Numbers 14:6-9
6А Нуннуң оглу Иисус a биле Иефоннийниң оглу Халев b – ханаан черни шинчип көрүп чораан улустуң ийизи – хептерин ора соп каапкаш c, 7бүгү израиль ниитилелге мынча дээннер: «Бистиң топтап көрүп чораан черивис дыка эки чер чүве, 8бир эвес Дээрги-Чаяакчының сеткилинге кирер болзувусса, Ол бисти демги черже чедирип, сүт биле ары чигири агып чыдар байлак черни биске бээр-дир ийин. 9Чүгле Дээрги-Чаяакчыга удур үймээн үндүрбеңер база ол черниң чурттакчыларындан кортпаңар, чүге дээрге бис оларны аъш-чем дег сыырыптар бис: оларда ам камгалал чок болгай, а Дээрги-Чаяакчы бистиң талавыста-дыр d. Олардан кортпаңар!»
Copyright information for
TyvTUV