‏ Nehemiah 11

Иерусалимниң чаа чурттакчылары

(1 Чыл. 9:1-22)

1Чоннуң баштыңнары Иерусалимге чурттай берген. Өске бүгү улус ыдыктыг хоорай Иерусалимге ^a кым чурттаар эвес дээш, төлге даштары октап турган ^b: он кижиниң бирээзи-ле аңаа чурттаары-биле чоруй баар, а арткан тос кижи боттарының хоорай-суурларынга артып каар турган. 2Иерусалимге чурттаар бооп, эки туразы-биле чөпшээрешкен бүгү улусту чон алгап-йөрээп каан.

3Иерусалимге чурттап турган чурттуң баштыңнары бо-дур. (Израильчилерниң хөй кезии, Бурганның бараалгакчылары, левиттер, Бурганның өргээзиниң ажылчыннары ^c болгаш Соломоннуң чалчаларының үре-салгалы ^d Иудеяның хоорайларынга – кижи бүрүзү бодунуң хувааглыг черинге, янзы-бүрү хоорай-суурларга чурттап турган. 4А Иуда биле Вениаминниң аймактарынга хамааржыр чамдык улус Иерусалимге чурттап турган.)

Иуданың аймаандан:
Озияның оглу Атайя (Озия – Захарияның оглу, Захария – Амарияның оглу, Амария – Шефатияның оглу, Шефатия – Малелеилдиң оглу, Малелеил – Фарестиң үре-салгалы ^e болур чүве-дир);
5Варухтуң оглу Маасея (Варух – Колхозейниң оглу, Колхозей – Хазайяның оглу, Хазайя – Адайяның оглу, Адайя – Иегоиаривтиң оглу, Иегоиарив – Захарияның оглу, Захария – Шеланың үре-салгалы ^f болур чүве-дир). 6Фарестиң Иерусалимге чурттап турган үре-салгалы болур 468 кижи шупту күштүг-шыырак улус чүве-дир.

7Вениаминниң аймаандан: Мешулламның оглу Саллу (Мешуллам – Иоедтиң оглу, Иоед – Федайяның оглу, Федайя – Колайяның оглу, Колайя – Маасеяның оглу, Маасея – Ифиилдиң оглу, Ифиил – Исайяның оглу болур чүве-дир), 8ооң соондан Габбай биле Саллай. Вениаминчилер шупту 928 кижи.
9Оларның даргазы Зихрийниң оглу Иоил турган, а Гассенуаның оглу Иуда кол хоорайның оралакчы даргазы турган.

10Бурганның бараалгакчыларындан: Иегоиаривтиң оглу Иедайя, Яхин, 11Хелкияның оглу Серайя (Хелкия – Мешулламның оглу, Мешуллам – Садоктуң оглу, Садок – Мерайоттуң оглу, Мерайот – Бурганның өргээзинде эргелекчи Ахитувтуң оглу болур чүве-дир) ^g, 12Бурганның өргээзинге бараан болуп турган оларның ха-дуңмазы – 822 кижи; Иерохамның оглу Адайя (Иерохам – Фелалияның оглу, Фелалия – Амцийниң оглу, Амций – Захарияның оглу, Захария – Пашхурнуң оглу, Пашхур – Малхияның оглу болур чүве-дир), 13ооң ха-дуңмазы, төрел салгалдар баштыңнары болур 242 кижи; Азариилдиң оглу Амашсай (Азариил – Ахзайның оглу, Ахзай – Мешиллемоттуң оглу, Мешиллемот – Иммерниң оглу болур чүве-дир),
14оларның ха-дуңмазы болур 128 кижи – күштүг-шыырак улус. Оларның даргазы Гагедолимниң оглу Завдиил турган.

15Левиттерден: Хашувтуң оглу Шемайя (Хашув – Азрикамның оглу, Азрикам – Хашавияның оглу, Хашавия – Вуннийниң оглу болур чүве-дир), 16Шавтай ^h биле Иегозавад ⁱ – левиттернин баштыңнары, Бурганның өргээзиниң даштыкы ажылдарын ^j харыылаар хүлээлгелиг кижилер, 17Миханың оглу Маттания (Миха – Завдийниң оглу, Завдий – Асафтың үре-салгалы ^k болур чүве-дир). Маттания мөргүл үезинде кол йөрээкчи кижи турган ^l. Бакбукия – ооң ха-дуңмазының аразында оралакчы болгаш Шаммуйнуң оглу Авда (Шаммуй – Галалдың оглу, Идифуннуң үре-салгалы ^m болур чүве-дир). 18Ыдыктыг хоорайга шупту 284 левит кижи турган.

19Хаалгачылар ⁿ: Аккув, Талмон болгаш оларның хаалга кадарып турган ха-дуңмазы – 172 кижи.
20Арткан израильчилер, Бурганның бараалгакчылары болгаш левиттер Иудеяның бүгү хоорай-суурларынга, кижи бүрүзү бодунуң хувааглыг черинге чурттап турган.
21Бурганның өргээзиниң ажылчыннары Офел тейге чурттап турган ^o. Оларның даргалары – Циха биле Гишфа олар чүве-дир.
22Иерусалимде левиттерниң удуртукчузу – Баниниң оглу Узий турган. (Бани – Хашавияның оглу, Хашавия – Маттанияның оглу, Маттания – Миханың оглу, Миха – Асафтың үре-салгалы болур чүве-дир.) Асафтың үре-салгалы ^p Бурганның өргээзинге бараан болуушкун дээш харыылаар ыраажылар болур турган. 23Ыраажыларга хамаарыштыр хаанның чарлыын үндүрүп, оларның хүн санындагы хүлээлгелерин ында айтып каан чүве-дир.
24Мешезавелдиң оглу Петахия (Мешезавел Иуданың аймаандан, зерах төрел бөлүктен ^q укталган кижи чүве-дир) бүгү херектер талазы-биле хаанның мурнунга чоннуң төлээлекчизи турган.

Өске хоорай-суурларның чурттакчылары

25Көдээ черлерге, боттарының шөлдеринге чурттап турган улуска хамаарыштыр алыр болза, иудейлер дараазында черлерге чурттап турган: Кириат-Арбага болгаш ооң чоок-кавызында суурларга, Дивонга болгаш ооң чоок-кавызында суурларга, Иекавцеилге болгаш ооң чоок-кавызында суурларга, 26Иешуага, Моладага, Бет-Палетке, 27Хацар-Шуалга, Беэр-Шевага болгаш ооң чоок-кавызында суурларга, 28Циклагка, Мехонага болгаш ооң чоок-кавызында суурларга, 29Аин-Риммонга, Цорага, Иармутка, 30Заноахка, Одолламга болгаш оларның чоок-кавызында суурларга, Лахиске болгаш ооң шөлдеринге, Азекага болгаш ооң чоок-кавызында суурларга. Иудейлер Беэр-Шевадан эгелээш, Энном шынаазынга чедир турумчуп чурттай берген.
31Вениаминчилер Гевага, Михмаска, Гаяга, Вефилге болгаш ооң чоок-кавызында суурларга, 32Анатотка, Новка, Ананияга, 33Асорга, Рамага, Гиффаимге, 34Хадидке, Цевоимге, Неваллатка, 35Лодка, Онога болгаш Харашим шынаазынга чурттап турган.
36Иуданың аймааның черинде чурттаан чамдык левит бөлүктер Вениаминниң аймааның аразынга Бурганга бараан болуп турган.