Neh 7 | TyvTUV | STEP | Хананы тудуп доозуптарга, хаалганың эжиктерин тургузуп кааным соонда, хаалгачылар, ыраажылар болгаш левиттерни Бурганга бараан болуру-биле томуйлап каан.

‏ Nehemiah 7

1 Хананы тудуп доозуптарга, хаалганың эжиктерин тургузуп кааным соонда, хаалгачылар, ыраажылар болгаш левиттерни Бурганга бараан болуру-биле томуйлап каан. 2 Мен ынчан бодумнуң дуңмам Ананий ^a биле Иерусалимде шивээниң даргазы Ананияга – ак сеткилдиг база өске хөй улуска бодаарга, Бургандан коргар кижиге – хоорайны камгалап-кадагалаарын дагзып кагдым.

3 Мен оларга: «Хүн караа изиде бербээн шаанда, Иерусалимниң хаалгазын ажытпас ужурлуг. Хаалгачылар албан-хүлээлгезин хүлээдир бетинде, эжиктерни хаап, дээктеп турзун ^b. Оон ыңай Иерусалимниң чурттакчыларын таңныылдар кылдыр тургузуп калыңар: чамдыызын – таңныылдаар черлерге, а бир чамдыызын – боттарының бажыңнарының чанынга» – дээн мен.

Туттуруушкундан ээп келген улустуң даңзызы

(Эзра 2:1-70)

4 Иерусалим хоорай улуг, делгем турган, а чурттакчы чон ында эвээш, бажыңнар ам-даа катап туттунмаан турган. 5 Бурганым мээң сеткил-чүрээмге ызыгууртан, дарга улусту база карачал чонну чыггаш, чизе кылыр бодал киирип каан. Туттуруушкундан баштай ээп келген улустуң төрел салгал аайы-биле чизе-даңзызын тып алган мен. Ында бижиттинген чүве бо-дур.

6 Чурттуң туттуруушкундан ээп келген улузу бо-дур. Оларны Вавилоннуң хааны Навуходоносор тудуп аппарган турган ^c. Олар Иерусалим болгаш Иудеяже, кижи бүрүзү бодунуң хоорайынче, ээп келген. 7 Оларны Зоровавел ^d, Иисус ^e, Неемия, Азария, Раамия, Нахманий, Мардохей, Билшан, Мисферет, Бигвай, Наум болгаш Баана эдерип турган.
Израиль чоннуң ээп келген төрел бөлүктериниң даңзызы бо-дур:

8 Пароштуң үре-салгалы ^f – 2172 кижи,
9 Шефатияның үре-салгалы – 372,
10 Арахтың үре-салгалы – 652,
11 Пахат-Моавтың үре-салгалы (Иисус биле Иоавтың төрел бөлүүнден) – 2818,
12 Эламның үре-салгалы – 1254,
13 Заттунуң үре-салгалы – 845,
14 Закхайның үре-салгалы – 760,
15 Биннуйнуң үре-салгалы – 648,
16 Бевайның үре-салгалы – 628,
17 Азгадтың үре-салгалы – 2322,
18 Адоникаминиң үре-салгалы – 667,
19 Бигвайның үре-салгалы – 2067,
20 Адинниң үре-салгалы – 655,
21 Атерниң үре-салгалы (Эзекияның төрел бөлүүнден) – 98,
22 Хашумнуң үре-салгалы – 328,
23 Бецайның үре-салгалы – 324,
24 Харифтиң үре-салгалы – 112,
25 Гаваоннуң үре-салгалы – 95.

26 Вифлеем биле Нетофаның чурттакчылары – 188 кижи,
27 Анатоттуң чурттакчылары – 128,
28 Бет-Азмаветтиң чурттакчылары – 42,
29 Кириат-Иарим, Кефира болгаш Беероттуң чурттакчылары – 743,
30 Рама биле Геваның чурттакчылары – 621,
31 Михмастың чурттакчылары – 122,
32 Вефил биле Гайның чурттакчылары – 123,
33 Нево-Ахерниң чурттакчылары – 52,
34 Элам-Ахер чурттакчылары – 1254,
35 Харимниң чурттакчылары – 320,
36 Иерихоннуң чурттакчылары ^g – 345,
37 Лод, Хадид болгаш Ононуң чурттакчылары – 721,
38 Сенааның чурттакчылары ^h – 3930.

39 Бурганның бараалгакчылары:
Иедайяның ⁱ үре-салгалы (Иисустуң төрел салгалындан) – 973 кижи,
40 Иммерниң үре-салгалы ^j – 1052,
41 Пашхурнуң ^k үре-салгалы – 1247,
42 Харимниң үре-салгалы ^l – 1017.

