Nahum 2
Ниневияның буураары
1Ниневия, узуткакчы сеңээ удур көдүрлүп тур. Шивээлериң камгала, орукту таңныылда,бодуңну быжыглап, бүгү күжүң чыып ал.
2Дээрги-Чаяакчы Иудеяның ат-алдарын,
Израильдиң алдар-адын эгиткени дег,
хоозурадыкчылар оларны ээнзиредип,
оларның виноград шөлдерин a узуткап каапкан-даа болза,
катап тургузар.
3Дайзынның дайынчыларының дозуг-камгалалдары кызыл өңнүг,
ооң бүгү шериглери хүрең-кызыл хептерлиг b.
Дайынчы тергелерни тулчуушкунга белеткээн хүнде
оларның демир кезектери чайынналган, аъттар девиржип чүткээн ▼
▼ Өске бурунгу сөзүглелде «Оларның хадылары сирилеп турар» деп бижээн.
.4Дайынчы тергелер хоорайның кудумчулары, шөлдеринде каңгырадыр халыткан.
Олар чалбыыш дег чайынналып турар,
чаңнык дег кызаңнажып турар.
5Оларның хааны шилиттинген дайынчыларны чыып аар,
а олар кел чыткаш-ла, тептиге бээр d.
Олар хоорай ханазынче далаш-биле халдап кээрге,
бүзээлелдиң чепсек-херекселдерин белеткеп каан болур.
6Хем чанында хаалганы дайзыннар ажыдыптар e,
хаанның ордузу буступ каар.
7Доктааткан чүүл бо-дур:
Ниневияның чонун үндүр сывыртап, тудуп алгаш баар.
Ооң кул херээженнери көге-бугалар ышкаш човууртап f,
баштарын шаштынар.
8Ниневия эрте шагдан бээр долу суглуг хөөлбек дег турган,
ол суг ам куругландыр үндүр агып-ла турар.
«Туруңар! Доктааңар!» дээрге-даа, эглип кээр кижи чок.
9Мөңгүнден үптеңер! Алдындан үптеңер!
Шыгжамырларда янзы-бүрү эртине-байлактың курлавыры төнчү чок.
10Ниневия үптеттирген, ээнзиреп база хоозурап калган g.
Кортканындан улустуң чүректери даамчырап,
дискектери сириңейнип, эъди аарып, арыннары агарып турар h.
11Арзылаңнар ижээни дег хоорай ам кайыл? i
Ол хоорайга эр-кыс арзылаңнар чоруп, төлдерин чемгерип турган,
оларның төлдерин аңаа кым-даа коргутпайн турган.
12Ниневия, сен болза төлдерин тоттурар дээш олчазын үзерлеп турган,
кыс эжинге чиш боой тудуп берген арзылаң дег-дир сен.
Олчазы-биле куйларын, чижи-биле – ижээнин долдуруп алган арзылаң дег-дир сен j.
13«Мен сеңээ удур мен! k – деп, Аг-шериглиг Дээрги-Чаяакчы медеглээн. –
Мен сээң дайынчы тергелериңни хуюкталдыр өрттедиптер мен,
хылыш сээң арзылаңчыгаштарыңны кыргып-хыдыыр.
Чер кырынга сеңээ олча арттырбас мен,
сээң элчиннериң үнү моон соңгаар дыңналбас l».
Copyright information for
TyvTUV