Neh 3 | TyvTUV | STEP | Бурганның дээди бараалгакчызы Элиашив биле ооң ха-дуңмазы болур бараалгакчылар Хой хаалгазын катап тудуп эгелээн. Олар ук хаалганы ыдыктап кааш, ооң эжиин туружунга тургузуп каан. Олар хананы Меа суургазынга чедир база Хананел суургазынга чедир ыдыктап каан.

‏ Nehemiah 3

Хананың тудугжулары

1 Бурганның дээди бараалгакчызы Элиашив ^a биле ооң ха-дуңмазы болур бараалгакчылар Хой хаалгазын ^b катап тудуп эгелээн. Олар ук хаалганы ыдыктап кааш, ооң эжиин туружунга тургузуп каан. Олар хананы Меа суургазынга чедир база Хананел суургазынга ^c чедир ыдыктап каан. 2 Хананың чанында кезээн Иерихоннуң чурттакчылары ^d тудуп турган, а оларның чанынга Имриниң оглу Заккур тудуп турган.

3 Балык хаалгазын ^e Сенааның чурттакчылары ^f тудуп каан. Олар ооң оорга чудуктарын салгаш, эжиктерин тургузуп, шоочалар болгаш дээктерин кылып каан. 4 Урияның оглу Меремот ^g хананың дараазында кезээн катап тудуп каан. (Урия болза Гаккоцтуң оглу чүве-дир.) Ооң чанынга Берехияның оглу Мешуллам, а ооң чанынга Баананың оглу Садок хананы катап тудуп турган. Берехия болза Мешезавелдиң оглу болур чүве-дир.

5 Хананың дараазында кезээн Текояның чурттакчылары ^h катап тудуп каан, ынчалза-даа оларның ызыгууртан улузу боттарының Дээргизинге ажылдап бээри-биле оорга-мойнун ээктирбээн. 6 Иешана хаалгазын ^{▼▼ Азы: «Эрги хаалганы» (Неем. 12:39 көр).} Пасеахтың оглу Иодай болгаш Бесодияның оглу Мешуллам олар катап тудуп каан. Олар ооң оорга чудуктарын салгаш, эжиктер, шоочалар болгаш дээктерин кылып каан. 7 Оларның чанынга Гаваон чурттуг Мелатия, Меронот чурттуг Иадон – Гаваон биле Мицпаның чурттакчылары – Евфрат хемниң барыын талазында девискээрниң чагырыкчызының доктаар черинге чедир ^{▼▼ Азы: «Евфрат хемниң барыын талазында девискээрниң чагырыкчызының дужаалын ёзугаар».} катап тудуп турган. 8 Харгаяның оглу, эзилдирикчи-усчу Узиил хананың дараазында кезээн катап тудуп каан, а ооң чанынга чаагай чыттыг чүүлдер кылыкчызы Анания катап тудуп турган. Ол улус Иерусалимниң ханазын Делгем ханага ^k чедир тургузуп каан. 9 Хананың дараазында кезээн Хурнуң оглу Рефайя – Иерусалим девискээриниң бир чартыының даргазы катап тудуп турган. 10 Ооң чанынга, бодунуң бажыңының дужунга Харумафтың оглу Иедайя, а ооң чанынга Хашавнияның оглу Хаттуш катап тудуп турган. 11 Хананың база бир кезээн Харимниң оглу Малхия болгаш Пахат-Моавтың оглу Хашув катап тудуп каан. Олар Суугу суургазын ^l база катап тудуп каан. 12 Оларның чанынга Галлохештиң оглу, Иерусалим девискээриниң өске бир чартыының даргазы Шаллум кыс уруглары-биле кады катап тудуп турган.

13 Шынаа хаалгазын ^m Ханун деп кижи база Заноахтың чурттакчылары катап тудуп каан. Олар ону тудуп дооскаш, ооң эжиктер, шоочалар болгаш дээктерин кылып каан. Олар оон ыңай хананың Өдек хаалгазынга ⁿ чедир муң кыры дурту кезээн база катап тудуп каан.

14 Өдек хаалгазын Рехавтың оглу, Бет-Карем ^o девискээриниң чагырыкчызы Малхия катап тудуп каан. Ол ону тудуп дооскаш, ооң эжиктер, шоочалар болгаш дээктерин кылып каан.