43 Левиттер: Иисустуң үре-салгалы (Годеваның төрел салгалындан, Кадмиилди дамчыштыр) – 74 кижи.
44 Ыраажылар ^m: Асафтың ⁿ үре-салгалы – 148 кижи.
45 Хаалгачылар ^o: Шаллум, Атер, Талмон, Аккув, Хатита болгаш Шовайның үре-салгалы – 138 кижи.

46 Бурганның өргээзиниң ажылчыннары ^p: Циха, Хасуфа болгаш Таббаоттуң үре-салгалы, 47 Керос, Сиа болгаш Фадоннуң үре-салгалы, 48 Левана, Хагава болгаш Шалмайның үре-салгалы, 49 Ханан, Гиддел болгаш Гахарның үре-салгалы, 50 Реайя, Рецин болгаш Некоданың үре-салгалы, 51 Газам, Уза болгаш Пасеахтың үре-салгалы, 52 Бесай, Меуним, Нефишсимниң үре-салгалы, 53 Бакбук, Хакуфа болгаш Хархурнуң үре-салгалы, 54 Бацлит, Мехида болгаш Харшаның үре-салгалы, 55 Баркос, Сисара болгаш Фамахтың үре-салгалы, 56 Нециах биле Хатифаның үре-салгалы.
57 Соломоннуң чалчаларының үре-салгалы ^q: Сотай, Соферет болгаш Фериданың үре-салгалы, 58 Иаала, Даркон болгаш Гидделдиң үре-салгалы, 59 Шефатия, Хаттил, Похерет-Гаццевайим болгаш Амоннуң үре-салгалы.
60 Бурганның өргээзиниң ажылчыннары биле Соломоннуң чалчаларының ук-салгалы шупту – 392 кижи.

61 Израильче Тел-Мелах, Тел-Харша, Херув-Аддон болгаш Иммер хоорайлардан чедип келген-даа болза, оларның төрел бөлүктери израиль чондан укталган дээрзин шынзыдып шыдаваан улус:
62 Делайя, Товия болгаш Некоданың үре-салгалы – 642 кижи.
63 Бурганның бараалгакчыларындан укталган улус: Ховайя, Гаккоц болгаш Верзеллийниң оолдары. (Ол Верзеллий дээрге Галаад чурттуг Верзеллийден укталган бир кысты кадай кылып алгаш, ол ат-биле адаттынып эгелээн кижи турган.) ^r 64 Ол улус боттарының төрел угунуң бижилгезин дилеп турган, ынчалза-даа тыппайн баргаш, арыг эвес кылдыр санаттырып, Бурганның бараалгакчыларының даңзызынче киир бижиттирбээн. 65 Тус чер чагырыкчызы оларга урим биле туммимни ^{▼▼ Урим биле туммим – Дээрги-Чаяакчының күзел-соруун тодарадыр дээш Бурганның бараалгакчыларының ажыглап турган херекселдери (Хост. 28:30 көр).} ажыглап шыдаптар бараалгакчы көстүп келгижеге чедир аажок ыдыктыг өргүлдерниң эъдин чивезин ^t дужаап каан.

66 Эглип келген бүгү ниитилел 42 360 кижилиг болган чүве-дир.

67 – 68 – 69 Оон аңгыда 7337 эр, херээжен кул кижи турган, оон ыңай 245 эр, херээжен ыраажы база олар-биле кады турган. Олар ^{▼▼ Өске бурунгу сөзүглелде «736 аъттыг, 245 мулдуг» деп немеп каан.} 435 тевелиг болгаш 6720 элчигенниг турган чүве-дир.

70 Төрел салгалдарның чамдык баштыңнары Бурганның өргээзиниң тудуунга ажыглаары-биле акша-хөреңги өргүлү кылган:

тус чер чагырыкчызы акша-хөреңги шыгжамырынче 1000 драхма алдын ^{▼▼ 8,5 хире килограмм алдынга деңнежир.}, хан кудар 50 аяк болгаш Бурганның бараалгакчылары кедер 530 ^{▼▼ Өске бурунгу сөзүглелде «30» деп бижээн.} хеп берген.

71 Төрел салгалдар баштыңнары 20 000 драхма алдын, 2200 мина мөңгүн ^{▼▼ 170 хире килограмм алдынга, 1200 хире килограмм мөңгүнге деңнежир.} берген. 72 Чоннуң арткан бүгү улузу 20 000 драхма алдын, 2000 мина мөңгүн болгаш Бурганның бараалгакчылары кедер 67 хеп берген. 73 Ынчалдыр Бурганның бараалгакчылары, левиттер, хаалгачылар, ыраажылар, Бурганның өргээзиниң ажылчыннары база карачалдар – бүгү израиль чон боттарының хоорайларынга чурттап эгелээн.