Micah 2
Кызагдакчылар ат болур
1Орун-дөжээнге чыткаш a, кемниг херек, бузут үүлгедир бодалдыг улус ат болур! Олар – даң адып кээрге, ук бодалдарын күүседиптер күш-шыдалдыг улус-тур.2Ол улус шөлдер күзээр болза, хунаап аар-дыр,
бажыңнар күзээр болза, былаап аар-дыр.
Бажыңнарга чурттап олурган улусту олар кызагдап,
бажың ээзин-даа, ооң өг-бүлезин-даа үптеп-тонап,
оларның ээлел черин бодунга ап аар-дыр b.
3Ынчангаш Дээрги-Чаяакчы ол чонга удур мынча дээн:
«Мээң бодалдарым база бар:
Мен силерже адырлып шыдавазыңар айыыл-халапты ыдар деп тур мен.
Моон соңгаар адыыргап базып турар харыыңар чок апаар,
чүге дээрге айыыл-халап үези келген-дир.
4Ол хүн улус силерниң дугайыңарда качыгдал ырлары чогаадыр,
ажыыңар ажып ыглажыр: „Бис шуут-ла хоозурап калдывыс!
Чонувустуң хувааглыг черин Ол өскээр хемчээп, былаап алды.
Бистиң шөлдеривисти Бурганга шынчы эвес улуска үлеп берип тур“».
5Ынчангаш Дээрги-Чаяакчының чонунуң аразынга
кым-даа силерге хувааглыг чер үлеп бербес.
Чон чүгле меге медээчилерге ынак
6Улус: «Өттүр билип медеглевеңер! cОл дугайында өттүр билип медеглеп болбас.
Бистиң адывыс баксыравас!
7Дээрги-Чаяакчы ындыг килеңнээчел бе?
Ол ындыг чүвени кылып болур бе?» – деп чугаалап турар.
«О, Иаковтуң салгалы, ынча деп болур бе?
Мээң сөстерим чөптүг амыдырап чоруур кижиге ачылыг болбас бе?
8Ооң мурнунда Мээңии турган чон дайзын дег тура халаан ▼
▼ Бо домактың утказы эки билдинмес. Ооң болгу дег өске утказы мындыг: «Силер дүүн Мээң чонумга удур дайзын дег тура халыдыңар».
;айыыл дугайында каразывайн чаныңар-биле эртип турар тайбың улустуң хевин ушта тыртып,
былаап ап турар-дыр силер.
9Мээң чонумнуң херээженнерин эптиг бажыңнарындан үндүр сывыртап турар-дыр силер;
оларның ажы-төлүнден Мээң хайырлаан ачы-буянымны
кезээ шагда хунаап ап турар-дыр силер.
10Дораан чоруй барыңар – бо черге ам амыр-дыш турбас,
ону арыг эвези дээш буурадып каар e,
ол болза коргунчуг буураашкын боор.
11Бир эвес мегечи азы бузурукчу кижи келгеш:
„Мен силерге арага база өске-даа эзиртир суксун дугайында өттүр билип медеглээр мен“– дээн болза,
ол кижи бо чонга таарымчалыг медээчи боор турган болду бе».
Аазап каан камгалал
12«О, Иаковтуң салгалы, Мен силерни шуптуңарны ыяап чыып аар мен,Израильдиң артынчызын ыяап каттыштырып каар мен.
Кажаалаткан хойларны дег, одарга кодан хойну дег,
силерни каттыштырып, чыыр мен –
бо черни чыылган хөй кижиниң шимээни дола бээр.
13Силерниң мурнуңарга орук ажыдыкчызы чоруур;
силер хоорайның хаалгазын чаза таварып үне бээр силер.
Хааныңар силерниң мурнуңарга чоруур,
Дээрги-Чаяакчы силерни баштаар f».
Copyright information for
TyvTUV