөн база барыын чүкте чурттардан келген хөй улус Дээрниң Чагыргазынга Авраам, Исаак болгаш Иаков олар-биле кады дойлаар олуттарны ээлептер g. 12А Дээрниң Чагыргазын салгаар ужурлуг турган улус дүмбей караңгыже үндүр сывыртадып аар. Аңаа чүгле ыы-сыы болгаш диштер кыжыраажы дыңналыр h». 13Иисус оон чүс шериг баштыңынга: «Чана бер. Бүгү чүве сээң бүзүрелиң ёзугаар болур» – дээн i. Чүс шериг баштыңының чалчазы ол дораан экирий берген j.Иисустуң хөй улусту экирткени
(Мк. 1:29-34; Лк. 4:38-41)
14Иисус Пётрнуң бажыңынга келгеш, ооң кат-иези k халыын аарыгдан изип-хып чыдарын көрүп каан. 15Ол чыткан херээженниң холунга дээптерге l, эъдиниң изии дораан чавырлы берген. Экирээн кижи туруп келгеш, Иисуска бараан болуп эгелээн. 16Кежээ дүшкенде, Аңаа хөй букшуураан улус эккелгеннер. Ол Бодунуң сөзү-биле буктарны үндүр сывыртааш, хамык аарыг улусту экиртип каан. 17Исайя медээчини дамчыштыр: «Ол бистиң човалаңывысты Боду чүктеп, бистиң аарыгларывысты ап алды» m – деп медеглеттинген сөстер ынчаар боттанганы ол.Иисусту эдерери берге
(Лк. 9:57-62)
18Ону долгандыр турар мөөң чонну көрүп кааш, Иисус өөреникчилеринге хөлдүң ол чарыынче эжиндирип кеже бээрин дужааган n. 19Аңаа бир ном-хоойлу тайылбырлакчызы чедип келгеш: «Башкы, кайнаар-даа баар болзуңарза, Силерни эдерер мен» – дээн. 20Иисус: «Дилгилер үңгүрлүг болур, дээрниң куштары уялыг болур, а Кижи амытан Оглунга кум кыннып аар чер безин тывылбас-тыр» – деп харыылаан. 21Ооң өске өөреникчизи Аңаа: «Дээрги! Баштай ачамны барып хөөржүдүп каарын чөпшээреңер» – дээн. 22А Иисус аңаа мынча деп харыылаан: «Мени эдер! Өлүглер боттарының өлүг кижилерин хөөржүдүп тургай аан».Иисустуң шуурганны томаартканы
(Мк. 4:35-41; Лк. 8:22-25)
23Иисус хемеже олуруптарга, өөреникчилери Ону эдерип олурупкан. 24Хенертен хөлге күштүг шуурган эгелеп, чалгыглар хемени хөме шаап эгелээн. А Иисус удуп чыткан. 25Өөреникчилери Ооң чанынга келгеш, Ону оттурупкаш: «Дээрги! Бисти камгалаңар, дүжүп өлдүвүс-ле!» – деп алгыржы бергеннер. 26Иисус оларга мынча дээн: «Биче бүзүрелдиглер o, чүге ындыг кортук силер?» Ол оон туруп келгеш, хат биле сугну томаарыыр кылдыр чагырарга, шуут-ла ыржым-шыпшың апарган p. 27Улус кайгаанындан аайын тыппайн турган: «Хат биле суг безин Аңаа чагыртып турар, бо чүү адам Кижил?»Букшуураан ийи кижини экирткени
(Мк. 5:1-20; Лк. 8:26-39)
28Иисус хөлдүң ол чарыында Гадара ▼▼ Өске бурунгу сөзүглелдерде «Гадара» эвес, а «Гераса» азы «Гергеса» деп бижээн.
черинче кежип кээрге, чевег-куйлардан Аңаа уткуй букшуураан ийи кижи үнүп келген. Олар аажок айыылдыг боорга, кым-даа ол оруктап чоруурундан сестир турган. 29«Бурганның Оглу, Силерге бистен чүү херегил? – деп, олар алгыржып үнген r. – Силер бисти доктааткан хуусаа бетинде хинчектээр дээш бээр келдиңер бе?» 30Олардан ыракта бир кодан хаван одарлап чораан. 31Буктар Иисустан дилеп, ээрежип эгелээннер: «Бисти бо улустан үндүр сывырар болзуңарза, кодан хаванче чорудуп көрүңер!» 32Иисус оларга: «Барыңар!» – дээн. Буктар улустан үнгеш, хаваннарже кире бергеннер. Ол дораан кодан хаван чүмү-биле кадыр элден хөлче шурай бергеш, дүжүп өлүп калган. 33Хаван кадарчылары дезип ыңай болган. Олар хоорайга баргаш, болган бүгү чүүлдү, букшуурааннар-биле чүү болганын база, чугаалап четкеннер. 34Хоорайжылар ынчан дөгерези Иисуска уткуй үнүп келгеннер. Ону көрүп кааш, оларның чурттаан черинден чоруй баарын Оон дилеп эгелээннер s.
Copyright information for
TyvTUV