15 Суг бажы хаалгазын ^p Колхозейниң оглу, Мицпа девискээриниң даргазы Шаллум катап тудуп каан. Ол ону тудуп дооскаш, ооң дээвиирин салгаш, эжиктер, шоочалар болгаш дээктерин кылып каан. Оон ыңай Хаан сесерлииниң чанында ^q Селах деп хөөлбектиң дужунда хананы Давидтиң Хоорайындан тепкииштер ^r бадып келген черге чедир катап тудуп каан. 16 Хананың дараазында кезээн Азбуктуң оглу, Бет-Цур девискээриниң бир чартыының даргазы Неемия катап тудуп турган. Хананы ол Давид хаанның чевег-куйларынга ^s чедир, кылымал хөөлбек биле Маадырлар бажыңынга чедир катап тудуп каан.

17 Ооң соо-биле левиттер катап тудуп чоруп олурган: Баниниң оглу Рехум, ооң чанынга Кеила девискээриниң бир чартыының даргазы Хашавия бодунуң девискээрин төлээлеп катап тудуп турган. 18 Ооң чанынга оларның ха-дуңмазы Хенададтың оглу, Кеила девискээриниң өске чартыының даргазы Баввайның удуртулгазы-биле катап тудуп турган. 19 А ооң чанынга, хананың ок-чепсек шыгжаар өрээлче көдүрүлген тепкииштериниң дужундан азыгга чедир база бир кезээн Иисустуң оглу, Мицпаның чагырыкчызы Эзер катап тудуп каан. 20 Хананың база бир кезээн – азыгдан эгелээш, Бурганның дээди бараалгакчызы Элиашивтиң ^t бажыңының эжиинге чедир – Заббайның оглу Варух чүткүлдүү-биле катап тудуп турган. 21 Ооң соо-биле хананың база бир кезээн – Элиашивтиң бажыңының эжиинден эгелээш, ооң бажыңының ужунга чедир – Гаккоцтуң оглунуң оглу, Урияның оглу Меремот ^u катап тудуп каан.

22 Ооң соо-биле чоок-кавы черлер чурттуг Бурганның бараалгакчылары катап тудуп турган. 23 Оларның соо-биле Вениамин болгаш Хашув боттарының бажыңнарының дужунга катап тудуп турган, а оларның соо-биле Ананияның оглунуң оглу, Маасеяның оглу Азария бодунуң бажыңының чанынга катап тудуп турган. 24 Ооң чанынга, хананың база бир кезээн – Азарияның бажыңындан эгелээш, азыг биле ээр черге чедир – Хенададтың оглу Биннуй катап тудуп каан. 25 Узайның оглу Фалал хананың азыг дужунда кезээн катап тудуп каан база хаанның үстүкү ордузундан бедип үнген, Таңныылдар шөлүнүң ^v чанында суурганы катап тудуп турган. Ооң чанынга Пароштуң оглу Федайя катап тудуп турган. 26 Офел тейде ^{▼▼ Офел тей – Иерусалимниң кезээ, Бурганның өргээзинден ырак эвеске турган (2 Чыл. 27:3 көр).} чурттап турар Бурганның өргээзиниң ажылчыннары хананың дараазында кезээн – Суг хаалгазының ^x чөөн талазында черге болгаш бедип үнген суургага чедир катап тудуп каан. 27 Оларның соо-биле Текоя чурттуглар ^y бедип үнген улуг суургадан эгелээш, Офел ханазынга чедир база бир кезекти катап тудуп каан.

28 Хананың Аът хаалгазындан ^z ыңай кезээн Бурганның бараалгакчылары – кижи бүрүзү бодунуң бажыңының дужунда хананы катап тудуп каан. 29 Оларның соо-биле Иммерниң оглу Садок бодунуң бажыңының дужунга, а ооң чанынга Шеханияның оглу, Чөөн хаалганың таңныылы Шемайя ^aa олар катап тудуп турган. 30 Ооң соо-биле хананың база бир кезээн Шелемияның оглу Анания, Цалафтың алдыгы оглу Ханун олар катап тудуп каан. Оларның чанынга Берехияның оглу Мешуллам ^ab бодунуң өрээлиниң дужунга катап тудуп турган. 31 Ооң соондан эзилдирикчи-усчу Малхия хананың дараазында кезээн – Гаммифкад хаалгазының мурнунда турар Бурганның өргээзиниң ажылчыннарының болгаш садыгжыларның бажыңынга чедир база хананың азыында өрээлге чедир катап тудуп каан. 32 А хананың азыгда өрээл биле Хой хаалгазының ^ac аразында кезээн эзилдирикчи-усчулар биле садыгжылар катап тудуп турган.