‏ Numbers 1

Израиль чоннуң баштайгы чизе-бүрүткели

1Дээрги-Чаяакчы Моисейге Синай ховузунга ^a, Ужуражылга майгынынга ^b, израильчилерниң Египеттен хосталып үнгениниң ийиги чылында, ийи айның бирээде мынча деп дужааган: 2– 3«Сен Аарон-биле бүгү израиль ниитилелдиң санаашкынын төрел бөлүктерин, ада-өгбезин барымдаалап кылып калыңар, шупту эр улусту санаашкынче киирип, кымны-даа арттырбайн даңзылаңар ^c. Израиль шеригге албан-хүлээлге эрттирип шыдаар, чээрби хардан өрү назылыг шупту эр улусту чурум-чыскаалдыг бөлүктер аайы-биле санап калыңар. 4Аймак бүрүзүнден-не бодунуң аймааның баштыңы болур кижи санаашкынны силер-биле кады чорутсун. 5Силерге дузалажыр эр кижилерниң аттары бо-дур:

Рувимниң аймаандан – Шедеурнуң оглу Элицур ^d;

6Симеоннуң аймаандан – Цури-Шаддайның оглу Шелумиил ^e;

7Иуданың аймаандан – Аминадавтың оглу Наассон ^f;

8Иссахарның аймаандан – Цуарның оглу Нафанаил ^g;

9Завулоннуң аймаандан – Хелоннуң оглу Элиав ^h;

10Иосифтиң оглу Эфремниң аймаандан – Аммиудтуң оглу Элишама ⁱ;

Иосифтиң оглу Манассияның аймаандан – Педацурнуң оглу Гамалиил;

11Вениаминниң аймаандан – Гидеонийниң оглу Авидан ^j;

12Данның аймаандан – Амми-Шаддайның оглу Ахиезер ^k;

13Асирниң аймаандан – Охранның оглу Пагиил ^l;

14Гадтың аймаандан – Регуилдиң оглу Элиасаф ^m;

15Неффалимниң аймаандан – Энанның оглу Ахира ⁿ».

16Ол эр кижилер дээрге израиль ниитилелден шилиттинген, ада-өгбе төрел бөлүктериниң – Израильдиң аймактарының баштыңнары улус турган. 17Моисей биле Аарон шак ол аттарын адаан улусту кыйгырып эккелгеш, 18ийи айның бирээде бүгү израиль ниитилелди чыып алганнар. Чээрби хардан өрү назылыг эр улус боттарының төрел бөлүктерин, ада-өгбезин айыткаш, санаашкынче боттарын киирип, кижи арттырбайн даңзыладып алганнар. 19Моисей израильчилерниң санаашкынын Синай ховузунга Дээрги-Чаяакчының дужааганын ёзугаар күүсеткен.

20Израильдиң дун оглу Рувимниң үре-салгалын – дөргүл-төрелин, төрел бөлүктерин, ада-өгбезин барымдаалап, чээрби хардан өрү назылыг, шериг албаны эрттирип шыдаар шупту эр улусту санаашкынче киирип – кымны-даа арттырбайн санап кааннар. 21Рувимниң аймаанда эр улусту санаарга, 46 500 кижи болган ^o.

22Симеоннуң үре-салгалын – дөргүл-төрелин, төрел бөлүктерин, ада-өгбезин барымдаалап, чээрби хардан өрү назылыг, шериг албаны эрттирип шыдаар шупту эр улусту санаашкынче киирип – кымны-даа арттырбайн санап кааннар. 23Симеоннуң аймаанда эр улусту санаарга, 59 300 кижи болган ^p.

24Гадтың үре-салгалын – дөргүл-төрелин, төрел бөлүктерин, ада-өгбезин барымдаалап, чээрби хардан өрү назылыг, шериг албаны эрттирип шыдаар шупту эр улусту санаашкынче киирип – санап кааннар. 25Гадтың аймаанда эр улусту санаарга, 45 650 кижи болган ^q.

26Иуданың үре-салгалын – дөргүл-төрелин, төрел бөлүктерин, ада-өгбезин барымдаалап, чээрби хардан өрү назылыг, шериг албаны эрттирип шыдаар шупту эр улусту санаашкынче киирип – санап кааннар. 27Иуданың аймаанда эр улусту санаарга, 74 600 кижи болган ^r.

28Иссахарның үре-салгалын – дөргүл-төрелин, төрел бөлүктерин, ада-өгбезин барымдаалап, чээрби хардан өрү назылыг, шериг албаны эрттирип шыдаар шупту эр улусту санаашкынче киирип – санап кааннар. 29Иссахарның аймаанда эр улусту санаарга, 54 400 кижи болган ^s.

