‏ Nehemiah 10

1Таңмалар салып, шынзыткан улус бо-дур ^a:

Гахалияның оглу ^b, тус чер чагырыкчызы Неемия ^c;

Седекия, 2Серайя, Азария, Иеремия, 3Пашхур, Амария, Малхия, 4Хаттуш ^d, Шевания, Маллух, 5Харим, Меремот, Авдий, 6Даниил, Гиннетон, Варух, 7Мешуллам, Авия, Миямин, 8Маазия, Вилгай болгаш Шемайя – Бурганның бараалгакчылары.

9 Левиттер: Азанияның оглу Иисус, Хенададтың оолдарының ^e бирээзи Биннуй, Кадмиил ^f 10база оларның акы-дуңмазы – Шевания, Годия, Клита, Фелайя, Ханан, 11Миха, Рехов, Хашавия, 12Заккур, Шеревия, Шевания, 13Годия, Бани, Венинуй.

14Чоннуң баштыңнары ^g: Парош, Пахат-Моав, Элам, Затту, Бани, 15Вунний, Азгад, Бевай, 16Адония, Бигвай, Адин, 17Атер, Эзекия, Азур, 18Годия, Хашум, Бецай, 19Хариф, Анатот, Невай, 20Магпиаш, Мешуллам, Хезир, 21Мешезавел, Садок, Иаддуй, 22Фелатия, Ханан, Анайя, 23Осия, Анания, Хашув, 24Галлохеш, Пилха, Шовек, 25Рехум, Хашавна, Маасея, 26Ахия, Ханан, Анан, 27Маллух, Харим, Баана.

28Арткан чон база – Бурганның бараалгакчылары, левиттер, хаалгачылар, ыраажылар, Бурганның өргээзиниң ажылчыннары, Бурганның хоойлузу дээш өске чоннардан аңгыланып келген ^h бүгү улус боттарының кадайлары база дыңнаан чүүлүн угаап шыдаптар ажы-төлү-биле кады – 29олар шупту боттарының ха-дуңмазынга, аразында алдар-хүндүлүг улуска каттыжып, Бурганның Бодунуң чалчазы Моисейни дамчыштыр берген хоойлузун ёзугаар чурттаар, бистиң Чагырыкчывыс Дээрги-Чаяакчының бүгү айтыышкын, дүрүм-хоойлуларын сагып, күүседир аазаашкынны берген. А күүсетпес болза, каргаттырар бооп даңгыраглааннар.

30Боттарывыстың кыстарывысты кожа чоннарның оолдарынга кадай кылдыр бербес бис, оларның кыстарын боттарывыстың оолдарывыс-биле өглевес бис ⁱ.

31Кожа чоннар амыр-дыш хүнүнде азы өске-бир ыдыктыг хүнде бараан-сараан азы тараа эккелгеш, садар болза, бис садып албас бис.

Чедиги чыл санында-ла черни болбаазыратпас бис база биске өрелиг улустуң бүгү өрелерин өршээр бис ^j.

32Бис Бурганывыстың өргээзиниң хереглелдеринге чылдың-на бир шекелдиң үштүң бири ▼

▼ Дөрт хире граммга деңнежир.

мөңгүннү бээр деп хүлээлгени боттарывыска ап тур бис ^l. 33Ол үндүрүгнү ыдыктаан хлебтер быжырарынга ^m, хүннүң салыр далган-тараа болгаш бүрүн өрттедир өргүлдер салырынга, амыр-дыш хүнүнде, Ай чаазында база өске-даа доктааттынган байырлалдарда салыр ыдыктыг өргүлдер кылырынга, Израильди арыглаар ужурлуг бачыт дээш өргүлдер салырынга, бистиң Бурганывыстың өргээзинге кылып турар бүгү ажылдар бүдүреринге ажыглаар.

34Бис, Бурганның бараалгакчылары, левиттер болгаш карачал чон, чылдың-на, доктааттынган үеде бистиң Бурганывыстың өргээзинче оттулар ыяшты ⁿ кайы төрел бөлүк эккээрин билип аары-биле төлге даштары октаар бис. Ол ыяшты ыдыктыг хоойлуда бижээнин ёзугаар Бурганывыс Дээрги-Чаяакчыга өргүл салыр бедигээшке өрттедир ужурлуг бис ^o.

35Бис чылдың-на Дээрги-Чаяакчының өргээзинче черивистиң баштайгы дүжүдүн база бүгү ыяштарның баштайгы чимизин эккеп салыр хүлээлге алган бис ^p.

36Ыдыктыг хоойлуда бижээнин ёзугаар бистиң Бурганывыстың өргээзинче, ында бараан болуп турар Бурганның бараалгакчыларынга дун оолдарывысты эккеп-даа, бода болгаш шээр малывыстың дун төлдерин хүлээдип-даа турар болган бис ^q.

37Бурганның өргээзиниң шыгжамыр-өрээлдеринче ^r, Бурганның бараалгакчыларынга баштай дээрбелээн далганны, баштайгы дүжүдүвүстен далган-тараа өргүлүн, бүгү ыяштарывыстың баштайгы чимизин, чаа арагавыс биле олива үзүвүстү эккээр бис ^s. Черивистиң дүжүдүнүң оннуң бир кезээн левиттерге эккеп бээр бис. Чер ажылы кылып турар бүгү хоорай-суурларывыска левиттер дүжүдүвүстүң оннуң бир кезээн чыып аар ужурлуг болгай ^t. 38Левиттер ол оннуң бир кезээн чыып турда, олар-биле кады Аарондан укталган Бурганның бараалгакчызы кады чоруур ужурлуг, а левиттер дүжүттүң оннуң бир кезээниң онгу кезээн ^u Бурганывыстың өргээзинче, шыгжамыр-өрээлдерже сөөртүп эккээр ужурлуг. 39Израильдиң чону, ооң иштинде левиттер база, шак ол өрээлдерже боттарының өргүл белектерин: далган-тараа, чаа арага болгаш олива үзүн эккээр ужурлуг, чүге дээрге Бурганның өргээзиниң ыдыктыг эт-херекселдери ол өрээлдерге кадагалаттынар ^v, бараан болуп турар Бурганның бараалгакчылары, хаалгачылар, ыраажылар база ол өрээлдерни ажыглаар ^w.

Бурганывыстың өргээзинче сагыш салыр бис! ^x»