Numbers 20
Мариамның мөчээни
1Бүгү израиль ниитилел ээн кургаг Цин ховузунга дөртенги чылдың бир айда чедип келгеш, Кадеске доктааган. Мариам аңаа чок апаарга, ону ол черге ажаап каан a.Моисейниң частырыы
2Ижер суу чок боорга, чон Моисей биле Ааронга удур чыглып келген b. 3Израиль чон Моисей-биле алгыжып: «Бистиң ха-дуңмавыс Дээрги-Чаяакчының мурнунга өлү берген өйде бис база өлү бээривис кай! c 4Дээрги-Чаяакчының чонун чүге бо ээн кургаг ховуже эккелдиңер, бисти маңаа мал-маганывыс-биле кады өлзүн дээш бе? 5Бисти Египеттен чүге үндүрүп эккелдиңер, шак бо багай, тараа тарыттынмас, фига ыяштары-даа, виноград-даа, гранат чимистери-даа чок, ижер суг безин тывылбас черже эккээр дээш бе?» – деп турганнар. 6Моисей биле Аарон чыылган чондан ырап, Ужуражылга майгынынче кирер черже чорупкаш, доңгая кээп дүжерге d, Дээрги-Чаяакчының өндүр чырыы оларга көстүп келген. 7Дээрги-Чаяакчы Моисейге мынча деп чугаалаан: 8«Дуу ол даянгыышты ап алгаш, Аарон акың-биле кады чонну чыггаш, олар көрүп турда, бо чалымга бодунуң иштинде суун бээрин чугаала. Ынчалдыр оларга чалымдан сугну аксып үндүрүп бээр сен, чонга суг ижиртип, ооң мал-маганын суггарар сен». 9Моисей Дээрги-Чаяакчының мурнунда турган даянгыышты Ооң дужаалын ёзугаар ап алган. 10Моисей биле Аарон чонну чалым чанынга чыып алган. Моисей оларга: «Үймээнчи улус, дыңнаңар, бо чалымдан силерге сугдан аксып берээли бе?» – дээн e. 11Ол холун көдүргеш, чалымны даянгыыжы-биле ийи катап кагарга, хөй суг аттыгып үнүп, чон-даа, ооң мал-маганы-даа ол сугну ижип алган. 12А Дээрги-Чаяакчы Моисей биле Ааронга: «Меңээ бүзүревейн барып, Мээң ыдыктыымны израиль чон көрүп турда, хүндүлевээниңер дээш, бо чонну Мээң оларга берип турарым черже баштап алгаш, кирбес силер f» – дээн. 13Ол дээрге Мериваның ▼▼ Мерива – «Алгыш-кырыш» дээн уткалыг ат (Хост. 17:7 көр).
суу деп чер-дир. Ооң чанынга израиль чон Дээрги-Чаяакчы-биле алгышкан. Дээрги-Чаяакчы аңаа Бодунуң ыдыктыын көргүскен. Эдомнуң Израильди эрттирбейн барганы
14Моисей Кадестен Эдомнуң хаанынче төлээлекчилерин чорудуп, сөс дамчыткан: «Силерниң ха-дуңмаңар болур израиль чон мону дамчыдып тур h. Биске таварышкан хамык бергедээшкиннер дугайында билир болгай силер. 15Бистиң ада-өгбевис Египетче көжүп чоруй барган турган, ол черге үр чурттаан бис i. Египетчилер бисти, ада-өгбевисти бак көрүп турган j. 16А бис Дээрги-Чаяакчыдан дуза дилеп кыйгырарывыска, Ол бистиң үнүвүстү дыңнап кааш k, Бодунуң төлээзин чорудуп, бисти Египеттен үндүрүп эккелген l. Бис ам силерниң кызыгаарыңар кыдыында Кадес хоорайда чедип келдивис. 17Силерниң чериңер таварты эрте бээрин биске чөпшээреп көрүңер. Силерниң шөлдериңерни, виноград тараан черлериңерни базып эртпес бис, кудуктарыңардан суг узуп ишпес бис, Хаан Оруу-биле ▼▼ Хаан Оруу – мурнуу чүкте Акаба мугулдурдан соңгу чүкте Дамаск хоорайга чедире бээр кол орук.
чоруптар бис. Силерниң кызыгаарларыңарны эртпээн шаанда, оруктан оң-даа, солагай-даа талаже эгбес бис n». 18Ынчалза-даа эдом чон аңаа: «Бистиң черивис дамчыштыр эртпеңер, оон башка хылыжывыс туткаш, силерге удур чаалажып үнер бис» – деп харыылаан. 19Израиль чон аңаа: «Чүгле улуг орук-биле эрте бериксеп тур бис. А бир эвес бис азы мал-маганывыс силерниң сууңарны ижер болзувусса, ол дээш төлээр бис, чүгле эрте кылаштай берээли, дилеп турар чүвевис чүгле ол-дур!» – деп дамчыткан o. 20А Эдом аңаа: «Эртпеңер!» – деп харыылааш, хөй санныг аг-шерии-биле база күчүлүг холу-биле Израильге удур тулчур дээш үнүп келген. 21Ынчангаш эдом бодунуң девискээрин таварты эртерин Израильге чөпшээревээн. Израиль ону кыдыы-биле оюп эрте берген p. Аароннуң мөчээни
22Израиль чон Кадестен көжүп үнгеш, бүгү ниитилели-биле Ор деп дагга чеде берген q. 23Дээрги-Чаяакчы Моисей биле Ааронга Ор дагга, Эдомнуң кызыгаарының чанынга мынча деп чугаалаан: 24«Аарон бодунуң өгбелериниң соондан өске оранче чоруй баар, Мериваның суунуң чанынга Мээң сөзүмге удурланып турганыңар дээш, израиль чонга берип турарым черже ол кирбес r. 25Ааронну база ооң оглу Элеазарны эдерткеш, оларны Ор дагже үндүре бээр сен. 26Аароннуң хептерин ужулгаш, ооң оглу Элеазарга кедирип каар сен s. Аарон аңаа сөөлгү оруунга белеткенир, оон мөчүүр». 27Моисей Дээрги-Чаяакчының дужааганын ёзугаар кылган. Олар үжелээ Ор дагже, бүгү чон көрүп турда, үне бергеннер. 28Моисей Аароннуң хептерин ужулгаш, ооң оглу Элеазарга кедирип каан. Аарон аңаа, даг бажынга мөчээн t. А Моисей биле Элеазар дагдан дүжүп келген. 29Бүгү чон Аароннуң мөчээнин билип каан. Шупту израильчилер үжен хүн дургузунда Аароннуң ажыын ажып, ыглажып турган u.
Copyright information for
TyvTUV