30Завулоннуң үре-салгалын – дөргүл-төрелин, төрел бөлүктерин, ада-өгбезин барымдаалап, чээрби хардан өрү назылыг, шериг албаны эрттирип шыдаар шупту эр улусту санаашкынче киирип – санап кааннар. 31Завулоннуң аймаанда эр улусту санаарга, 57 400 кижи болган ^t.

32Иосифтиң оглу Эфремниң үре-салгалын – дөргүл-төрелин, төрел бөлүктерин, ада-өгбезин барымдаалап, чээрби хардан өрү назылыг, шериг албаны эрттирип шыдаар шупту эр улусту санаашкынче киирип – санап кааннар. 33Эфремниң аймаанда эр улусту санаарга, 40 500 кижи болган ^u.

34Иосифтиң оглу Манассияның үре-салгалын – дөргүл-төрелин, төрел бөлүктерин, ада-өгбезин барымдаалап, чээрби хардан өрү назылыг, шериг албаны эрттирип шыдаар шупту эр улусту санаашкынче киирип – санап кааннар. 35Манассияның аймаанда эр улусту санаарга, 32 200 кижи болган ^v.

36Вениаминниң үре-салгалын – дөргүл-төрелин, төрел бөлүктерин, ада-өгбезин барымдаалап, чээрби хардан өрү назылыг, шериг албаны эрттирип шыдаар шупту эр улусту санаашкынче киирип – санап кааннар. 37Вениаминниң аймаанда эр улусту санаарга, 35 400 кижи болган ^w.

38Данның үре-салгалын – дөргүл-төрелин, төрел бөлүктерин, ада-өгбезин барымдаалап, чээрби хардан өрү назылыг, шериг албаны эрттирип шыдаар шупту эр улусту санаашкынче киирип – санап кааннар. 39Данның аймаанда эр улусту санаарга, 62 700 кижи болган ^x.

40Асирниң үре-салгалын – дөргүл-төрелин, төрел бөлүктерин, ада-өгбезин барымдаалап, чээрби хардан өрү назылыг, шериг албаны эрттирип шыдаар шупту эр улусту санаашкынче киирип – санап кааннар. 41Асирниң аймаанда эр улусту санаарга, 41 500 кижи болган ^y.

42Неффалимниң үре-салгалын – дөргүл-төрелин, төрел бөлүктерин, ада-өгбезин барымдаалап, чээрби хардан өрү назылыг, шериг албаны эрттирип шыдаар шупту эр улусту санаашкынче киирип – санап кааннар. 43Неффалимниң аймаанда эр улусту санаарга, 53 400 кижи болган ^z.

44Санаашкынны эрткен улус ол-дур. Моисей, Аарон болгаш Израильдиң он ийи баштыңының – бир аймактан-на бир кижиниң санап кааны улус ол-дур. 45Шупту израильчилерни – чээрби хардан өрү назылыг, израиль шеригге албан эрттирип шыдаар бүгү улусту – төрел бөлүктер барымдаалап санап кааннар. 46Санаашкынны эрткен шупту эр улус 603 550 кижи болган ^aa.

47А левиттерни санаашкын эрткен чон аразынче, ада-өгбезиниң аймаан барымдаалап, киир санавайн барган. 48Дээрги-Чаяакчы Моисейге мынча деп дужааган турган: 49«Чүгле Левийниң аймаан чизе-даңзыже киирбе, оларны өске израильчилер-биле кады санава. 50Сен левиттерге Ужуражылга майгынын, ооң хамык херекселдерин болгаш ооң иштинде турар бүгү чүүлдү хүлээндирип каг – олар майгынны болгаш ооң хамык херекселдерин дажыглазын, аңаа бараан болзун, ооң чанынга турлагжып алзын. 51Ужуражылга майгынын көжүрүп турда, ону левиттер дүрүп, буссун, а майгынны тигер апарганда, ону олар тиксин. Өске-бир кижи майгынче чоокшулап кээр болза, ону өлүрүп каар ужурлуг. 52Израильчилер боттарының туктарының чанынга чурум-чыскаалдыг бөлүктер ёзугаар турлагжып алыр ужурлуг. 53А левиттер израиль чоннуң ниитилелинче Бурган килеңневезин дээш ^ab, майгынны долгандыр турлагжып алгаш ^ac, ол дээш ээ-харыысалгалыг болур ужурлуг».

54Израиль чон бүгү чүвени Дээрги-Чаяакчы Моисейге канчаар дужааганыл, ынчаар күүсеткен.